:: للمغتربين .. اتفضلوا وفضفضوا ::

[Pink Rose]

كل واحد يكتب البلد الي مغترب فيها ..

وشو رأيه فيها " عيوبها وحسناتها " ؟

وهل بيشعر بانتماء لهذه البلد سواء كان مغترب للدراسه او العمل ؟

وشو الاشياء الي بحس بنقص فيها وبفتقده بالبلد الي مغترب فيه ؟

يعني باختصار كل الاعضاء المغتربين يحكوا كل اللي في بالهم عن البلد

اللي مقيمين فيها او اي شي بييجي في بالهم وهم في بلاد الغربة ..

[تحـ البشر ـدوهـ]

يا خيتي احنا مغتبرين ببلادنا هههههه

بس بعين الله

انا حاس حالي مغترب ببلدي


يلى تحياتي وتسلم ايديكي عالموضوع

...
..
.
ت
ح
د
و
هـ

[جرحٌ بملامح انسان]

أنا موجود في بلدي ^ ^
بس على راي تحدوه البشر
احنا في بلدنا مغتربين*_*
تسلمي على الموضوع

[.:.!دموع الرحيل!.:.]

كل واحد يكتب البلد الي مغترب فيها ..

لبـنـان بيـروت

وشو رأيه فيها " عيوبها وحسناتها " ؟

مممم .. عاديه متلها متل كل هالبلدان ..

بس الوضع فيهـا مؤخراً .. كرماله لورا ..

أمنيـا واقتصاديـاً طبعـا .. حتى الناس ما عادت متحملة بعضـهـا وكل واحد روحو واصله لحقله

الله يفرّج عن الجميع

وهل بيشعر بانتماء لهذه البلد سواء كان مغترب للدراسه او العمل ؟

انا لاجئـة ..

وبصراحـة ابدا ما بشعر لإنتمـائي إلهـا ..

بس ما بنكر إني متعلقه فيهـا .. وببيروت خاصة ..

بس تعلّق تعوّد مش تعلّق إنتمـاء !!

وبصراحة وخير الكلام ما قل دلّ ..

انا بمشـي ع الآرض هون وبحسهـا بترفضنـي ^^

وشو الاشياء الي بحس بنقص فيها وبفتقده بالبلد الي مغترب فيه ؟

أشياء كتير ..

أول شي الواحد بوطنـه ما حدا بيطلعله يمنن عليه ..

وكل شوي والتانيه يهتوه الي حواليه منيح الي ضابينكم عنـا ..

مع العلم انهم بيقبضوا عليـنـا .. ونحن نعتبر مستأجرين ..

لأنهم بياخددوا أجار أراضي المخيـمـات .. وبياخدوا .. مصاري على كل فرد ومواطن فلسطيني ..

من اول ما يخلق وكل عمره ..

بس رغم هيك .. المـنـّة ونظرة الازدراء .. والتعـالي .. لا بد انك تسمعها بين فترة والتانيه ..

طبعـا إلا من رحم ربي .. لكن بحكي بشكل عام

وبعدين .. الإنسـان الي بلاقيه بوطنـه .. مستحيل يلاقيه بأي مكـان التاني ..

الوطن مثل الأم .. ولا أي شي بهالدنيـا ممكن يعوّض حنـانـه .. ولا عطائه :(

يعني باختصار كل الاعضاء المغتربين يحكوا كل اللي في بالهم عن البلد

اللي مقيمين فيها او اي شي بييجي في بالهم وهم في بلاد الغربة ..

ممممم .. ما بقول غير ربنــــا يفرجهـا ..

وما بحكي غير .. عمره ما حدا يتكبر أو يجرح الناس التانيه الي بكفيهـا الي فيهـا

لأنـه ممكن اي انسـان إله مأوى ووطـن

يصبح تاني يوم .. بلا مأوى وبلا وطـن ..

من غير شر طبعـا .. بس الله يرزق هالناس الحكمـة .. والخوف من رب العالمين ..

الفلسطيني في لبـنـان فاقد لأقل أنواع حقوقه ..

محروم من أكثر من 70 وظيفه ..

ممكن يدرس 10 سنين جامعه طب .. وبالأخير .. ممنوع إلا يكون نيرس تحت إيد طبيب لبناني ..

ولو كان هو اعلى منه .. !!

حالة المخيـمـات بتبكي الحجر ..

وهالشباب .. كرهوا حياتهم ..

بس طبعـا فيها نـاس بتقدر الفلسطينية .. بس نسبة قليلة ..

وربنـا يفرجهـا .. ويرجعنـا ع بلادنـــــــا

المحررة بكل ذرة فيهـا ..

رح أحط هون موضوع .. بيحكي عن حــال الفلسطيني في لبنــان ..

ممكن يوصل الفكرة أكثر .. عن حالنـا في لبنـان ..


الفلسطيني في لبنان ان كان مخطئا فهي فضيحة وعليها شهود ..وان كان منجزا فتكتم علي الامر ولا تعلنه !::

وطبعـا ما بتمنى لهالبـلد إلا كل خير والله ..

