علاقة الشباب بالبنات في الجامعات والمعاهد؟ هام ..

[عبير فلسطين]

موضوعك كتييييييير حلو أسيرة النجوم كالعادة
أنا رأيي انه البنت لما تكون محترمة حالها ورايحة عالجامعة للدراسة بس مو للبس والحركات الفاضية رح يحترمها كل الي حوليها وزي ما كلكم حكيتو العلاقات بين الشباب والبنات في الجامعة ما بتدوم وبتنتهي غالبا بقصص فااشلة
أنا بالكلية علاقتي مع الشباب في حدود الدراسة وبس ممكن ندرس مع بعض والشاطر بساعد المحتاج لمساعدة أو ممكن نعمل مشاريع مع بعض لانه بحكم دراستي في عنا مشاريع كتير وأغلبها بكون صعب عالبنات يعملوها لحالهم
أما بالنسبة للتأثير على المستوى الدراسي فهاد بكون حسب العلاقة لو كانت بس في مجال الدراسة ما أعتقد انها بتأثر لانهم بساعدوا بعض مش بلهو بعض أما أما أما لو كانت العلاقة غير هيك متل حب أو نية بالزواج فرح تأثر عالدراسة بنسبة 60%
أصلا أصلا أصلا لسة بكييييييير علينا احنا طلاب الجامعات نحكي بالزواج لسة قدامنا مشوار طويييييييل خاصة الشباب لسة الدراسة والشغل ويكون الراتب تمام عشان تقدر تفتح بيت ولازم يكون عندك بيت أصلا ههههه
عالعموم الله يوفقكم جميعا بحياتكم العلمية والعملية

[اسيرة النجوم]

المشاركة الأصلية كتبت بواسطة Eagle of Palestine بصراحة انا مع شو اسمها رشة عطر بالحرف ( تخيلت حالي كأني انا اللي كتبت الرد بتاعها - بتقرأ افكاري - ) ما علينا :

الموضوع كلو على بعضو اختي اسيرة على عيني قبل راسي بث فكرة مناقشتو ما دخلت راسي آت آول ( قال شو تعالو نناقش حتى نوصل لشي مفيد ) لاك يا عيني ياااااااا روحي على فرض وصلنا ويش راح تستفيدي ( راح تغيري الواقع يعني ) اصلان عيشتنا كلها غلط بغلط - وقفت على الجامعات هي -

فالله يرضى عليك أتفتحيش جروح ، بلاش


واخيران ، وحياة الغوالي ما انت زعلانة مني ولو هالقد ( . )

والله ولي التوفيق

يا ابني كل المواضيع اللي بنحطها في منتدى النقاشات كلها ما ممكن تغير الواقع ادا احنا حطيناها
لكن ناحنا بنناقش بس مشان نعرف افكار بعضنا ونشوف الراي والراي المخالف
ونعرف نوصل لشي او نحاول اقناع الاخر بان فكرته غلط او يمكن يستفيد من التاني
يعني ه>ا كل شي مو معناتو انو احنا بنناقش مشان نغير الواقع
وبعدين اه وليش لا
ممكن نغيروا ادا فهمنا بعض وحاولنا توصيل افكارنا بطريقه لبقه
على العموم اخي منور اكتير الموضوع
ومرة تانيه ادا ما بتحب تتناقش بلا متدخل بنوب للنقاشات
ولمواضيعي بالخصوص
لانو صار لك تاني مرة بترد علي رد متل هيك
يعني انا ما هتميت بالرد الول وسكتت ودخلت على مواضيعك وقريتهم وجاوبت بكل طيبه ولباقه
على العموم اخي انا مو زعلانه انا بس بشرحلك وجهة نظري على ردودك
واكيد احنا في النهاية اخوة رغم اختلا ف الاراء
منور اخي واكيد ما في زعل

[اسيرة النجوم]

يعني كلياتنا خلصنا الى انو هاي العلاقه حرام
وانو الشاب اللي بيرفضمصاحبة البنات مو معقد بالعكس هو كتير محترم
وانو هاي العلاقات ما بتزبط دائما
وانو هاي العلاقات ممكن تؤت على الدراسه بنسب متفاوته
لكن الا ترون بان هده العلاقات منتشرة في مجتمعنا
وان واقعنا المعاش في الجامعات هو عبارة عن علاقات بين الشباب والبنات
وانو فيه بنات بتقول والله انا بدي اجرب مشان ما اندم بعد ما اتزوج
يعني بدها تعيش حياتها
كانها ما بتفرح الا ادا صاحبة هاد وهاد
الله يرحمنا يارب
مشكورين اخواني على ردودكم الطيبه
بتمنى الاراء المخالفه

