انت فتح او حماس ؟؟؟؟؟ لا يغرك العنوان ادخل وشوف !!!!!

[مؤيد]

المشاركة الأصلية كتبت بواسطة احلى أنا
أنت قلت من صافح يد الصهاينة و وقف معهم ضــد شعبه لن يكون فلسطينيا ...
لا أحد يستطيع أن ينكر ذلك .. ولكن اين الاثبات بأن من تتحدث عنهم قد وقفوا فعـلا ضـد شعبهم ...

بالنسبة للاثباتات التي تتحدث عن وقوف مجموعة ضد شعبهم ، فهذا هو أحد قيادات فتح يتحدث ، دعني أقتبس من كلامه :

نائب من كتلة فتح يهاجم حكومة فياض ويحملها حصار قطاع غزة
الرابط :
http://livep.ps/portal/b988af44-902e...4-efa5ae01e596

الاقتباس :

هاجم النائب عن كتلة فتح البرلمانية عبد الحميد العيله مواقف قيادات السلطة الفلسطينية في رام الله إزاء الحصار المفروض على قطاع غزة، متهماً قيادة السلطة بالاستخفاف بنواب كتلة فتح في القطاع وعدم الاستجابة لمطالبهم المتعلقة بمعاناة مواطني القطاع.

وأكد العيله في مقال له بعنوان "نواب فتح بين حصار غزه وحصار حكومة رام الله لهم"، أن نواب كتلته البرلمانية تقدموا بعشرات الطلبات لقيادة السلطة ورئاسة كتلة فتح في رام الله للتخفيف من حصار مواطني غزة دون أن يجرى الاستجابة لأدنى هذه المطالب.

هلأ بتجو بتتبرؤا منه عشانو شريف وبتبذوه من الحركة متل ما عملتو مع ابو هلال ومع الشهيد القائد جمال ابو سمهدانة الي كان فتحاوي وترك ..

من الممكن أن يكونوا قد صافحوا الصهاينة وهذا غير مقبول ولكن لا نقول ضــد شعبهم فهدفهم من هذه المصافحة خدمة شعبهم وان كانت هذه الطريقة مرفوضة فهذا يعود لهم وأنا قلت أنهم لا يمثلون لا فتح ولا حتى الشعب الفلسطيني . . . الموضوع كان عن الوحدة وأنت تحدثت أن الوحدة لا تآمن بها أو ما شابه .. ولكن هل الوحدة لا تتم الا بوجود هـؤلاء .. هــذا هو ســؤالي

هههههههههه

خدمة الشعب ، فعلا ً خدمو شعبهم بعد أنابوليس .....

وأقلك لسه دماء شهيد الأمن الوطني في بيت لحم ما جفت ، هذه بتسميها خدمة من محمود عباس وقيادات فتح لشعبهم ؟؟؟؟
اليهود لسه اليوم معتقلين من الضفة عشرات ...
ولسه اليوم قرأت بجريدة القدس انو اليهود المستوطنين بلشوا يبنو مستوطنات جديدة اليوم وبعد انابوليس ...

عشان هيك ما نضحك على حالنا ونروح نسلم على اعدائنا عشان نتأمل منهم خدمة ومعروف ، عمركم شفتو واحد بطلب الخير والمعروف من عدو ؟؟؟ عجبا ً لكم ...

احكيلي ابو مازن بعد ما صافح شارون ، كم واحد شارون قتل بعد هاي المصافحة ؟ 100 والا 200 فلسطيني ؟ وبتجي تحكيلي انو ما فيها شي يسلم على الاعداء ازا كان في صالح شعبو !!!!
اذبحححح :

[بنت الرملة]

.. فـفتح ولدت قبل أن يولدوا أصـلا .

بالله ؟؟

عشان ولدت قبل معناتو بضلها الكل بالكل ..

اسمحيلي يا احلى انا ابصر بنت ولا ولد بعرفش

المهم ..

لما نولدت نولدت عشان تجاهد وكتر الله الف خيرهم وبجد كااااااااانوا إلي فيها رجال..

بس الحين شو ؟؟؟

ماشايفين منهم إلا اشياء بتوطي الرااااااااس ..

وإزا جاي تحكي عن حماس إنو فيها ناس مش كويسه هدول مش أنبياء

وفي منهم لمنيح وإلي مش منيح بس بشكل عام كلهم مناح ^^..

ومش يعني إنو فتح نولدت قبل حماس يعني خلص حتى لما تصير عميله بدنا نضلنا نسقفلها ..

