:: فتــة الدجــاج [طبـق العيـد] ::

[~ | Mazaj]

/
/



كـل عـام وانتــو بخيــر ..

وكـل عـام والامـة العربيـة والاسـلامية بخيـر ..

طبق اليـوم فتــة الدجـاج أو فتـة اللحمــة ..

وبهديه لنــانتــي ..

نفسها فيه ههههه

وبالمناسبة اليوم غدانا فتة لحمــة

عشان لحمة العيد ..

خلونــا نفـوت بمكونات الطبق وطريقة عمـله ..





المقـادير //

دجاجة واحدة مطهوة ومنزوعة الجلد والعظام

4 اكواب من مرق الدجاج

تحضيـر كوبان من الرز المطهو ..

خبـز رقـاق أو خبـز صـاج (( حسب الموجود بس الافضل خبز رقاق ))

فصان مهروسان من الثوم

وفلفل اخضـر مفروم ناعم ..

3 حبـة ليمــون

فستـق مقلي



التحضير ::

1- يقطع خبز الصاج او خبز الرقاق الى قطع متوسطة ..

2- تسكب عليه المرقـة ( سواء لحمة ولا دجاج ) ويغطى لفترة 4-5 دقائق ..

3- في هذا الوقت يتم دقّ الفلفل الاخضر مع الثوم ويوضع كم من ذرة ملح عليه ..

ثم يضاف اليه حبـة ونصف الحبـة الى المزيج ..

4- نرجع للخبز والمرقة .. وبنضيف طبقة من الرز المطهو عليه (( حسب الرغبـة ،، بس تكون معقووولة ))

5 - بعد هيك بنقطع حبة من الليمون لدوائر ..

6- بنسكب مزيح الفلفل والثوم والليمون المعصور [الدّقة] على جميع انحاء الطبق ,, ثم نضع فرمات الليمون الدائرية

بالاضافة الى الفستق المقلي .. ومن ثم يضاف الدجاج المطهو بعد تحميره بالفرن على وجه الطبق ..

وبالصحـة والهنــا



وهي صـورة لخبـز الصـاج ..



اما الرقاق ما لقيتلو صورة بتفتح النفس خخخ

عشان هيك بديش اجيب

كنتم مع الشيف فجر

وبدي اروح اعمل الدقة ههههههه

هاد الاشي الوحيد يلي فالحة فيه بكل هالشغلة

كل الـود

[لولو اليبناوية]

كنتم مع الشيف فجر

وبدي اروح اعمل الدقة ههههههه

هاد الاشي الوحيد يلي فالحة فيه بكل هالشغلة

كل الـود

هههههههههههههههههههههههه

يسعدلي فيفي يا ناس

بس نانوش مش اكّيلة لحمة

خخخخخخخخخخخخ

يلا صحة وهنا على قلبك نانوش

[~ | Mazaj]

ههههههههههههههههههه

ويسعدك ياربي

نانا مش اكيلة لحمة :|

طول الوقت تقولي ع المسن ولك هااااي لحمممممة

لحمـــــــــة

وانا اقولها مقرفة وهي تقولي لحمة ..

ان كان هي ولا ميمي ..

قرّفني التنتين

بس بتعرفيها الاكلة ولا لا ..

اصلو نانا ما عرفتها !

منوورة حوبي

[إسراء الفلسطينية]

ولا انا بعرفهــا لهل اكله ولا مرة ماكليتها :|

بسمــع فيهــا منكــن ،،

بس مــا بعرفها

بعرف فتة الحمص

ما بعرف غيرها من الفتات

بــاينتها طيبــه والله

خلص بدي اخلي امي تعملها شي يوم ^^

يسلموو يا احلى فيفي

يعطيكي العافيه

[أميـرة فلسطين]

ياااي

والله جوعانه

ريحتها بتشهي >> قال يعني <<

ههههههههههههههه

يسلموووو حبيبتي

من ايد ما نعدمها

[.:.!دموع الرحيل!.:.]

ههههههههههههههههههههههههههه

يا سلاااااام .. شي بجـنـن !!

ولك انا بعرف الفتة شي تــاني .. ما فيها هيك رز .. !!

المهم اشي بشهــــــي ..

عقبال ما اجي عندك واطعميني منهـــــا

وصحة وهنـا ع قلبك



تسلميلي والله ،، اطلعي بالأكلة واتزكريني

[فراشة]

طقوس عنا الغدا فتة اول ايام عيد الاضحى ... تسلمي يا عسل عالموضوع ال بشهي

بدي اطلع من هالقسم جوعتوني

[الوردة الحانية]

هههههههههه

يسلملي هالشيف

الله يعطيكي العافية

[B a s i m a]

إممممممممم لزيزة

ماما دايما بتعملها الفتة سواء بالجاج أو اللحمة

بس بالنسبة للدئة...بنخليها بصحن و كل واحد بيحط على حسب زوئو...

يسلموا فجر يا شيف

. . .

[بنت الرملة]

:(

جاي عبالي فته وجاج ع هالفجــر..

يسلمووووووو حـــبيبتي فجــووورتـي..