فيه اجتعمت واتربيت مع أعز الناس ع قلبي .. الي ما بلاقي متلهم بالدنيـا كلهـا

فيه نشأتي .. وكل حيـاتي بحلوهـا ومرهـا

ربنـا يلهمهم جميـعـاً الي فيه الخير لوطنهم

ويملك أمرهم لحكـــام أملهـا رضى الله ورضى رسول الله ..



مشكورة حببيتي موضوع حـلو

رح اثبته .. بعـد إذن المشرفين

[هادي]

أنا هلأ بفلسطين .. بس مواليد السعودية وتريبت فيها .. بس زي ما حكت دموع الرحيل .. مش ممكن نشعر بالإنتماء إلا لفلسطين .. وفي فلسطين ما بيئدر الفلسطيني يدخل أكثر من نص أراضي فلسطين .. يعني الإحتلال بيفرض احتلاله على كل فلسطيني في العالم ..
الفلسطيني في كل العالم مشبوه ومتهم حتى تثبت ( إدانته)!!! وبالذات في الوطن العربي .. ومع هيك ما في شخص بيفتخر بنتماؤ لوطنو زي الفلسطينين ..

[قمر الخليل]

كل واحد يكتب البلد الي مغترب فيها ..

الامارات

وشو رأيه فيها " عيوبها وحسناتها " ؟

فديتها ههههههههه

بموووت فيها وخصوصا رووحي دبي

عيوبها الدنيا حررررررررررررررر ونفسي البس شتوي تئيل واحسن بجو الشتا والتلج والمطر

وكمان السنة فيها طويييلة هههههههههه

حسناتها مبسوطة فيها لانو هوون صحباتي ولانو بتضلها فايعة ليل نهار ههههه وكمان لانو شغل بابا منيح فيها ودراستي كمانووو

وهل بيشعر بانتماء لهذه البلد سواء كان مغترب للدراسه او العمل ؟

نعمـ اكيد بحس اني بنتمي لانو الفترة مش قليلة الي عشتها هون

وشو الاشياء الي بحس بنقص فيها وبفتقده بالبلد الي مغترب فيه ؟

الاهل والاقارب فرحة العيد معهم خصوصا لما يجاكرونا واحنا بنحكي معهم
جو الجامعات الي بالضفة مافي متلو هون
غير عن الاكلات والفواكة وكلشي

يعني مش عارفة شو اقول بس فلسطين بالنسبالي زيارة وبس لانو صعب اعيش فيها هلأ

عشان هيك الحمد لله عكل حال وانا مبسوطة هون

[شهيدة الاقصى]

انا فلسطينية متغربة بالامارات
انا بعشق شي اسموا فلسطين بموووووووووووووووووووووووووت باراضيها
بس كمان بحب الامارات كتيير لاني ولدانه فيها ومستقرة فيها وكل شي فيها
بس بالاجازة بزور فلسطين وبقضي احلى اوقاتي فيها
يعني بصراحة انا بحب البلدين بس البلد الاساسي غير

[أحلى مايا]

كل واحد يكتب البلد الي مغترب فيها ..

انا عايشة بالامارات (ابوظبي )

وشو رأيه فيها " عيوبها وحسناتها " ؟

الامارات بالنسبة الي بلدي بصراحة لانو الله خلئني فيها وعرفتها اكتر ما عرفت فلسطين حسناتها ولله انها بلد غير شكل مش لانو عايشي فيها لانو عنجد حاويي كتير جنسيات وخاصة الفلسطنية في الكل مكان الحمدلله ومابنكر انها بعهد الشيخ زايد الله يرحمو كتيير تغيرت علينا

عيوبها انو كتير بمنو علينا نحنا علمناكو وعالجناكو وووو كلو بلاش طبعا هادا ايام الشيخ زايد مش هلا

هلا كل شي بفلوس وفي اشياء تانية بس هلا مش ببالي الحلو فيها بردو انو شغل بابا وماما هون الحمدلله منيح والحياة هون بردو فرفشة كتيير حلوة يعني
وهل بيشعر بانتماء لهذه البلد سواء كان مغترب للدراسه او العمل ؟

بصراحة بحس بانتماء الها يعني مابرضى حدا يغلط عليها او يحكي عنها بشي مش منيح بضل انو تربيت فيها وما اعتقد انو رح ائدر اعيش ببلد غيرها وفلسطين لو بعيش فيها رح تكون كتيير صعبة علي وانا بصراحة بنبسط فيها لما انزل زيارة بس

وشو الاشياء الي بحس بنقص فيها وبفتقده بالبلد الي مغترب فيه ؟

كل شي بنستعملو بنحسو محسوب علينا واي شي بنعملو بنئول مش بلدنا

بنفتقد لارض نحنا نكون عايشين عليها عشان هي ارضنا متل اي مواطن عايش على ارضو وبحسها عنجد ارضو
يعني باختصار كل الاعضاء المغتربين يحكوا كل اللي في بالهم عن البلد

اللي مقيمين فيها او اي شي بييجي في بالهم وهم في بلاد الغربة ..


