| الإهداءات |
|
|||||||
 |
|
|
|
أدوات الموضوع | انواع عرض الموضوع |
| الإهداءات |
|
|||||||
|
|
|
|
أدوات الموضوع | انواع عرض الموضوع |
03-27-2007, 05:29 PM
|
#1 | |||||
|
.:: أبــو مـحـمد ::. 
قوة السمعة: 327
  |
مين السبب ( البنت _المجتمع ) شو رايكم ؟؟؟
السلام عليكم
بدون مقدمات طبعا انا مبارح في الليل سمعت برنامج علي صوت الاقصي صراحة البرنامج كان تدور احداثه عن قصة فتاة وسوف اشرحها بالتفصيل الان ان شاء الله واشوف شو رايكم لاني بجد تاثرت بالقصة هاد كتير واكيد تحصل في مجتمعنا وبدنا نسلط الضوء علي هالقصة اكيد اكيد بدكم تعرفوا شو القصة القصة بتحكي عن قصة فتاة طبعا هيه امها متوفية وساكنة هيه وابوها في البيت لوحدهم وابوها راجل مشلول يعني ما يقدر يشتغل ويجيب فلوس فاضطرت البنت انها تشتغل في مجال الزراعة يعني كانت تجني الثمار مقابل الاجر او الفلوس وكان عند المعلم الي تشتغل عنده كان عنده ابن ما يعرف ربنا وصايع وما يصلي هاد غير الخمرة ويعني حالته شلش وهاد ابن المعلم اجاه الشيطان وزين اله طريق الحرام وطبعا قعد يتقرب من هالبنت ويوصلها بسيارته علي البيت لما تخلص من الشغل وكان والد البنت يثق في هاد الشب ويامن عليه علي بنته وكان يعتبره مثل اخوها وهو في الحقيقة ذئب مفترس المهم اقنع البنت انوا يحبها وبدو يتزوجها ومعجب بيها ومن هالكلام الفاضي الي يضحكوا الشباب بيه علي البنات وطبعا البنت صدقت كلامه وطبعا وقعوا في الحرام والعياذ بالله وبعد فترة اكتشفت البنت انها حامل من هالشب وراحت حكت للشب انها حامل منه وطبعا هوا ما عرف شو يحكي وحكي الها باشوف طريقة اعالج هاد المشكلة وبعدها ما بين وما شافوه ابدا وطبعا البنت ما في ايدها حل غير انها تحكي لابوها وبالفعل حكت لابوها انها حامل طبعا الخبر هاد نزل كالصاعقة علي والد البنت وتمني انوا الارض انشقت وابتلعته ولا اجا هاليوم الي بنته تجيب اله العار والفضيحة ووالد الفتاة واجه الشب وقلوا تزوج البنت وصلح غلطتك وهاد الشب رد عليه انا ما ضربت بنتك علي ايدها كل شي صار بموافقتها وبرضاها وبعد 9 شهور البنت صار بدها تلد وابوها طبعا منعها تخرج من البيت طوال فترة الحمل حتي ما ينفضح من الناس والناس يعرفوا بالعار الي صابه وصاب بنته ووالد الفتاة راح علي داية الداية هي امراة بتعرف تولد بدون مستشفي واتفق معها انها تولد بنتها وبعد هيك تتخلص من المولود وبالفعل ولدت البنت والداية اخذت الولد ووضعته امام مسجد في صلاة الفجر واجا راجل اخذ الطفل وصار بدو يربيه طبعا لعند هان انتهي الجزء الاول من القصة طبعا الها جزء تاني واذا سمعته راح اكمل القصة الان ييجي سؤال الي بدي اساله الكم هاد القصة الحق علي مين الحق علي الفتاة وليش او الحق علي ابن المعلم الي هوا ضحك علي البنت وليش او الحق علي والد الفتاة الي جعلها تشتغل مع الرجال او الحق علي المجتمع طبعا كان في اتصالات للبرنامج بعد انتهاء الحلقة وفي ناس حكوا الحق علي البنت وفي حكوا علي المجتمع فاحنا ان شاء الله بدنا نناقش هاد القضية بطرية راقية ونحط ايدنا علي المشكلة وين وقعت وطبعا انا هاحكي رايي لما اشوف شو رايكم ونناقش هاد القضية اعذروني حكيت باللغة العامية حتي اوصل الكم المعلومة كما هي والان اترك لكم الردود للمناقشة |
|||||
|
||||||
| اقتباس المشاركة |
|
03-27-2007, 05:49 PM
|
#2 | |
|
.|[ أم سفيــــــــآن ]|.
