حركة فتح تحقق فوزا ساحقا في انتخابات مجلس طلبة جامعة القدس بأبو ديس

[لطفي الياسيني]

الاستاذ الفاضل ادهم اللداوي
الف مبارك الفوز الفتحاوي

دمت بخير

[صاحبة القلم الحزين]

مبروك عليهم

و ان شاء الله يخذلوني و يطلعوا احسن من ما بتوقع!

بس بدي أصحح معلومة

أو بالأحرى أعطي معلومة

الله اكبر ولله الحمد
سلمت تلك الايدي المتوضئة النقية الطاهرة

بدي أحكي عن هالايدي "المتوضئة النقية الطاهرة"

شو عملت بعد ما فارزت في جامعة بيت لحم

تاني يوم بعد النتائج قرروا يحتفلوا

حقهم طبعا

المهم

جابوا هالدي جي و السماعات اللي طول اقصر سماعة فيهم متر ونص او مترين

يعني ببساطة صوتهم بوصل لكل بيت لحم

المهم

حطوا هالسماعات بنص "الحرم الجامعي"

و بلشت حفلتهم

اول شي بلشوها بأناشيد وطنية

و بعدين راحوا للتراثية

و بعدها وصلوا للحجالة!!

و يا ريت وقفوا هون

لا كملوا

و للأسف الشديد

و صلوا لنانسي عجرم و غيرها و غيراتها

يعني صفّى احتفالهم

رقص على الحان اغاني منحطة

و طبعا الشباب ما قصروا

رقص و هز بنص الساحة

و الصبايا بشاركوهم بالتصوير و التصفيق هادا اذا ما رقصوا معهم

ما بحط بذمتي لاني ما قدرت اكمل الحفله و اشوف كل المشاهد!!

و اذا في حد عنده شك بكلامي

عندكم " رولا فلسطين"

بنت جامعتي و عندها صور الحفلة :)

انا ما كنت بدي احكي هالحكي و اكشف هالحقائق

بس ردود الاعضاء اجبرتني

و بالنهاية بهنيكم على فوزكم

و الله يخليلكم " الأيادي المتوضئة النقية الطاهرة " اللي انتخبتوها!!!

[لطفي الياسيني]

الاستاذة الفاضلة رولا فلسطين

الف مبارك الفوز الفتحاوي

دمت بخير

[لطفي الياسيني]

الاستاذة الفاضلة صاحبة القلم الحزين

حب لاخيك مثلما تحب لنفسك

وعقبال فوز حماس وانا ببارك

للجميع بالفوز فانا مسلم قبل كل

شئ وكل ما يعنيني هو لحمة الشعب

الفلسطيني الواحد

شكرا لك على المداخلة دمت بخير

جزاك الله جنة عرضها السموات

والارض اعدت للمتقين

بارك الله لك وعليك

[عاشق الحور]

اخي لطفي .

وانا نقلت وجهة نظري ونقدي بامانة

^^

[ادهم اللداوي]

المشاركة الأصلية كتبت بواسطة لطفي الياسيني الاستاذ الفاضل ادهم اللداوي
الف مبارك الفوز الفتحاوي

دمت بخير

بارك الله فيك خيي
لطفي الياسيني

ومشكور لاتحافنا بمواضيعك المميزة

وبتمنى ان الناس لاتحسد في الفرح
يعني كمان ما بدهم الفايزين يفرحو ولا شو ؟؟؟؟

الله يفرح الجميع

[محمود]

مبروك للفايزين المهم نشوف شو بدهم يساوو نشاطات ^_*

أهم من الفــــــوز

[صاحبة القلم الحزين]

وبتمنى ان الناس لاتحسد في الفرح
يعني كمان ما بدهم الفايزين يفرحو ولا شو ؟؟؟؟

يا أخي الله يهديك

لو تلاحظ بس اني ما بحسد و اني باركت قبل ما أحكي اي شي تاني

و كمان شغلة

أنا قلت انه من حقهم يفرحوا و يحتفلوا

بس ولا مرة الفرح و التعبير عنه بيكون بهاي الطريقة!!!

اذا الله اكرمنا و نجحنا بشي

بنقوم نحنا بشكره باننا نعصيه؟!

و نرقص و نهز في حرم الجامعة

على أنغام محرمة و كلمات حب و قلة حيا

متناسيين و متجاهلين انا طلاب في جامعة مش في مرقص!!

انا بس حبيت اوضح الصورة مش اكتر

*_^

[خليني عزابي احسن]

أخي الله يهديك

اللهم امين ويهدي كل المسلمين


لو تلاحظ بس اني ما بحسد و اني باركت قبل ما أحكي اي شي تاني
بس الحسد باين من كلامك



أنا قلت انه من حقهم يفرحوا و يحتفلوا

بس ولا مرة الفرح و التعبير عنه بيكون بهاي الطريقة!!!

كل واحد بينام على الجنب الي بيريحو

انا بس حبيت اوضح الصورة مش اكتر
شكرا جزيلا الصورة واضحة من الاول

*_^

[صاحبة القلم الحزين]

بس الحسد باين من كلامك

ههههههههههههههههههههههه

دخيلك و على شو بدي احسدهم

على شقفة مجلس لا راح و لا اجا

الله يوفقهم يا رب

ومتل ما قلت قبل

ان شاء الله بخيب ظني و بيطلعوا احسن من ما بتوقع

بالنهاية نحنا شو بدنا غير مصلحة الطالب!

كل واحد بينام على الجنب الي بيريحو

والله اهلين

الجنب اللي بيرحو ما اختلفنا

بس طالما الشغلة بحدود الدين و الشرع و الاخلاق

بس اذا طلعت عن هالحدود

ببطل الك الخيار تنام على الجنب اللي بريحك!

واذا بدي امشي على مقياسك

بخبص اللي بدي اياه و بعمل السبعة و ذمتها و بحكي بنام على الجنب اللي بريحني!

برضو الله يهديك يا اخي ^_^

شكرا جزيلا الصورة واضحة من الاول

ردك أكدلي عدم وضوح الرؤية عندك

*_^