[Eagle of Palestine]

المشاركة الأصلية كتبت بواسطة اسيرة النجوم

يا ابني كل المواضيع اللي بنحطها في منتدى النقاشات كلها ما ممكن تغير الواقع ادا احنا حطيناها
لكن ناحنا بنناقش بس مشان نعرف افكار بعضنا ونشوف الراي والراي المخالف
ونعرف نوصل لشي او نحاول اقناع الاخر بان فكرته غلط او يمكن يستفيد من التاني
يعني ه>ا كل شي مو معناتو انو احنا بنناقش مشان نغير الواقع
وبعدين اه وليش لا
ممكن نغيروا ادا فهمنا بعض وحاولنا توصيل افكارنا بطريقه لبقه
على العموم اخي منور اكتير الموضوع
ومرة تانيه ادا ما بتحب تتناقش بلا متدخل بنوب للنقاشات
ولمواضيعي بالخصوص
لانو صار لك تاني مرة بترد علي رد متل هيك
يعني انا ما هتميت بالرد الول وسكتت ودخلت على مواضيعك وقريتهم وجاوبت بكل طيبه ولباقه
على العموم اخي انا مو زعلانه انا بس بشرحلك وجهة نظري على ردودك
واكيد احنا في النهاية اخوة رغم اختلا ف الاراء
منور اخي واكيد ما في زعل

يييييييييييييييييييييييي ، شو هاض

ايش حال لو اني ما حلفتك بالغوالي كان شو عملتي فيني

عالعموم متل ما انت شايفة الرد و اتصلح و ازا علي انا انا حسيت انك زعلت ( آي آم سو سوري ) في شي تاني اني جاهز وازا بدك حق عرب اني كمان جاهز

والله ولي التوفيق

[اسيرة النجوم]

المشاركة الأصلية كتبت بواسطة Eagle of Palestine يييييييييييييييييييييييي ، شو هاض

ايش حال لو اني حلفتك بالغوالي كان شو عملتي فيني

عالعموم متل ما انت شايفة الرد و اتصلح و ازا علي انا انا حسيت انك زعلت ( آي آم سو سوري ) في شي تاني اني جاهز وازا بدك حق عرب اني كمان جاهز

والله ولي التوفيق

ههههههههههههه
طيب خلاص
اعتدرلك اخي
دمت بسلام
واكيد مافي زعل

[عاشق البندقية]

السلام عليكم ..

اولا شباب خلو الموضوع جدي.

تانيا ,,

اختي موضوعك حلو وحساس..

وازا بدنا نخوض فيو ما منخلص.
على كل حال..

اختي العلاقة بالجامعة بين البنت والشب المفروض تنحصر بحدود الزمالة..

لكن الامر لا يخلو .

حتى لو بنت وشب حبو بعض لازم تظل بإطار الاخلاق والاحترام.
وازا الامور ميسرة مع الشب ..

مش غلط يطلب يدّها.

لكن للأسف ,, هاي الايام صار التفكير اعوج..

ما بسدق الشب يتعرف على بنت ,, عشان يسوقها حب وغرام.

,,

مثال صغير..

اخنا بالجامعة بتحضضنا طلاب قلال..

وانا واصحابي 4 شباب وبنت ..

وما شاء الله علينا بالجامعة ..

بس لما نروح ,, بنركب بسيارة التكسي..

لما ننزل من السيارة ..

ما منحكي معها..

علا قتنا جوا الجامعة وبس..

وزي ما قالت الاخت ..

"الحصان حصان ولو بين الحم... ربا"

^^

والله يوفق الجميع

[صاحبة القلم الحزين]

و أنا من رأي أخوي عاشق البندقية

العلاقة بين البنت و الشب علاقة حددها الشرع

و طالما الحكي بينهم بس بالدراسة

ما في شي... من حقهم

بس اذا طلع الحكي عن الدراسة

ساعتها بيصير ممنوع

وانا مني و علي و الحمد لله ماشيه هيك

بدك تحكي بشي بخص الدراسة اهلا و سهلا

بدك تحكي بشي تاني الله معك انا مش مستعده اغضب ربنا عشانك لو مين ما كنت تكون

****

الله يجزيكي الخير اختي

موضوع رائع