قوة السمعة: 229
|
رد: مين السبب ( البنت _المجتمع ) شو رايكم ؟؟؟
يا اخي الاول الحق عليهم كلياتهم
اولا الاب ما كان لازم يترك بنتوتجي مع شخص غريب في سيارة ولوحدهم انا ما بقول الحق عليه انو ساب بنتوتشتغل مع رجال لانو في الاخر هم في اشد الحاجه وما فيه حد عيلهم وادا كان البنت ما لقت غير هالشغله والحمد لله شغله شريفه فليش لحتى ترفض مع الحرص على عدم الاحتكاك بالرجال يعني تهتم بشغلها وبس اللبنت كمان غلطانه يعني ما كان لازم تصدق هالشاب رغم انو اقنعها بانو راح يتزوجها فهذه ليست ذريعه للوقوع في الفاحشه بدو يتزوجني اه بس مو معناه انو متزوجني يعني حلالي البنت الف غلطانه لانه اتعلقت بوهم وما حطت ربنا وشرف عيلتها بين عيونها انجرت وراء كلمات معسوله لتكون النهايه خديعه وعار اما بالنسبه للشاب فهو طبعا نذل وهو كمان عليه الذنب بس بيضل انو شاب من الاول ما بيعرف الحلال من الحرام اما عن قصة المجتمع فنعم المجتمع ايضا غلطان لانو اكيد هو السبب اللي خلى الاب يترك بنتو تسيب ابنها وترميها للناس هما اللي يربوه وبعدين ما كان لازم تسيب ابنها يعني ما تكون هي ضحيه وجلاده كمان المجتمع اكيد ما بيرحم بس بيضل الرحمه بين الناس والمجتمع انا ما بساندو على يحرم الام من ابنها ادا هي غلطت ولكن بساندو انو يقف ضد الرذيله مشان ما تنتشر مشكور اخي القسامي هذا رائي وانشاء الله وصل المعنى |
|
|
|
||
| اقتباس المشاركة |
|
03-27-2007, 06:03 PM
|
#3 | |
|
I ♥ ISLAM
قوة السمعة: 18
|
رد: مين السبب ( البنت _المجتمع ) شو رايكم ؟؟؟
عنجد قصة مؤلمة
والله بالنسبة الي بشوف انو الحق على الطرفين و مش على المجتمع لأنو بالعكس المجتمع وضع ضوابط و عادات و تقاليد تخلي الشباب بيتعدوا عن طريق البنات بس للأسف صار في انحراف عن التقاليد الجيدة و صار في انحراف عن دين الله و شرع الله طيب......الحق شوي على الشاب لأنو بيعرف عقلية البنات...يعني الكل بيعرف صغير و كبير انو البنت عاطفية,حساسة, و بسرعة بتصدق كلام حلو و غزل و بتوخد بحالها مقلب....هاد لا يعني انها ما بتفكر لا بالعكس.....بتفكر حتى أحيانا عن ميت الف شاب بس عندها نقاط حساسة ...يعني البنت من بيت أهلها لازم تبدى تتعلم عن نقاطها الحساسة يعني بشو بسرعة بتتأثر بالكلام ؟ولا بشو؟ممكن تكون أحد نقاطها الحساسة انها بسرعة بتصدق الناس و طيبة و لهيك لازم البنت تسوي مناعة ضد هاد الشي..و تبني رقابة ذاتية تهدّ جبال..و تتعلم و حتى لو ما دخلت مدرسة لازم تتعلم عن آثار كل حركة بتعملها...أكانت ايجابية او سلبية لحتى تعرف شو العواقب الي حتضطر تتعامل معها بعدين على كلّ متل ما حكيت الحق على الطرفين بس أكتر شوي على الشباب لأنهم بيعرفو عقلية البنات..و متل ما الكل بيعرف انو بعض الشباب بينحكا عنهم ذئاب بس ما في بنت بنحكى عنها ذئبة...