^^ سلامي

[عاشقة حماس]

فعلا عجيب كلامك اخ احلى انا..
لا ادري من حطم جسور الحوار ومن هدمه قبل ان يبنى؟؟؟
اليس من العيب ان تقبل الحوار مع من سفك دماء شعبك وقتل وشرد ودمر المنازل وقطع الاشجاء وعاث في الارض خرابا.. وفي نفس الوقت ترفض رفضا قاطعا الحوار مع ابناء جلدتك ..لماذ؟؟ لان امريكا والصهاينة غير راضين عليهم فلذلك عليك ان توافقهم والا فستلقى مالا يرضيك منهم؟؟؟
من الذي قام بأبشع الجرائم التي عرفتها البشرية حيث قام الخونة بقتل الناس على اللحية وأطلقوا النار على الابرياء لمجرد الانتماء.. من قام بحرق البيوت الآمنة والمحلات التجارية والتعدي على حرمات المساجد...من الذي يركض وراء الاحتلال سعيا لارضاءه وغير مبالي بمعاناة شعبه ؟؟؟؟؟ من الذي قام بتقديم اللوائح الطويلة العريضة باسماء المجاهدين المرابطين حتى يتم قتلهم؟؟؟؟؟؟؟؟؟؟؟؟ ...........
كل هذه الجرائم كانت تحدث باوامر من السلطة العليا الخائنة العميلة وبمراى من اعينهم و بسببهم وضعت العديد من الحواجز حتى اعتلوا الأبراج وضيقوا على الناس حياتهم....
ولا ننسى ان بعضا من هذه الزمرة شغلها الشاغل هو كسر حركة حماس وفي سبيل إزاحة الحكومة الشرعية التي انتخبها الشعب مارست الزمرة الفاسدة العديد من الخيارات كان أولها عدم المشاركة في الحكم، ثم خطوات عزل حماس خارجيًّا وداخليًّا، ثم إشاعة الفتنة داخل الشعب الفلسطيني لتشويه حركة حماس وقياداتها .. واللائحة طويلة لا حد لها .... وكل ما الفقته من اعمال بحركة حماس هي منها برااااااااء والحقيقة باينة مثل نور الشمس في عز الظهر ...

[limar]

مالكم يا جماعة

هدوا ما بدنا نرجع للنقاشات الحادة ب المنتدا
الله يهدينا اجمعين

[مؤيد]

المشاركة الأصلية كتبت بواسطة احلى أنا
حماس وافقت على الحوار والهدنة بعدما فعلت ما فعلت وقتلت وظلمت بالقطاع وبعدما وجهت أصابع التكفير والخيانة الى الطرف الاخر ... فكيف لهم أن يقبلوا بالتحاور بعدما حطمت حماس جميع جسوره . . . عندما يصير الحوار هل ستعيد حماس قدم من بترت قدمه أم يد من بترت يده أم بيت من أحرق بيته أم روح من قتل ظلما .. . هذا مستحيل . . . ولكن مطالب الهدنة من فتح لم تكن هكذا . . . بل على شروط وهي أقل الشروط الممكنة .... عودة المراكز الى اصحابها ورفع يدها عن القطاع الذي سيطرت عليه بالقوة بعدما اتفقوا على الحكومة الوطنية بمكة وكان الكل قد أمن بأن الاتفاق قد ساد بينما كانت حماس تفكر كيف ستسيطر على القطاع . . . والمصيبة أنا حال القطاع اليوم من الاسوأ الى الاسوأ. . . ســـلامي لكم

ههههههه

معك حق من ناحية قتلت حماس ، فعلا قتلت الخونة في القطاع وخلصت عليهم .....

وما مست حماس اي فتحاوي شريف ، والدليل انو يوم الحسم في كتير من فتح سلموا حالهم وبعدها حماس عفت عنهم ، لإنهم مش خونة كانوا .....

أما انتو ما قتلتم شي ؟ ، له يا زلمة وين انت عايش بالزبط ، كل هدول الي انقتلوا على ايديكم شو ذنبهم ؟ انهم رافعين رايات التوحيد !! ،،،،، طيب في الضفة ما في وجود عسكري لحماس ، لشو قتلتم الشهيد محمد رداد في جامعة النجاح ، هذا خاين والا حافظ كتاب الله كامل ومربي لحية ، عشان هيك قتلتوه ........ وكمان الشهيد القائد السلعوس ليش قتلتوه بالضفة وهو اب لأطفال وبنات وهلأ صاروا ايتام بفضلكم ؟؟؟
وكمان مش بس قتلتم من حماس ، قتلتم من حزب التحرير في الخليل قبل اسابيع فقط ، ووو جرائم لا تعد ولا تحصى .......