مممم ما بئول غير الله يفرجها ونرجع لبلادنا يارب وهي محررة ونئدر ندخل عليها متلنا متل اي واحد بدخل وطنو

يسسلمو الك كتيير على الموضوع الرووعة

[قمر الخليل]

أشياء كتير ..

أول شي الواحد بوطنـه ما حدا بيطلعله يمنن عليه ..

وكل شوي والتانيه يهتوه الي حواليه منيح الي ضابينكم عنـا ..

مع العلم انهم بيقبضوا عليـنـا .. ونحن نعتبر مستأجرين ..

لأنهم بياخددوا أجار أراضي المخيـمـات .. وبياخدوا .. مصاري على كل فرد ومواطن فلسطيني ..

من اول ما يخلق وكل عمره ..

بس رغم هيك .. المـنـّة ونظرة الازدراء .. والتعـالي .. لا بد انك تسمعها بين فترة والتانيه ..

طبعـا إلا من رحم ربي .. لكن بحكي بشكل عام

وبعدين .. الإنسـان الي بلاقيه بوطنـه .. مستحيل يلاقيه بأي مكـان التاني ..

الوطن مثل الأم .. ولا أي شي بهالدنيـا ممكن يعوّض حنـانـه .. ولا عطائه :(

حبيبتي دموع


بتهون والله

واكيد الا ما نرجع ويرجع كل لاجيء

لا تنسي انو الفلسطينين همي الي عمرو نص العالم العربي

هون بالامارات كل المهندسين والدكاترة ودكاترة الجامعات اغلبهم فلسطينين

الاردن 80 % من سكانها فلسطينين وهمي الي عمروها

لبنان سوريا العراق مصر كلوووووووووو

بتهون حبيبتي النا الله احنا

[إسراء الفلسطينية]

كل واحد يكتب البلد الي مغترب فيها ..

الدنمــــارك !!

وشو رأيه فيها " عيوبها وحسناتها " ؟

كونــي خلقت بلبنان ،، بس بعتبر الدنمارك البلد يلي نشأت فيها لانو اجيت عليها من انا و صغيرة ،،

كنت بتمنى لو ما سافرنا على الدنمارك و ضلينا بلبنان

بس للاسف هاد يلي صار

و الحمد لله على كل شيـئ :)

اولاً متل ما بتعرفو الدنمارك بلد اجنبية ،، و للاســف بلد غير مسلمــة ،

و هاد طبعاً بأسر على المسلمين يلي عايشين فيها

لانو النا عادات و تقاليد غيرهم هني بتاتاً

و هني بدهن يانا نمشي وراهم و نعمل متل ما بدهم !

بس الحمد لله الاكتريه هون عاقلين ،، و متعلقين بدينهم

لكن للاسف في نسبه قليله ،، اتبعوا عاداتهم و تقاليدهم ،، و الصراحه بحزن عليهم كتير

لانو باعوا دينهم بهل سهوله !

الحقيه ما بعرف كيف بلد اجنبيه تعمل فيهم هيك !!

الله يهديهم يارب

اه و كمــان الطقس ،، بضــل بارد صيف و شـتا !!

كتيـــر كئـــابة هل بلد ،، خصوصي بالشتــا <<< ما بعرف شو اجى ع بالي احكي عن الطقس ،، بس قد ما انا متعقده من هل امر ^^

،،

الشغله اللي منيحه انو بلد آمنه ،، و ما فيها مشاكل !

و كل واحد حر بحالو ،، و ما ملتزم انو يعمل اي شي هوي ما بدو ياه ،،

و بحس انو في كتير امور مسّهله ،، بالنسبه للبلاد العربيه ،، مثلا الدراسه العلاج و كتير اشياء تانيه ،،

وهل بيشعر بانتماء لهذه البلد سواء كان مغترب للدراسه او العمل ؟

الصراحـــة مش كتيـــر !

يمكن لو كانت بلد عربيه اه ،، بس اجنبيه لا ،،

لانو صعبه كتير ،، انو الواحد يتعلق ببلد ،، غير عنا تماماً !!

وشو الاشياء الي بحس بنقص فيها وبفتقده بالبلد الي مغترب فيه ؟

كتيـــــــر اشيــــاء !!!

في نقص بإنو المسلمين كلهم يكونوا ايد وحده

خصوصي لاننا ببلد اجنبيه و منتعرض للعنصريه من قبل الغير مسلمين

و طبعاً الغربه صعبه مهما كانت ،، يعني بيكفي انو الواحد بعيد عن اقاربو و احبابو و اهم شي عـن وطنـــــو :(

يعني باختصار كل الاعضاء المغتربين يحكوا كل اللي في بالهم عن البلد

اللي مقيمين فيها او اي شي بييجي في بالهم وهم في بلاد الغربة ..

ما بقول الا الله يفرجها علينا و يلم الشمل

لانو الغـــربه صعبــه كتير و بدها صبر :(

و مهما صار ما في اي شي بيقدر يعوضنا عن فلسطين او ينسّينا ياها ،،

حتى لو اننا بعاد عنها بس بضل بقلوبنا والله !!

،،،


شكرا كتير حبيبتي على الموضوع الحلو

يعطيكي الف عافيه :)