هل تتضايق من الشخص الذي يغار عليك؟؟؟

[توته]

السلام عليكم ورحمته الله وبركاته

طبعا كل انسان في هالدنيا عنده شعور الحب والأحساس والمشاعر
التي تجري داخله كأنسان

((( يعني يزعل ويرضى يضحك ويبكي )))

وكل شي ممكن يكون في داخله
ومن ضمن هذه الصفات عندنا صفة جدا حساسة
وموجودة في كل شخص منذ الصغر حتى كبره
وهي :



{ الغيرة }



نعم الغيرة التي تتغلب علينا وتفوق قوة كل انسان مهما كان مركزه

ونحن نعرف انها دائما ما تكون عند النساء
ليس ذلك انها ليس موجودة في الرجال لكن الأغلبية في النساء .

فنجدهاا بين الحبيب وحبيبه
وبين كل الأحباء تلقون شي اسمه غيره

فلكم الآن سؤالي نحو هذا الموضوع:

نفترض بأنك انسان محبوب او انسانة محبوبة
ويوجد شخص يغار عليك او اشخاص بشكل جدا قوي او بسيط


هل تتضايق من الشخص الذي يغار عليك
وما هي درجة الغيرة التي لا تتحملها منه ؟


سؤال مطروح لكم ايها الأعضاء واتمنى من الجميع المشاركة والتفاعل
فالموضوع للمناقشة والرأي

تحياتي

[الرمشـ الحساسـ]

مممممممممم
والله يا توته أسئلتكـ صعبة وبتحيير..ههههههههه
المهم..
شي أكيد كل واحد بحب حبيبو أو الشخص الي بحبو يغار عليه ولوووو..خخخخ
وانا بالنسبة لرأيي انو هاد الشي عادي...وما بدايئ...
يسلموووووو حبيبتي على طرحكـ لهالموضوع..
مشكوووووورة يا عسل...
يلا بتمنى من الكل يتفاعل..

[*ريحانة القلب*]

حيا الله توتة

موضوع حلو


والله الصراحة لو كانت الغيرة زايدة عن حدها

لدرجة بتخنق اكيد بدايق

بس اجمالا اي انسان لما الي بحبهم يغارو عليه بنبسط ..

الغيرة المعتدلة دليل المحبة ..



شكرا توتة ع الموضوع

واحنا بانتظار جديدكـ ^^



|*|

[توته]

مشكوره على الردود الحلوه
بانتضار الاعضاء الباقين

[سيف الاسلام]

فلكم الآن سؤالي نحو هذا الموضوع:

نفترض بأنك انسان محبوب او انسانة محبوبة
ويوجد شخص يغار عليك او اشخاص بشكل جدا قوي او بسيط


هل تتضايق من الشخص الذي يغار عليك
وما هي درجة الغيرة التي لا تتحملها منه ؟

لا طبعاا مش بتضايق.. الانسان لازم يتفهم هذه المشاعر والتي لا تنبع الا عن حب حقيقي للمقابل
اماا اذا كانت غيره محسوده لمنصب ماااا و تمييز بامر ماااا هذه مش بس بتضايق وكمان تحزن القلوب

[Hamsa]

بصراحه اكيد ما بتدايئ لانو الشخص يلي بحبني اكيد بغار عليي
ومشكوره على الموضوع روعه

[أحلى مايا]

هي الغييرة بشكل عام بدايئ وبحسها بتقيد الواحد خاصة ازا زادت عن حدها يعني انا بصراحة ما بحبها


يسسلمو الك كتيير

[AnGeLa]

هل تتضايق من الشخص الذي يغار عليك
وما هي درجة الغيرة التي لا تتحملها منه ؟

ازا الشخص انا بحبو ،، فراح تكون على قلبي زي العسل

لكن ما توصل لدرجة الشك فيي

اما ياللي ما بحبو ،، ما رح اتحمل منو شي

يسلمووو

[&نسيم الروح&]

هي الغيره حلوه

بس كل اشي بزيد عن حده بنقلب ضده

فالغيره المفرطه بتازي الي بغار والي الغيره عليه بتموته

وما بحبها وما بدي ياها ولا بدي

ميرسي الك على الموضوع الحلو

[limar]

حلوة الغيرة بس بحدود
انو ما توصل لدرجة التملك بكل شي حتى ب الهوى الي منتنفسو
التفاهم بهيك ئصص بحل مشاكل كتير

عدم وجود الغيرة ممكن يادي للاحساس بعد اهتمام الطرف الاخر وهالشي بدايئ احيانا
وزيادة الغيرة ممكن تادي للاختناق
كل شي وسطي بكون الحل الافضل
شكرا على الموضوع