احكيلنا عن قريتك؟؟

[نور اليقين]

موضوع روعة

خاصة و أرفق بصـــور



أنا بقة من المغرب

احم احم

من الدار البيضاء

احم احم

أكثر من كدة هيبقى عنواني محطوط عالنت



يعني اعتبروني ضيفة شرف

لاني مش من فلسطين

و مليش قرية فيهـــا



و يــــلا

هتابع موضوعكم

نانا صور يافا و حي المنشية روعـــة



أعتقد فيه حي اسمو كده بمصــــر

شارع بالأصح

[loaloa]

أنا من طول كرم نفسها بعرف أنا بس انها حلوة كتير و كتير فيها شجر و نبات كتير حلو و أنا عمري ما شفت فلسطين و لا زرتها بس أمنيتي أزورها و أنا عايشة براها و يسلموا عموضوعك الحلو و المفيد و ان شاء الله اذا عرفت اش عنها رح أخبركم

[~ | Mazaj]

.+. كُــــوَكبــــــــا .+.

كوكبا، كلمة من جذر سامي مشـترك بمعنى (كوكب). ويذكر أهلها انها قرية حديثة أقيمت منذ نحو قرن من الزمن على خربة عرفت باسمها.

تقع للشمال الشرقي من بيت طيما وعلى مسيرة كيلومتر منها. ترتفع 100 متر عن سطح البحر. مساحة أراضيها 8542 دونماً منها 152 دونماً للطرق ولا يملك اليهود فيها أي شبر.

زرع في أراضيها في المدة الأخيرة بعض الأشجار المثمرة كالعنب والتين.

عمق بئرها 70 متراً. تحيط بها أراضي قرى عراق سويدان والفالوجة وبيت طيما وحليقات وبربر والمجدل.

مساحة كوكبا (40) دونماً كان بها عام 1922 (439) نسمة بلغوا 522 شخصاً في احصاءات 1931 بينهم 273 من الذكور و249 من الإناث ولهم 121 بيتاً، وفي 1/4/1945 قدروا بنحو (680) عربياً مسلماً. يعودون بأصلهم إلى قرية (الجية) ومنها ارتحلوا إلى (حليقات) ومن هذه انتهوا إلى كوكبا.

بلغ عدد الملمين بالقراءة والكتابة في القرية 51 رجلاً.

وتحتوي القرية على (بركة وصهاريج وأساسات وأعمدة وتيجان أعمدة[115]).

وبعد أن دمّر اليهود هذه القرية العربية أقاموا فوق أنقاضها مستعمرتهم (كوكب – Kokav ).

وللشمال من (كوكبا) تقع خربة قمصَة، تحتوي على (صهاريج مبنية بالدبش وبئر وشقف فخار).

وقـد كانت في العصور الإسلامية قرية تعرف باسم (قمصا).

مـلاحـظة / هي بلدة او قريـة زغيـرة وبالتالي ما رح الاقي الهـا صـور :(

ويسلمـو ايـديكِ

[إسراء الفلسطينية]

انا من عكا و تحديداً من حي الزيب،،

ما بعرف كتير عن القريه للاسف ،

انا منزله موضوع عن القريه هون بالمنتدى

و رح احطو هوون كمان ^^

تقع الزيب إلى الشمال من عكا وتبعد عنها 15كم، خططت منطقة القرية لتكون نادي باسم نادي البحر الأبيض المتوسط لاستجمام السياح، وتم الاستيلاء على أراضيها البالغة مساحتها 12600 دونما. بلغ عدد سكان الزيب في عام 1922 804 نسمات، وفي عام 1931 ارتفع عددهم إلى 1059. دمر الاعداء هذه القرية العريقة وأجلوا سكانها وأقاموا في عام 1949، على جزء منها قلعتهم «جيشر هزيف ـ Gesher Haziv» كان بها في عام 1965م 277 يهودياً. وعلى الجزء الآخر بنوا قلعة اخرى سموها «تساهال ـ Tsehal».

إن الزيب الأثرية يحميها البحر المتوسط من الغرب وخليج صغير في الجنوب، بينما يقع شمالها نهر الزيب. وقد قام أهلها ببناء مدينتهم في عصر البرونز الأوسط ، وحفروا خندقا يصل الأطراف الشرقية من البلدية بالخليج لعزل السكان .


و هاي صور من القرية :



>> مسجــــد الزيـــب <<



>> شاطـئ الزيـب <<



>> منــظر موســع لمســجد الزيـــب واثــار اخـــرى <<


،،

تســـــلمي حبيبتي على الموضوع الحلو متلك ^^

يعطيكِِ الف عافيه

[ZaMorANo]

.
.
+
انا من صفد ,,
وهاي نبدة عنها ,,

""
@_@صفد
أسسها الكنعانيون فوق قلعة تريفوت في الجنوب الغربي من جبل كنعان، ترتفع 839م عن سطح البحر. ويحيط بها مرجعيون وصور شمالاً، وبحيرة طبريا وغور بيسان جنوباً، وجبال زمود والجرمق شرقاً، وسهول عكا والبحر المتوسط غرباً.@_@

