خد بيد صاحبك وادخل الجنة.. ادخل وافتح قلبك

[اسيرة النجوم]

من المؤكد ان كل واحد مننا معرض للاساءة من الاخرين
ونحنا هون في هذا المنتدى كثيرا ما سيطرت علينا مشاعر الانتقام والغضب
ولهذا احببت ان اضع هذا الموضوع بين ايديكم في نور الاسلام
لاجل انو نفتح قلوبنا لبعض
اي واحد حس انو زعل حدا منو يجي هون ويعتذر ويحكيلو يا خيي سماح منك والله اني غلطان
واي حدا زعلان من حدا يجي هون ويحكي وهو اكيد بعد ما يشوف راح يتراجع ويحكيلك اسف خيي الشيطان غرقني

يا جماعة سامحوا بعض
وانا من هون بحكي متل ما حكى حبيبنا رسول الله صلى الله عليه وسلم
ايها الناس من كنت قد جلدت له ظهرا فهاهو ظهري فليستقض مني
ايها الناس من كنت قد شتمت له عرضا فهذا عرضي فليقتص مني
ايها الناس من كنت قد أخذت منه مالا فهذا مالي فليأخذ مني
ولا يخشى الشحناء فأنها ليست من طبعي ... حتى ألقى الله وأنا سليم النفس طاهر النفس

اخواني افتحوا قلوبكم في هاد الموضوع
واي حدا عندو شحناء على حدا تاني يحكيها هون
واي حدا حس انو زعل حدا تاني يحكيها هون
حتى لو مش مسامح يحكي بس
ونحنا نكون معو
ونتفاهم مع بعض
عسى يكون العضو اللي مزعلك
هو من يرافقك يوم القيامة في الجنة ويحكيلك ربنا انت وياه : خد بيد صاحبك وادخل الجنة


انا مثلا زعلانة من عضوة هون في المنتدى
زعل من زمان كتير
كنت بتجنب الحكي معها مشان ما احس اني بنافق
ولاني بديش اضل شايلة في قلبي ناحيتها
ادا دخلت لهاد الموضوع وردت راح احكي انو هي
بديش احكي اسمها هلا لغاية مترد
بس يارب تدخل لانو الصراحة بديش يضل في قلبي شي ناحيتها
وعساه يكون هاد الموضوع هو بداية الخير في قلبي ليها

اخي / اختي
افتح/ي قلبك وفضفض

[&نسيم الروح&]

الله اسيره النجوم

موضوعك كتير حلو

اما انا عن نفسي مو زعلانه من حد ولا حد الكل متل اخواني

وانشالله ما يكون حد زعلان مني وازا في حد زعلان يقلي وطبعا نشاالله ما يكون حد

اسيره انتي زعلانه مني؟؟

[اسيرة النجوم]

المشاركة الأصلية كتبت بواسطة &نسيم الروح& الله اسيره النجوم

موضوعك كتير حلو

اما انا عن نفسي مو زعلانه من حد ولا حد الكل متل اخواني

وانشالله ما يكون حد زعلان مني وازا في حد زعلان يقلي وطبعا نشاالله ما يكون حد

اسيره انتي زعلانه مني؟؟

ابدا حبيبتي والله ما زعلانة منك
بس الخوف تكوني انت زعلانة مني
يا اختي اذا زعلتك فحق علي والله مو قصدي
انت اختي واكتر
وبتمنى الكل ادا كان حدا زعلتو مني
فيحكيها هون مشان اعتذرلو قدام الكل
من يعلم قد لا اراكم بعد يومي هذا
بوركت حبيبتي
وادا حسيتي انك زعلت حدا ممكن تجي لهاد الموضوع وتحكيها
واكيد هو هيتفهم
اما انا والله ماني زعلانة منك بس خايفه لكون انا مزعلتك

[نسرينا الفلسطينيه]

والله موضوع رائع اسيـره

انا مو زعلانه من حد الحمدلله

كل يوم قبل اول ما احط راسي ع المخده بشيل من قلبي كل زعل وحقد على اي انسان

بس ازا مزعله حدن

بتمنى يسامحني ..لانو اكيد ما كان قصدي ازعلو

ايها الناس من كنت قد جلدت له ظهرا فهاهو ظهري فليستقض مني
ايها الناس من كنت قد شتمت له عرضا فهذا عرضي فليقتص مني
ايها الناس من كنت قد أخذت منه مالا فهذا مالي فليأخذ مني