وبتحكي انو حماس دمرت كل جسور الحوار ، هذا كلامك ، بس ما بعرف ليش مسموح عندكو انو اسرائيل تسلب كل فلسطين وتركتب مجازر وتسلب القدس وتسمم ابو عمار وبعدها ما شفناكم حكيتو انو لا حوار او مفاوضات مع اسرائيل !!!!!!
اه معكو حق اسرائيل شو ما تعمل مجازر الحوار لازم ما يوقف معها ، اما حماس عشانها استعادت غزة وهم فلسطينين بالمناسبة مش اعداء محتلين ، ما بدكو تتحاورا مع اخوانكم ....
الحوار مع الاعداء فقط هو غايتكم ..

ولا تتحدث عن عودة المراكز عن لأصحابها ، لن ترجع للـلصوص وابناء التنسيق الامني ، وصحاب هذه المقرات هي الحكومة الي فازت بالانتخابات الي هي حكومة حماس ، فما تجي تقلي هاي مقرات فتح وهي الحركة الي خسرت الانتخابات لإنو الشعب ما بدو ياها ....هذه مقرات للشعب مش لحركة فتح وحدها او لفصيل ، الي بفوز بانتخابات هو الي رح يستلمها ..

[مؤيد]

المشاركة الأصلية كتبت بواسطة بنت الرملة وفي منهم لمنيح وإلي مش منيح بس بشكل عام كلهم مناح ^^..

^.^

احكي انو نسبة المناح فيها عالية ...

بينما هديك الحركة التانية نسبة المناح ذخلكم قديش فيها ؟؟ .. جاوبو عني دخيلكم ^^ ...

وبعدين المهم برضو القيادة ، يعني قيادة حماس منيحة طبعاً ، بس قيادة فتح ؟؟؟ جاوبو عني برضو ^^ .... اذبح

ومش يعني إنو فتح نولدت قبل حماس يعني خلص حتى لما تصير عميله بدنا نضلنا نسقفلها ..

العمر مش شرط ولا مقياس ...

يعني متلا ً مش كل ما يكون الشي عتيق أكتر بكون أحسن ....

متلا ً اليهودية والنصرانية اجو قبل الإسلام ، فهل هم احسن من الإسلام لإنو عمرهم أكبر منو ؟؟؟ أكيد لا ...

[لولو اليبناوية]

^.^

احكي انو نسبة المناح فيها عالية ...

بينما هديك الحركة التانية نسبة المناح ذخلكم قديش فيها ؟؟ .. جاوبو عني دخيلكم ^^ ...

وبعدين المهم برضو القيادة ، يعني قيادة حماس منيحة طبعاً ، بس قيادة فتح ؟؟؟ جاوبو عني برضو ^^ .... اذبح

100%

اذبحين كمان ^^

[جرحٌ بملامح انسان]

والله صدق الامام الشافعي عندما قال :
اذا ناقشت لم أناقش متعلما الا غلبته ولم اناقش جاهلا الا غلبني

[جرحٌ بملامح انسان]

ما ناقشت متعلما الا وغلبته وما ناقشت جاهـلا الا وغلبني ***

[ღ حورية فلسطين ღ]

يا جماعة شو هالحكي

كمان بدكم فلسطين تتحرر؟

معلش اسمحولي

اذا ولاد فلسطين نفسهم مش واقفين مع بعض

كيف بدنا فلسطين تتحرر

لا وزعلانين ليش العرب ساكتين وماحدا فيهم بحكي كلمة ولا بوقف معنا

اذا احنا مش واقفين مع بعض كيف بدنا العالك يوقفو معنا

فرجنا الناس علينا واحنا نتقاتل فتح وحماس

بالله عليكم في حدا بيقدر يحكيلي شو بعمل بهيك موقف

لما احنا اللي المتغربين عن فلسطين انا اكبر مثال

في السعودية تيجي وحدة تسألني انتو ليش هيك بتتقاتلو مع بعضكم وفي خلافات بين فتح وحماس طيب مهمة كلهم فلسطينيين ليش بقتلو بعضهم؟؟؟؟؟؟؟؟؟؟؟؟


انا بهيك موقف شو بدي ارد؟؟؟؟؟؟؟

اعذروني على هالحكي بس هاد الواقع

بدنا فلسطين تتحرر طيب منقف ايد وحدة عشان تتحرر بشبابها واهلها

هاي وجهة نظري

وانا

فلسطينية

فلسطينية

فلسطينية

وبكره اي حدا بسألني انتي حماس ولا فتح

لأني ما بعترف بولا وحدة فيهم

فلسطينية للأبد

سلام