و انو الشباب بيتركو البنت بعد الزواج العرفي و مو العكس يعني بيتكتكوا و بيخططوا ليوخدو مبتغاهم و بيرمو البنت بعدها والله يسترها من وقتها البنت بالقصة ممكن حست بنقص رعاية او مراقبة من الوالدين و ممكن بدها تتزوج لأنها تعبت من حياتها فصدقت كل حرف حكاه الصايع هاد و للأسف شوف النهاية شرفها و عرضها و أصلها راح.. لا حول ولا قوة الا بالله بعرف اني طولت عليك قسامي..بس لو بيصحلي بكتبلك مجلّد و ببعتلك اياه لأنو الكلام عن هيك أشياء بدو مين يفش غله فيه بجد مشكور على الموضوع الي بيفتح عيون البنات خاصة و الله يسترنا و بنستنا نسمع رأيك فالموضوع |
|
|
|
||
| اقتباس المشاركة |
|
03-27-2007, 06:06 PM
|
#4 | |||||
|
.:: أبــو مـحـمد ::.
قوة السمعة: 327
|
رد: مين السبب ( البنت _المجتمع ) شو رايكم ؟؟؟
المشاركة الأصلية كتبت بواسطة اسيرة النجوم انا قلت الك اختي الاب كان يعتبروا مثل اخوها يعني مثل ابنه وما كان شاكك بيه والبنت بدها تعيش يعني من وين تجيب مصاري واذا لقت الها ابن حلال يتزوجها بيكون كويس كتير وهوا اوهمها بالزواج والبيت والي غير ذلك طيب شو بدك من المجتمع يعمل للاب كل واحد الله يعينه علي عيلته واسرته وما حد فاضي للتاني انا هاد كلامي مجرد مناقشة مش تحكي اني بوافق الاب او البنت يعني نناقش القضية يمكن البنت كان تفكيرها هيك |
|||||
|
|
||||||
| اقتباس المشاركة |
|
03-27-2007, 06:11 PM
|
#5 | |
|
I ♥ AQSA
قوة السمعة: 0
 |
رد: مين السبب ( البنت _المجتمع ) شو رايكم ؟؟؟
شكرا الك اخي قسامي غزة ع الموضوع المهم و المثير للجدل بأيامنا هي ما عاد في شي مستحيل و العياذ بالله ...القابض على دينه كالقابض على الجمر و هي البنت ما بعتقدها صغيرة لحتى ما تعرف تفكر بس شيطانها كبير و ادرت عاطفتها و شيطانها يتغلبوا عليها ...يعني انا مثلا بسمع في كتير بنات بيحكوا مع شباب و بيطلعوا معهم لدرجة توصل وقوعهم بالحرام ..المبدأ واحد طالما الأهل مو عارفين يربوا فما يستغربوا من اللي بيجيهم من عار من اولادهم طبعا واولا بحط السبب الكبير عالأب اللي ما كان ينبه بنتو أو يرشدها و يحزرها من ولاد الحرام أساسا انو تخرج معو بالسيارة و يوصلها حرام لانها تعتبر خلوة و طالما رضي أبوها بهالشي بدو يتحمل عواقب الموضوع لأنو شب و بنت بهالعمر عواطفهم و غرائزهم بتسيطر عليهم و بعدم وجود الموانع من قبل الأهل و رضا ابوها انو تطلع معو أكيد رح يوقعوا بالحرام ...انا ما بقدر أغفر لبنت تغلط و لا حتى لشب و خصوصا بأعمارنا لأنو هم بكونوا بالغين عاقلين مسؤولين و مكلفين و عارفين الحرام من الحلال إلا إزا اهلهم ما حاطوهم بالعلم من هالنواحي هي و كل واحد بيجني شو حصد بالدنيا و هي حصاد ابوها ....شكرا الك مرة تانية قسامي غزة و الله يوفقك يارب
|
|
|
|
||
| اقتباس المشاركة |
|
03-27-2007, 06:19 PM
|
#6 | |
|
.|[ أم سفيــــــــآن ]|.
