قصيدة غزل شـــامية

[قناص الموت]

بحبك حب الشباك للبرداية

بحبك حب الأرنبيط للكوساية

بحبك حب الشلمونة للكولاية

لك بحبك حب الطشت للكبجاية

يا ريت تكوني شخبرة ، وكون أنا المحاية

يا ريت تكوني بريات ، وكون أنا البراية
يا ريت ما تحطيلي زء ، لما كون أنا جاية

بحب ضحكتك يللي متل صوت المعزاية

بحبك حب الدؤونية لللهاية

بحبك حب المألمة للشنتاية

يا ريت تكوني عوجا وكون أنا العرباية

يا ريت تكوني طربيزة ، وكون أنا كنباية

يا مدلوئة حياتي وشعيبيات عمري ووربات بئشطة روحي يا أحلى زبدية محلاية
بحبك حب الريموت للتلفزيون
بحبك حب درفة الباب للمندلون

بحبك حب بنت اختي الفصعونة لسبيس تون
بحبك حب أبو السوم للطابة

بحبك اذا كنتي متنحة أو حبّابة

بحبك حتى لو كان صوتك متل موتور الدبابة



سمعيني شوي لحتى احكيلك الأصة
يا ريت تكوني حنفية مي عم تشرشر ، وأنا بعصّا

انشالله ما يبلا هالطول متل عرئ الفصة

لك يا ريت تكون معي هيكة كمشة بزر وأعطيكي نصّا

بحبك حب منير الجبّان لكلمة صباح الخير

بحبك حب جهاد سعد لبرنامج خبرني يا طير
لك بتسدئي ؟؟ بحبك حب جورج بوش لتوني بلير ، شه

بحبك حب الآرمة للعامود

بحبك حب الزلائط للمعؤوود
بحبك حب بيشو لأبو الفوود

بحبك حب السعادين للقرود


بحبك اذا كنتي ساكتة أو عم تحاكينا

بحبك حب ابن اختي الفصعون لبوظة كارينا
بحبك حب البردآن ، للكرمنتينا

حاجة بأه
جننتيـــــــــنا

[فارس فلسطين]

مشكور أخي أبو عدي على هالقصيدة

[أميرة الشهيد]

ما شاء الله شو هاد ولك انت الي موتتنا ضحك من هيك قصيدة عم اتخيل واحد يغازل مرتو هيك اكيد ما بضمن النتائج

[aml]

ابو عدي بصراحة انا لو الكلام دة ليا لكنت طفشت منك اية دة يابني

اما اميرة الشهداء روعة قصيدة روعة بجد
الكفن ولبسنا كوفية
كرمال عينك يا وطن أروحنا هدية
يا غزة قومي من الحزن همّ الشجاعية
والله ما نهاب المحن يا ضفة غربية
الرجال ما خلصت ولا صارت حرامية
الرجال آساد الفلا والهمة قدسيّة
يعطيكم العافية

[أميرة الشهيد]

شكرا امل عل المرور على كل القصيدة هي مقطع من انشودة سمعتها