هاي اخلاق رسولنا صلى الله وبارك عليه

ولازم احنا نكون متلو

بارك الله فيكي اسيــره

ما في متلك والله

[اسيرة النجوم]

المشاركة الأصلية كتبت بواسطة نسرينا الفلسطينيه والله موضوع رائع اسيـره

انا مو زعلانه من حد الحمدلله

كل يوم قبل اول ما احط راسي ع المخده بشيل من قلبي كل زعل وحقد على اي انسان

بس ازا مزعله حدن

بتمنى يسامحني ..لانو اكيد ما كان قصدي ازعلو

ايها الناس من كنت قد جلدت له ظهرا فهاهو ظهري فليستقض مني
ايها الناس من كنت قد شتمت له عرضا فهذا عرضي فليقتص مني
ايها الناس من كنت قد أخذت منه مالا فهذا مالي فليأخذ مني

هاي اخلاق رسولنا صلى الله وبارك عليه

ولازم احنا نكون متلو

بارك الله فيكي اسيــره

ما في متلك والله

الله
الله
ياريت اي واحد زعلان من نسرينا هاي هي بتحكي سامحوني
واي حدا زعلان مني هيني هون فاتحة قلبي ليكم احكوها وانا بعتذر قدام الكل
يوم الافراح هاد والله
يا الله يارب يجمعنا مع المتحابين في الله
يا نسرينا اسفه حبيبتي ان كنت زعلتك مني شي مرة
والله مش قصدي

[غزاويه]

السلام عليكم ورحمة الله وبركاته...

الله يسعدك حبيبتي اسيرة ...

وعنــــــــــــــــــــــا ما يبعدك ياقل بي...

بسراحه انا مو زعلانه من حد في المنتدى ...

وما ني حامله بقلبي شي على الاعضاء...

وان شاء الله مايكونوا همه حاملين شي عليه...

واذا حد زعلان مني بطلب منو الســـــــــــــماح..

واشهدكم هنا اني عفوة عمن ظلمني ..

وهنا ايضا..

اشهدكم اني احبكم جميعا في الله..

تسلمي اسيرة ..

الله لايحرمني منك..

بس ماتكوني زعلانه مني ؟؟

[أميـرة فلسطين]

بــــرب

[بسمة فرح]

تسلملي الي دايما مميزه بمواضيعها

وانا كمن مو زعلانه من حد هون

واذا حد زعلان مني يسامحني واكيد ما بكون بقصد..

[أميـرة فلسطين]

بـــاك




/
/

أسيرة حبيبتي دايماً مميزة بأفكرها وبتحب الخير للجميــع..

همم

بس الله,,

انا بحب اعتذر لكل شخص حس اني فيوم دايقتو او زعلتو مني واكيد ما كان قصدي

واللي متدايق مني يحكيلي ويسامحني


سامحوني جميعاً

وانا مني وعلي مو زعلانه من حد واذا زعلت من حد شي يوم ( وان شاء الله ما حد يزعلني)

أكيد حسامحوووو

(( ما بحقد على حد الحمدلله ))

وبحبكم كلكم في الله

وربنا يسامح الجميع


/
/

أسيرة بس انتي سامحني بجد لأني قد ما حكيت مش حقدر اعبر عن مدى حبي وحترامي الك ولشخصك



كل الود لكم جميعاً

.
:
×
|
÷

[نسرينا الفلسطينيه]

المشاركة الأصلية كتبت بواسطة اسيرة النجوم

الله
الله
ياريت اي واحد زعلان من نسرينا هاي هي بتحكي سامحوني
واي حدا زعلان مني هيني هون فاتحة قلبي ليكم احكوها وانا بعتذر قدام الكل
يوم الافراح هاد والله
يا الله يارب يجمعنا مع المتحابين في الله
يا نسرينا اسفه حبيبتي ان كنت زعلتك مني شي مرة
والله مش قصدي

مو زعلانه منك

حبيتي والله

اانتي الخير والبركه