قوة السمعة: 229
|
رد: مين السبب ( البنت _المجتمع ) شو رايكم ؟؟؟
المشاركة الأصلية كتبت بواسطة قسامي غزة نعم قد يكون هذا تفكيرالاب
ولكن يا اخي هل يمكن ان نجعل دلك ذريعة نبرر به اخطائنا ؟ انت تقول انو الاب اعتبروا متل اخوها بس في الحقيقه مو اخوها يعني مش محرم ليها وادا كانت هذه ذريعه تجعلنا نفعل الاخطاء فالكل سيعتبرها يعني هون الاب غلطان مهما حصل يعني فكر بالناس لما انفضحت وا فكر بها شو راح يقولوا لما يشوفوها بالسيارة مع الشب يعني اكيد هون الاب غلطان كتييييير ليش بندي الاشاء حقوقها بعد فوات الاوان وبعدين انا يا اخي ما قلت شي ابدا انا متل ما قالت حوريه البنت حساسه وباي كلمه ممكن تقع لكن هي كمان لازم تفكر في العواقب متل متيلاتها وقصة انو كان موهما بالزواج وانو بدها تطلع من الفقر هاد كمان مش مبرر يخليها تعمل غلطتها بيضل الشرف فوق كل شيء واصلا الشرف اغلى من المال ومن اي حاجه طبعا اكيد غرها بكلامو وبمالو بس بردو لازم تفكر مليون مرة بالخطوة اللي راح تعملها اكيد جت ساعة شيطان وكانت ضعيفه في تلك اللحطه ولكن لا ابرر انا اقول هذا ولا ابرئ نفسي فالانسان خطاء وخير الخطائين التوابون ولكن قبل كل شيء الله اكبر والشرف غالي يا اخي |
|
|
|
||
| اقتباس المشاركة |
|
03-27-2007, 06:23 PM
|
#7 | |||
|
I ♥ PALESTINE
قوة السمعة: 31
|
رد: مين السبب ( البنت _المجتمع ) شو رايكم ؟؟؟
|
|||
|
|
||||
| اقتباس المشاركة |
|
03-27-2007, 06:34 PM
|
#8 | ||
|
I ♥ ISLAM
قوة السمعة: 40
|
رد: مين السبب ( البنت _المجتمع ) شو رايكم ؟؟؟
الان ييجي سؤال الي بدي اساله الكم
هاد القصة الحق علي مين الحق علي الفتاة وليش او الحق علي ابن المعلم الي هوا ضحك علي البنت وليش او الحق علي والد الفتاة الي جعلها تشتغل مع الرجال او الحق علي المجتمع السلام عليكم ورحمة الله وبركاته انا من رأي انو ماحدا فيهم كلياتهم معذور ... لا البنت .. ولا الولد .. ولا ابو البنت .. ولا المعلم ابو الولد .. ولا المجتمع ... اابو الولد المعلم .. لأنو تارك ابنو هيييك .. عالهوى .. بدون اي مراقبة .. حتى لو كان الولد عاصي لأبوه .. المفروض مايتركو هيك .. عكيفووا .. شو هي الحياة فوضة ..؟؟!! ... و الولد برأي غلطان أكتر من البنت .. مو لأنو ولد .. لأ .. لأنو هو السبب في