والله بقرفو الواحد بعيشتو ( معي حق اعصب ولا لأ)

[اسلام]

بسم الله الرحمن الرحيم

السلام عليكم ورحمة الله وبركاته

ياجماعة قولولي معي حق اعصب وانرفذ والا لأ

اول شي دينا يسر مش عسر





ياجماعة مبارح نزلت من البيت علي دورة المهم

في وحدة كانت بالمسجد قاعدة وبتعطي درس دين والي قاعدين بالمجلس اغلبهم كتير عاديات بدون حجاب وهيك
المهم المشكلة مو هون المشكلة في الي بتعطي الدرس
كلامها حلو بس الي بسمعولها بينفرو منها لانه


حالها بأسي

قاعدة لابسة جلباب حالتو بتحزن سامحني يارب مش معرفله لون من شكل (مو نظيف )

والشالة بيضا ومطبعة ومش مكوية منظرها جدا ملفت لانها مو مرتبة

ومنظرها بجد يارب سامحني بخلي الواحد يبعد عنها ......

مابدي اطول بس الي زعلني

انو البنت مؤمنة بالله ومتمسكة بدينها ماشي لكن ماتكون مرتبة وحسنة المظهر كتير عيب

يعني الي بدهم يسمعو الدرس كيف بدهم يسمعولها اذا هي منظرها بخلي الواحد يبعد ويقرف

طيب كيف بدها تجذب الناس لالها





ياجماعة

والله الوحدة حلو تكون مؤمنة بالله وداعية بس ربنا مابقول نعتني بشي ونهمل شي
النظافة والترتيب شي اساسي قبل الدعوة لما تكون الوحدة منظرها حلو ومرتب بتجذب الناس لالها اما اذا العكس بتنفر الناس منها
يعني الداعية تكون حسنة المظهر مش طبعا مش طحت مكياج وتتعطر
بس تكون لابسة شي نضيف ومرتب ومش ملفت

شو رايكم ياجماعة ؟؟؟؟







بالله عليكم لو كنتو محلي بتعصبو ولا لأ

والله الي قاعدين قلبوها فوقاني تحتاني بدل ما يسمعو للدرس

[فلسطيني كح]

لا والله ما بعصب لدرجة اني اجي احكي عن هالمرة بالمنتدى

يعني انا ما بجامل حد

أنا بحب الواحد يكون مرتب و نظيف

و فعلا كلامك صح...

بس يمكن المرأة هاي زاهدة في حياتها كثير

[أبومجاهد]

صحيح كلامك اخي فلسطيني وممكن ايكون حالتها المادية صعبة اشوية والله يكون في عون هالناس ... احنا عندنا في المسجد شب يعني منظرو مش بزيادة وضعيف جدا بس ايش والله وجهه نور بياض مش طبيعي والشب روحاني اشوية اكثر شي بكيف عليه في خطبه بحب اسمعله والله انو شب قلق الكل بحبه ولكن اذا غريب شافو بقول عنو عالبركة بس هوا شب كلامو زي العسل ....

[سيد الظلام]

انا الصراحة بعصب من هذا الشيء لانه من عوامل نجاح الداعية الاسلامي هو حسن الخلق والخلق ( معلش حطوا ضمة فوق الخاء )
وتنسيش انك بتعطي لناس ممكن تكون اول مرة داخلة في مجال الدين يعني زي ما تشرفتي اختي اسلام

وقلتي في بنات مش محجبات اوكي هلقيت البنت اللي مش ملتزمة لما تشوف قدوتها مش مرتبة

وكالعادة البنات اللي مش محجات الواحدة اهم شيء عندها شوفوني يا شباب وطقسوا عليا يعني المنظر فقط والهبل وقلة العقل

فلما تشوف هذه البنت الداعية الفهمانة اللي بتعطيهم دروس مش مرتبة اكيد راح ييجي في بالها منظرها لما هي نفسها تلتزم وممكن

تتراجع عن كل فكرة الالتزام

وعلى فكرة اختي اسلام الدعاة عنكم والداعيات بدهم لسا فت خبز كثيييييييييييييييييييييييييييي يييير

لانه بجد سمعت انهم مقصرين تجاه نشر الدعوة وخصوصا في الحركة الاسلامية ومن اهم عوامل ضعفهم

هم الخونة واولاد عمنا (اليهود)

ما بنقول غير الله يجيب الي فيه خير ويهدي الجميع

كلامي كثير لكن بتصور انه الصحيح والله اعلم

[دمعة فلسطين]

ولي انا لما شفت اسم الموضوع حكيت ابصر ماله متعصب كل هدا عشان هيك وبعدين افرضي ظروفها المادية مش ولا بد كل واحد منا واله ظروفه المهم من جوة كيف مو من برة

[اسلام]

مشكورين جدا لمروركم
بس الصراحة انا بعرفها المصيبة حالتهم المادية كويسة كتير

مش القصة هون حتى لو وحدة فقيرة بامكانها تعتني بنفسها
والله في ناس بعرفهم حالتهم المادية كتير سيئة بس كتير مرتبين وبيعتنو بحالهم
يعني البجنن انها الاخت بتكون قدوة لغيرها من الاخوات فلازم تعطي صورة حلوة عن الاسلام
مظبوط لربما اشعث اغبر غير عند الله من كثير من البشر باعمالو
بس لما الانسان يكون ربنا منعم عليه بنعمة المال لازم يدير بالو على حالو
ويااخواني المظهر الخارجي اكيد مو زي الداخلي ممكن الداخل للاخت يكون كتير نقي بس بردو ما بيمنع تعتني بمظهرها على الاقل شوي

ومشكورين لتعليقاتكم

[اسلام]

المشاركة الأصلية كتبت بواسطة soso bar ولي انا لما شفت اسم الموضوع حكيت ابصر ماله متعصب كل هدا عشان هيك وبعدين افرضي ظروفها المادية مش ولا بد كل واحد منا واله ظروفه المهم من جوة كيف مو من برة

اختي سوسو حالتها الحمد لله كتير كويسة وهي المصيبة
يعني بامكانها تكون افضل



بس بجد شي بعصب لما نشوف ناس زي هيك
مشكورة كتير لمرورك الروعة

[عاشق البندقية]

هو صح ان الله جميل يحب الجمال..

بس زي ما حكو الشباب ما بتعرف يمكن حالتها ميسوره..

ويسلمو اخي..

[اسلام]

المشاركة الأصلية كتبت بواسطة فلسطيني كح لا والله ما بعصب لدرجة اني اجي احكي عن هالمرة بالمنتدى

يعني انا ما بجامل حد

أنا بحب الواحد يكون مرتب و نظيف

و فعلا كلامك صح...

بس يمكن المرأة هاي زاهدة في حياتها كثير

يااخي لو كان الانسان زاهد يعني الانسان يضل يعبد ربنا 24 ساعة وما يتطرق لاهله وللناس والعمل
نفس الشي
انا ما بقول طحت حمرة وبودرة طبعا حرام
لكن حسنة المظهر بما انه لديها قدرة مالية

[اسلام]

المشاركة الأصلية كتبت بواسطة عاشق البندقية هو صح ان الله جميل يحب الجمال..

بس زي ما حكو الشباب ما بتعرف يمكن حالتها ميسوره..

ويسلمو اخي..

اخي مشكور لمرورك الرائع
بس ذكرت انو حالتها المادية كتير كويسة