تعزيــة الاخ قسامي غزة في فقيدته اليوم

[بسمة فرح]

انا لله وانا اليه راجعون..

عظم الله اجرك اخ قسامي

شد حيلك واصبر وان شالله ربنا يجمعك وياها بجنانه..



لا حول ولا قوة الا بالله

[القلب الطيب]

حسبي الله ونعم الوكيل
والله أول ما سمعت عن نبأ استشهادها اني حزنت عليها
لأنها امرأة مجاهدة قدمت شهيد أثناء الانتفاضة ولها ابن مجاهد في كتائب القسام
هو الذي أصيب من نفس الشخص الذي قتل المرأة
والان زاد الحزن حين عرفت أنها عمة أخينا الغالي قسامي غزة

أعظم الله أجرك اخي قسامي
وعوضك الله عنها خيرا
حسبي الله ونعم الوكيل

[أحلى مايا]

ياالله حسبنا الله ونعم الوكيل والله يصبركو ياارب ويرحمها ويشفي ابنها

[ashrafo]

الله يعينك وعظم الله اجرك والله يصبركم ويعوضكم خيرا من مصيبتكم ..!!

والله يا اخي القسامي قلبي واغلى ما املك من مشاعري الصادقة كلها معك ومع اهل فلسطين

خصووصا غزة ؟!!

لكن ما بعرف شو بدي احكي بمكن كلامي يكون قاسي لكن للاسف ما حدا بيعرف شو اللي بصير

في غزة ابدا الا اللي خارج غزة .. الله يعينكم ويفك اسركم ويضمد جراحكم ويسكن آلامكم

ويشفي غليل صدوركم ..!!

لكن تعرف من هو المسؤول اولا واخيرا عن هذا الاجرام الداخلي ؟؟

للاسف هو الفرد والشخص الفلسطيني .. لانه سمح للكلاب الحوش والعملاء من الطرفين

من فتح وحماس وغيرها وغيرها انهم يلعبوا بعواطفهم وشعورهم .. للاسف النصف ذهب يهلل لحمااااس ..

والنصف الآخر ذهب يهلل ويكبر لفتح .. بدل ما يروحوا يهللو باسم الله ..

في النهاية اخوي وعزيزي القسامي والله عندي اخبار تسم البدن ويمكن ما عمرك سمعت فيها ..

لكن حفاظاً على شعورك وعلى شعور اعضاء المتندى وكمان من احترامي لهذا المنتدى ما بنزل

مواضيع وشبه اسرار تفضح بعض قيادات فتح وحماس لانه كلو عالفااااضي ما راح يخدم قضيتنا ووطنا..!!

وبالنهاية ما اقووول الا حسبي الله فيك ياعباس وحسبي الله فيك ياهنية ..!!

كانوا بمقدورهم الاثنيـــن انهم يحلو بعض مشاكلهم بعيد عن الشعب المظلوم المقهور في غزتنا غزة ..!!

لكن الشرهة مو على الحكام الشرهة عالشعب اللي ساندهم طول الوقت واؤتمن عليهم ..!!

واخوي قسامي ازا بدك اي خدمة اي مسااعدة مهما تخطر على بالك او متل ما سمعت انو المرحومة

عندها اطفال اي مسااعده بدك مهما كانت .. احكيلي اوكى .!!

اميلي عند الادارة وبتقدر تتواصل معي .. عن طريق الجوال اوكى ..!!

وهذا اقل ما يمكن اني اساعدك واخدمك فيه انتو تستاهلو اكتر من هيك .. ..!!

وعظم الله ا جرك ..!!

[Abu Shadi]

حسبنا الله ونعم الوكيل على الي كان السبب

اللهم اضرب الظالمين بالظالمين واخرجنا من بينهم سالمين

اللهم دمر كل من اراد فينا مضرة

اللهم دمر كل من اراد منصبا ولقبا ومالا

اللهم لا تجعله يهنئ بمنصبه ومقامه

اللهم ارزق من اراد في شعبنا خيرا

عظم الله اجرك اخي قسامي

واسال الله ان يرزقها الجنة ويرزقنا خيرها

تحيتي لكم

واخواني ياريت ما حدا يدخل بمواضيع سياسية

ونحنا هون لنعزي الاخ قسامي

وبلاش حدا يجيب حماس وفتح والجهاد وغيرو

نحنا عاملين الموضوع لتعزية اخونا قسامي خلافا عن وجهتنا السياسية

لانو كل واحد الو رأي وبختلف عن الاخر وياريت الكل يحتفظ برايو لانو حتصير مشاكل

واخي سيد الظلام سيبك من فتح لانو الكل بعرف انو فتح مش كلها عملاء

وان بدك اخي حماس فيها نفس الشخصيات الي بفتح

فلذلك اخي ياريت الكل يحتفظ برأيو وما صدقنا ونخلص من هيك قصص

وربنا يحميك اخي قسامي

[القلب الطيب]

يا عمي أمانة أمانة أمانة عليكم ما تدخلوا السياسة في هذا الموضوع
بكفي أحداث رفح
انا من اول ما سمعت الخبر
وانا متنكد
ونفسي مسدودة
ومقهور
بلاش تزيدوا النكد نكد
واتركوناا من حماس والجهاد وفتح وغيره
احنا هون لون واحد اسمه منتديات شباب فلسطين
كلنا اخوة
وكمان رجاء رجاء اتركونا من السياسة في هذا الموضوع

[Abu Shadi]

الله ينور عليك اخي القلب الطيب

وربنا صبركم جميعا

فعلا الواحد مهما كانت وجهتو بزعل على اخوه

تحيتي الك اخي وربنا يصبرك يا اخي قسامي

[خيـرَ أُمـة]

البقاء لله ...

وحسبي الله في كل الحمقى من أي فصيل كانو .. حسبي الله فيمن لم يفهم حرمة الدم المسلم وانها أشد على الله من ان تُهدم الكعية حجرا حجرا ...

انا استغرب ماذا جنينا من هذه النزاعات .. اذا كان كلا الفريقين يتبنيان منهجا اسلاميا -على الأقل هذا ما يبدو لنا- فعلى ماذا التصارع وعلى ماذا التقاتل ... فعلا قمة الحماقة ...

لا حول ولا قوة الا بالله ..

[نسرينا الفلسطينيه]

لا حول ولا قوة الا بالله

عظم الله اجرك والله يصبركم يارب

الله يرحمهـا

قلبـي معـكـ خيي..شد حيلكـ

[أميـرة فلسطين]

انا لله وانا اليه راجعون

عظم الله اجرك اخي

وان شاء الله بتكون اخر الاحزان

كل الود