مين السبب ( البنت _المجتمع ) شو رايكم ؟؟؟

[ملكة الإحساس]

المشاركة الأصلية كتبت بواسطة قسامي غزة اختي مشكورة علي كلامك
بس انا كمان بختلف معك بشوية امور احكيها الك
بس للتوضيح ابو الولد الي هوا المعلم هدول ناس اثرياء وعهم فلوس كتير انا بهاي الحالة ما باتصور انوا المعلم يهتم لابنه لانوا بدو يشوف مصالحه وفلوسه وشركاته
وعنا في شي خاطئ انوا الشب مسموح اله يعمل اي شي لانوا شب اما البنت لا طبعا غلط يعمل هيك البنت والشب
ارجع لكلامي
اختي الشب هوا صايع هاي شغلانته وهوا انه يضيع البنات ويسرق شرفهن ويتركهن
يعني بهاي الحال انا بعرف الشب صايع انا ما باقول انه ما عليه غلط هوا عليه غلط ونص بس وين راحت البنت وين راحت الي هيه الي سمحت اله يعمل هيك وليش رضيت بهيك
هي تقدر تدافع عن نفسها وتعرف الصح من الغلط اما قصة المشاعر والكلام هاد ما بيكون اله اي لازمة في هاد المواقف
البنت تدوس علي مشاعرها واحاسيها لما بدها تعرف الامور توصل هيك او حتي تتجاوب مع الشب
اختي البنت مش عيب تشتغل بس العيب انوا يوصلها مثلا والعيب انوا الوالد البنت يثق بالشب الثقة هاي
طيب انا حكيت تشتغل مش تروح تعمل الحرام والمصايب الشغل مش عيب ويضل الشغل احسن من الشحدة بس الشغلة الي زي هيك ما بدي اياها بدي اشحد ولا شرف البنت يروح وتجيب الفضيحة
انتي بدك البنت ما تسكت عن حقها برايك شو بدي اياها تعمل البنت فقيرة والمعروف انوا حق المسكين مهضوم وضايع بدك يشكوا الشرطة هيفضحوا حالهم او شو بدك يعملوا مشان يوخدوا حقهم الشب انكر وقال الهم انا ما ضربت بنتكوا علي ايدها مابيضل كلام بعد هيك
انا مش عارف شو البنت في ايدها تعمل انا بسالك شو البنت تعمل ؟
وكمان شغلة البنت ما كانت عارفة انوا الطفل بدهم يرموه ابو البنت والداية هما الي دبروا هاي الخطة يعني البنت ما كانت موافقة علي هيك بس ابوها بدو يمحي العار وهاد اسلوب خاطئ للتعامل مه هيك امور
بس بدي احكيلك شغلة مقدم البرنامج هاد بيقول انا فعلا رحت علي درا للايتام وكان في طفل نفس القصة وطبعا هوا ما يعرف ايوه ولا امه لانوا ابن حرام والعياذ بالله
وهاد الطفل سصلم علي مقدم البرنامج ومسك ايده وقله يا عمي انا بدي اكبر واصير مذيع حتي احكي عن هالايتام والي ما الهم اهل مثلي
مقدم البرنامج بيحكي ما قدرت امسك نفسي عن البكاء لانه فعلا موقف ماثر حتي انا لما سمعت هاد المقطع نزلت من عيني دمعة لانها موقف ما يقدر حد يستحمله
نورتي طولت عليكي في الكلام
بس انا باكد الك انوا الكلام لحالي بيطلع عندي

مرحبااا اخي .... قسامي غزة

أنا معك اخي انو هدول ناس اثرياء .. وانو المعلم ابو الولد مو فاضي لأبنو ...
بس هو غلطان ... وكمان اكبر غلطة في حياتو .. لأنو هدا الولد في رقبتوا ليوم القيامة .. وهوا اللي راح ينسأل عنوا ... لأنو اهملوا .. ومو داري شو بيعمل .. ويمكن عارف .. بس ساكت عنوا .. انو يالله خلي الولد يعيش حياتو .. بكرة بيكبر وبيعقل .. وفي ناس كتيير بفكروا بهده العقلية .. فبالله عليك هدا الانسان بيتبرء من الموضوع .. انا بأي لا لا لا لالا ............لا

وحكاية انو الشب مسموح اله يعمل اي شي لانوا شب اما البنت لا طبعا غلط تعمل هيك .. هدي الشغلة يا اخي موجودة في كل مكاان .. حتى نحنا هون عنا نفس المعتقد .. وبزيااادة ما بتتخيلها ..
الولد يعمل اللي بيحلالو .. يصيع .. ويضيع .. ويلعب ببنات الناس ..
والبنت لو بس حكت كلمة .. فهدي نهااية حياتها .. وهدا برأي قمة التخلف في التفكير ..
لأنو الاسلام عدل ما بين البنت والولد في الغلط .. الا في بعض الاحكاام .. وكلنا بنعرفها
يعني ادا الولد غلط يتعاقب وياخد جزاؤو .. وادا البنت غلطت تتعاقب وتاخد جزائها ..
ما حكى الولد مصرحلوا بالغلط .. والبنت نهايتها ادا بتغلط
... ياريت كل الناس يفهموا هالنقطة ..؟!! كان العدل سايد ..