الموضوع .. لأنو لو ما ضحك عالبنت وخدعها .. واغواها .. واوهمها بالزواج كان ما راحت معاه البنت وامنت عليه ... ولأنو ياعيني عليه عامل حالو برئ يخزي العين عنوا .. وحراام الشب بيعمل خيير .. وبوصل البنت عالبيت .. كان ابو البنت الغلبان ما امن عليه بنتو ا.. وخلى بنتوا ترووح ... والله انو طيب ..!! وانا مابلوم هالاب الطيب انو خلاا بنتوا تشتغل .. لانو الشغلة شريفة .. لاهي عيب .. ولا حراام مو أحسن ما يمدوا اديهم للناس .. ويعالم الله .. يعطوهم .. ولا يجحدوهم طيب بدهم يعيشو .. مهو هيك .. هيك .. لازم البنت تشتغل .. والبنت ... مستحييل أعذرها من الغلط ... بس المعرووف .. والكل بيعرفوا .. انو البنت ضعيفة .. خصوصا بعواطفها .. وانها دائماا بتحكم عواطفها بأغلب الامور بدون ما تحكم عقلها .. وهدا الشي اللي خلاها توقع بالغلط .. بس هيا عنجد مسكينة .. لانها انخدعت .. وعاشت وهم .. والضحية .. هالطفل المسكين .. ياعيني عليه .. طلع عالدنياا محروم عطف الاب .. وحناان الام .. بس انا اللي بدي أفهموا .. كيف سكت ابو البنت .. والبنت عن حقهم .. كان المفروض يعمل المستحييل .. الا ادا كان راح لابو الولد .. وابو الولد ما هتم .. واهانو .. وانكر انو ابنو بيعمل هييك ... هووون عنجد المصيبه الكبيرة .. .. بس حتى ولو ماكان لازم هالبنت تترك هالطفل المسكين .. وترميه هيك .. مهما يكون هدا قطعة منها .. كيف رموتوا .. كيف اجاها قلب ترميه عباب المسجد .. مابعرف ..؟؟؟؟؟؟؟؟؟؟؟؟؟! والمجتمع ... زاد الطين بلة ... لاهو داري .. ولاهو مقدر ... لوفي قانوون بيحكم هالمواضيع .. كان اهون .. ولو بيعطي مصاريف شهرية .. للحالات اللي زي حالة ابو البنت المشلول اللي ما عندوا مين يعينو .. كان البنت ماشتغلت .. وكاان ماغلطت .. وكان .. ... ... لاحول ولاقوة الا بالله ... قدر الله وماشاء فعل ... الله يجيرنا يارب ... .. وبالنهاية .. وكالعادة .. 99% من المجتمع .. بيحكمو انو الغلط عالبنت ... من دون ما يفهموا الموضوع ... والله يهدينااااا .. ومشكوور اخي قسامي غزة ... واعذرني طولت عليك بالحكي ... وهاد وان بحكي باختصاار .. لانو بصراحة هالمواضيع بتنرفزلي اعصابي ... .. وتسلم اخي .. والله معك ... |
||
| اقتباس المشاركة |
|
03-27-2007, 06:49 PM
|
#9 | |||||
|
.:: أبــو مـحـمد ::.
