مقابله مع سعودي أعتنق النصرانيه

[نور الهدى]

انا معك اخي اشرف في انه هالحركات ما بتشتغل في النور

بيشتغلوا من تحت لتحت ... ورا الكواليس

عملهم ايضا بينجزوه بطريقة غير مباشرة .... بالاعلام ! اخطر اداة لتغيير ثقافة الشعوب و لتضليلهم ...

المشكلة والله مش في انشاء الكنائس او المعابد ... المشكلة في نشرهم للفكر الضال بطريقة غير مباشرة و بدهاء .

و المصيبة الكبرى منا احنا المسلمين ... قلت و اكرر احنا مقصرين و ظالمين لديننا ... يا رب يقدرنا و نعمل شي للاسلام ...

والله لو اصلنا العقيدة في اجيال المسلمين ما رح ياثر فيهم شي و لو انه يسمع اجراس الكنائس و طقوسهم ليل نهار ...

لكن مجتمعاتنا مش مهتمة ... و امتنا ما عادت تهتم ... الا القلة القليلة .

نسال الله الهداية

احب الفت نظرك لشغلة القبائليين <<< و اصلي من هناك ^^

انهم ما بعانوا ولا شي ... و وضعهم تمام والله ... لكن المشكلة فيهم هما ... ما بعرف شو صار الهم و تغيروا و صار معظمهم بعيدين عن الدين و كتير منهم الحدوا و ارتدوا عن الدين .

هذا كله بسبب دعوى الجاهلية ... التفريق بينه و بين العربي . و لو انهم درسوا التاريخ لشافوا انه القبائل هما الي قاتلوا مع طارق بن زياد !

كل هذا من الدسائس الي خلفتها فرنسا بعد الحرب و الاستدمار ... على فكرة لما كانت فرنسا في الجزائر كمان كانوا يعملوا على التنصير ... و بدؤوا بالاطفال و والدي كان من الاطفال اللي تاثروا بيهم ... لكن الحمد لله ربنا ارادله الخير ^^

و هلا رجعت هالحركات لاكمال المهمة !!!

و اذا ما واجهناها بالتوعية ... فما نلوم الا انفسنا !

عذرا على الاطالة ^^