اوكي انا معك انوا الشب صايع وهوا غلطاان .. بس ما بلوموا من القضية .. لأنو هوا الاساس في الموضوع
..
اما حكاية البنت فانا معك انو ماكان لازم ترضى بهيك .. وكان لازم تفكر بالشي اللي راح يصير بعدين .. واكيد حكاية المشااعر مالها وجود بهاي الحالة .. انا كان قصدي فيها في بداية الموضوع .. انها مأمنه عليه .. وانها حبتوا .. وتعلقت بوهم .. هوون بتكون مشاعرها ضعيفة .. مو لما يجي يعتدي عليها .. اكيد المشاعر بهاي الحالة .. تنكب في البحر ...


البنت مش عيب تشتغل بس العيب انوا يوصلها مثلا ...
هدا مو عيب هدا اكبر غلط .. وهو بدايه خيط المصيبة .. اصلا هيا ماكان لازم تقبل حتى لو أبوها سامحلها ..
وين الحيا .. والمبادئ ..؟!!


طيب انا حكيت تشتغل مش تروح تعمل الحرام والمصايب الشغل مش عيب ويضل الشغل احسن من الشحدة بس الشغلة الي زي هيك ما بدي اياها بدي اشحد ولا شرف البنت يروح وتجيب الفضيحة

اكيد هاي الشغلة اللي راح توصللها لهالمواصيل .. المفروض تركتها من الاساس ..
وهدا مو معنا تروح تشحد .. بيضل الشغل موجود في كل مكاان .. والله ما بضيع حدا


انتي بدك البنت ما تسكت عن حقها برايك شو بدي اياها تعمل البنت فقيرة والمعروف انوا حق المسكين مهضوم وضايع بدك يشكوا الشرطة هيفضحوا حالهم او شو بدك يعملوا مشان يوخدوا حقهم الشب انكر وقال الهم انا ما ضربت بنتكوا علي ايدها مابيضل كلام بعد هيك
انا مش عارف شو البنت في ايدها تعمل انا بسالك شو البنت تعمل ؟

اكيد ما تسكت عن حقها .. كان المفروض من اول ما حملت .. عملت المستحييل .. كان اجهضت الطفل اللي بطنها .. مهو ابن حراام .. مهو الوجوه بتنكشف وقت المصايب ..

حتى لو راحت للشرطة .. مادام هو اللي عمل هيك .. خليها تقابلوا .. وتتهموا بالاعتداء عليها ..
..
بدي احكيلك شي صار برمضان السنة هاي .. وللاسف كمان بآخرو ...
وحدة وهي طالعة من بالب المسجد بعد صلاة التراويح .. خطفها واحد سكران عبنايه مهجورة .. واغتصبها ..
وهي فورا راحت للشرطة .. وحكتلهم اللي صار ..
وهاي اللي حكاية مكتوبة بالجريدة .. ومش مكتوب اسم هاي البنت ..
انت برأيك هيك بتكون فضحت حالها ..

مهي بالأول والاخير الفضيحة لابسه البنت لبس .. وهيها شو استفادت بعد ماحملت .. وولدت كماان ..
مش لو راحت للشرطة من الاول .. كان يمكن لقولها حل .. وكان يمكن خلو يتجوزها غصب عنواا ..
وكان هالطفل المسكين .. ما انوجد من الاساس ..

مهيو في النهاية الكل خسران البنت وابوها .. وفوق هدا كلوا هالطفل اللي نرمى عباب المسجد ..
وبرأيك هالبنت راح تتجوز بعديين ؟؟
مادام الخسارة جايه جايه ..
كان حلو الموضوع من البداية .. واتضحلي انو مو بس البنت ما بتفهم .. كمان ابوهاا ..!!!

..
وداار الايتام الملجأ الوحيد .. واكبر معاناة لهالاطفال .. اللي عايشين فيه ومش عارفين هما مين ؟؟
لاحول ولا قوة الا بالله .. الله يهديك قسامي غزة ..كان لازم تحرقلي قلبي عآخر الحكي ..

الله معك
ومشكوور ...اخي
وآسفه كتييير لأني طولت بالحكي ..