ورد ذكرها في النقوش المصرية في القرن 14 ق.م. من بين مدن الجليل. وعُرفت في العهد الروماني باسم (صيفا) كقلعة حصينة ومركز للقسس. وأقدم ذكر لها في صدر الإسلام يعود إلى القرن الرابع الهجري/ العاشر ميلادي. احتلها الفرنجة وأقاموا فيها قلعة صفد التي كانت تسيطر على شمال الجليل وطريق دمشق عكا عام1140م. وحررها صلاح الدين من الفرنجة عام1188م. لكن الصالح إسماعيل صاحب دمشق تنازل عنها لهم كعربون صداقة وتحالف ضد الصالح أيوب في مصر والنصار داوود في الأردن عام1240م، لكن الظاهر بيبرس استعادها ثانية في عام1266م.@_@
خضعت للحكم العثماني منذ عام 1517م بعد انتصار السلطان سليم الأول العثماني على السلطان قنصوة الغوري المملوكي في موقعة مرج دابق 1516م، خضعت فيها صفد لكن الأمور والأحداث سارت عكس ما كان يتوقع إذ سقطت حيفا في يد المنظمات الصهيونية المسلحة بتاريخ 24/4/1948م وارتكبت المجازر والمدابح ضد السكان، وأدى ذلك إلى تشريد بعض سكانها بتاريخ 5 و6/5/1948. بلغت مساحة قضاء صفد في 1/4/1945 (69631) دونماً. وقُدر عدد سكان قضاء صفد في عام1922 حوالي (22790) نسمة. وفي عام1931 حوالي (39713). وفي عام1945 حوالي (53620) نسمة. تبلغ مساحة أراضي مدينة صفد (4431) دونماً، ويقدر عدد سكانها عام1922 حوالي (8761) نسمة، وفي عام 1931 حوالي (9441) نسمة. وقد بلغ عدد اللاجئين من أهالي مدينة صفد حوالي (67888) نسمة حسب تقديرات عام 1998م.

تُعتبر مدينة صفد ذات موقع أثري هام. تحتوي على تلال وخرب وأبراج وتصاريف ومعاصر زيت وخمور وأحواض منقورة في الصخر وأنقاض واساسات وحجارة مزخرفة وأدوات صوانية ومدافن وفخاريات وجدران وأعمدة ومغائر وصهاريج ونقوش وآثار رسوم مدهونة وخزانات وسلالم. كما يوجد بها حمام بنات يعقوب، خربة بنات يعقوب، قصر عترا. اقام الصهاينة في صفد أعلى مستعمرة لهم في كل فلسطين، وهي مستعمرة (قريات السارة) التي ترتفع 961م عن سطح البحر، وتقع فوق جبل كنعان. وقد بلغ عدد المستعمرات المقامة على أراضي صفد حوالي (61) مستعمرة.
""

+
.
.

[anos]

انا من بديا من قرى نابلس ما بعرف كتير عن بلدي لأني ما عشت فيها يعني أكتر مده عشتها فيها كانت شهر تقريبا قبل الأنتفاضه المباركه بشهرين
اللي بعرفه أنها سميت بهالاسم نسبه للبد وهو الحجر الكبير اللي كانوا زمان يعصروا فيه الزيتون ولسه لليوم في معاصر زيتون قديمه عنا بالبلد بس ما بعرف من أي زمن
في عنا بالبلد أكتر من عائله واغلبهم من بلدات تانيه واجوا من زمان وسكنوا بديا هي بلدنا بالاصل زمان كان فيها بس عيلتين من كتر حروبهم مع بعض أنقرضوا تقريبا فكل العائلات الموجوده في البلد هاي الأيام بتقدروا تحكوا انها مش أصلا من البلد ومنهم عيلتنا اللى اصلها بالأساس من دير استيا اللي هي كمان من قضاء نابلس عالعموم كل فلسطين خير وبركه
في ببلدنا بساتين كتير واشهر المزروعات الزيتون بحكيلنا بابا أنه كان فيها غزلان وحيوانات بريه ما بعرف اذا لهسه فيها ولا لأ يعني بأرض سيدي الله يرحمه فيه كان مره قرن غزال على ذمه اللي حكالي
شو كمان ؟؟؟؟
على كل حال انا ناسي اشياء كتيره مش خاطره على بالي هسه وان شاء الله الي رجعه
يسلموا عالموضوع

جيرانـــــــــا

ان شااء الله صور بدياا رااح تكون بالمنتدى قريبااا

كااان في غزلان وحيوانات بريه بكل المنطقة
بس هلأ يا حسرة
ناااااااااادر

[anos]

طبعا انا كتير حكيت عن قريتي هوون

وهادا موضوع من المواضيع

من هون

[SWEET*GIRL]

نورتوووو

وشكرا عالردود المفيده جدااااااااا

وانشاءالله اللي مش بقريتو يرجعلها

ويللي بقريتو يزيدها جمال ويعمرها

[صدى الصمت]

^^

موضوع روعة يا مان

وهي عن قريتـــــي الاصليـــة ،، اللي تهجرنــــــا منهـــــــا =(

http://www.shabab.ps/vb/showthread.php?t=36024


وهي عن بلدتنــــــــا اللي عايشيـــــن فيها ثلاثتربع اهلنــــــا =)

http://www.shabab.ps/vb/showthread.php?t=31183

[Banbon]

أم خالد _طولكرم
تقع إلى الغرب من طولكرم وتبعد عنها 14كم وعلى شواطئ البحر الأبيض المتوسط، بلغت مساحة أراضيها حوالي 2900 دونما، وأقيمت على أراضيها المسلوبة مدينة نتانيا الصهيونية بعد أن هدمت بيوت القرية عام 1948


يسلمو ايديكي ^_^ ...

فكره حلوه كتير ...