فتح تبحث عن خطباء في صفوفها بديلا عن حماس فلا تجد

[نسمة بلادي]

هذه هي اخلاق ابناء فتح

اصبحت محاربتهم لحماس هي محاربة الدين الاسلامي بشتى الوسائل!!!!! .....

لا حول ولا قوة الا بالله العلي العظيم


ما عسانا الا ان نقول سوى حسبنا الله ونعم الوكيل على كل خائن وعميل


وشكرا جزيلا لك اخي (ابو نضارة) على نقلك الحقيقة......

ربي يوفقك

[وحدة الشهيد ياسر عرفات]

لا حول ولا قوة لا بالله

وهل أصبح لأسلام فقط لحماس !!!

الله يهديكم يا رب

[فلسطيني حتى النخاع]

بدكم صافي الموضوع مع احترامي للجميع والانتماء
الطرفين في عندهم تياسة في ممارسة السياسة
بصـــــــــراحة انا متأسف على شعبي
صار حماس الها مساجد وفتح الها مساجد
ياالله المساجد لله للعبادة مش لممارسة السياسة

الله يعين ....بس بدي جميع المجاهدين يفركو عضلاتهم لانو في عملية عسكرية صهيونية واسعة النطاق في غزة
وانسو الحزبية احنا نفكر في القدس و القدس لجميع الفلسطينين مش لفتج او حماس ودمتم

[مارلين برلو]

الله يهدي الجميع تحياتى الك خيى ابو نظارة

[المارد الاسود]

والله يا ابو نضاره انتي شكلك خطيب الف الف
شو رايك تشتغل انت محلهم

تحياتي الك ولنضارتك

((فتح مرت من هنا))

[المارد الاسود]

بصراحه انو في مشكله بهالمنتدى
انا شايف انو في ناس جايي هون احتى تزاود وبس وانا متاكد انهم من النوع اللي بينام الساعه 8مسا ومن النوع اللي ممكن تصيبو جلطه لو سمع صوت رصاصه.

بس انا بدي اذكر الجميع بان قيادات فتح كانت وستبقى هي الاجدر في قيادة الحركه الوطنيه الفلسطينيه والتاريخ يشهد على ذلك.

ومن جانب اخر ممكن يا ابو نضاره انتي ما بتشوف منيح بس معقول ما بتسمع منيح ؟؟

بتحب اذكرك بخطابات ماهر مقداد
او محمد دحلان وما فيها من كلام روعه روعه
او عريقات
او قريع
او ا
او
او
ما تنسى سيد الثولره ابو عمار
ومفجر الانتفاضه الاولى ابو جهاد
وقرصان الجو الفلسطيني صلاح خلف ابو اياد
بسام ابوشريف
الحوت شفيق
مروان البرغوثي
ممدوح صيدم رحمه الله
ابو الهول
لو بدي اسميلك متحدثين بدي عشر يات

ان حركة فتح حركه عظيمه بابنائها ومنجزاتها ومقدراتها وقبل هذا وذاك بسلاحها والذي لا اتمنى ان تقابله

وسلامي الك ولنضارتك

[نسرينا الفلسطينيه]

انا ما قرأت الموضوع

بس العنوان لحالو مصيبه

بجد هلا فتح الها مساجدها وحماس الها مساجدها؟

هاي كارثه دينيه فلسطينيه..

لا حول ولا قوه الا بالله

الدين لحماس والي ما بنتمي لحماس خارج عن دينو؟

بجد بكفي مسخره اكتر من هيك..!!

بدل ما تبكو ع هيك خبريات

والحال الي وصلنا إلو

جاي ناقل الخبر ومبسوط ع حالك!!

[مؤيد]

بهمش بدي احكي بس اليوم معصب شوية اتحملوني .....

أولا ً بدي أحكي للناس الي هي عاطفية ، ويا ريت قبل ما تهاجمو حماس تعرفو التاريخ منيح .....

حماس من يوم يومها ومن أول ما انطلقت انطلفت من المساجد ( ليكون هادا عيب مش عاجبكم يا أفندية ) ....

يعني مش اشي جديد والله انو حماس تكون موجودة بالمساجد وأغلب الخطباء حمساوية اسلاميين ، عادي يا أفندية هاي حماس هيك حركة اسلامية شو تعمل يعني ، ما بدكم ياها تطلع من المساجد وتكون فيها ؟؟

وكتير من المساجد كلها فيها راية لا اله الا الله الخضراء ، بس بخطب فيها وبصلي ابن الجهاد وابن حزب التحرير وابن فتح ، يعني حتى الفتحاوية الي بصلي منهم بجي يصلي بالمساجد هاي الي اغلبها حماس متواجدة بالهمساجد .......

بس الشي الغريب ، وبعد طول هالمدة .... انو فتح تطلع علينا وتختلق مشاكل ما كانت موجودة اصلا ً ، وتصير تعمل تفرقة بزيادة وتروح تصلي بره المساجد ، مع انو المساجد معبية الدنيا وبتتمنى حدا يزورها ، بروحو الفتحاوية بصلو بالشوارع نكاية في حماس لزيادة الانقسام ...... أنا مش عارف شو فيها ازا الفتحاوية صلوا ورا الحمساوية ، ولا يمكن الفتحاوية بفكرو انو الصلاة ورا الحمساوي باطلة ؟؟؟؟؟؟؟؟؟؟؟؟

وفتح طول عمرها معروف هي مش حركة دينية ولا اسلامية ، وما انطلفت من المساجد ، فليش هلأ بالوقت هادا بالزات صارت بدها تعمل مساجد خصوصي الها ؟؟؟؟؟؟؟؟ .... ومين اوجد مصطلحات انو مساجد حمساوية ومساجد سلفية ووووو ، المساجد لله كلها وتجوز الصلاة فيها ....

وكمان شي ، خلينا قبل ما نحكي كلام ونتهم حماس ، نعرف الدين والتاريخ منيح ونقرأ بعديها نحكم ، الرسول عليه الصلاة والسلام في عهد الدولة الإسلامية ، هدم مسجد بناه المنافقين ، عشان يفرقوا المسلمين ويعلموا فتنة في دينهم ، فأمر الرسول عليه الصلاة والسلام بهدم هذا المسجد ، وكلنا عارفين هالقصة قصة مسجد الضرار الي بناه المنافقين ، تعلمناه كل هادا من السيرة النبوية من واحنا صغار ، والي ما عندو دين وما بعرف هذا الحكم الشرعي وهاي القصة فهو حر ،بس الأحسن انو يسكت وما يزاود على حماس .....