قوة السمعة: 327
|
رد: مين السبب ( البنت _المجتمع ) شو رايكم ؟؟؟
المشاركة الأصلية كتبت بواسطة حورية الحريّة اختي الكريمة انا بايد كلامك في نقاط وباختلف معك في نقاط اخري وانا هاحكي الك ليش انا بختلف معك في بعض من كلامك طيب انتي بتحكي الحق علي الشب لانوا الشباب بيعرفوا عقلية البنات عاطفية وتصدق الكلام بسرعة ومن هالحكي اختي الشب الصايع هوا يستغل هاد الفرصة نقطة الضعف الي في البنت مشان يوخد الي بدو اياه منها وبعدين يرميها طيب ليش البنت بتسمح اله او بتسمح لنفسها تفكر بعواطفها في هاد الامور العاطفة نحطها علي جنب بدنا العقل الي يفكر مش بالعاطفة نفكر وانا بعرف البنات عاطفيات زيادة شوية بس ما بتكون عاطفية في امور مثل هاد وانا مثل ما حكيت الك الشباب هما يعرفوا نقطة الضعف هاد ويستغلوها من الاصل البنت ما تترك مجال للشب يقعد يغازل بيها ومن هالكلام المعسول الذي لايغني ولا يسمن من جوع طيب هان فس سؤال كيف البنت تدرب نفسها في البيت علي نقاطها الحساسة وضحي هاد الجملة يعني شو تعمل مشان مثلا تقدر تتغلب علي الخجل وكيف بدها تعمل رقابة ؟؟ انتقل الي نقطة اخري تعرفي انا في الاول والاخر بلوم البنت القدر الاكبر احكيلك ليش هيه تسمح اله من الاصل ومثل ما قلت هوا الي بدو اياه من البنت يوخد الي بدو اياه ويرميها طيب تزكرت شي في البرنامج اتصلت امراة حكت موقف صار معها قالت طبعا هيه متحجبة قالت انا كنت ماشي في السوق وكان امامي ماشيات بنات تنتين وطبعا كان لبسهم يخزي او مثل ما حكت المتصلة لبس مقرف وبتحكي الشباب ما رفعوا عينهم عن البنات طول الطريق المتصلة بتحكي ليش مثلا ما نظروا الي او عاكسوني لسبب بسيط اني متحجبة ومحترمة نفسي وما بجعل لاحد من الذئاب البشرية يحكي عني كلمة او ينظر الي وهان كمان الحق علي البنت هيه الي اعطت الشباب فرصة يحكوا عنها بلبسها لامخزي والي بيعر هاد كلها اسباب تؤدي الي ذلك طبعا انا لسا عندي كلام كتير بس طولت في الرد وان شاء الله في باقي الردود نوضح باقي النقاط مشكورة اختي علي نقاشك الرائع والهداف |
|||||
|
|
||||||
| اقتباس المشاركة |
|
03-27-2007, 06:58 PM
|
#10 | |||||
|
.:: أبــو مـحـمد ::.
قوة السمعة: 327
|
رد: مين السبب ( البنت _المجتمع ) شو رايكم ؟؟؟
المشاركة الأصلية كتبت بواسطة وردة حماه صحيح كلامك اختي الكريمة اكيد كل واحد منا بيعرف الصح من الغلط بس المشكلة في ناس بيحاولوا يقنعوا نفسهم انوا الغلط صح والصح غلط اكيد انا ما باستثني الاهل من المسئولية الاهل يعرفوا بنتهم وين بتروح ومن وين بتيجي مين صحباتها لانوا المرء علي دين خليله فلينظر احدكم من يخالل يعني اذا بنتهم مصاحبة بنات كويسات فهي اذا مثلهم لازم متابعة البنت اول باول وخااااااااااااااااصة للبنت ماشي انا معك عواطفهم وغرائزهم ولكن وين مخافة الله اين الحساب والعقاب وممكن يكون استهتار وهاد نتيجة الاستهتار عواقب وشيمة وطبعا استهتار ابوها كان اله دور كبير بلي حصل ختاما بشكرك علي مرورك وعلي ردك الرائع ونقاشك البناء وربنا يسلمنا ويسلم بنات المسلمين تقبلي تحياتي انا مقدم البرنامج قسامي غزة اترككم في رعاية الله وحفظه والسلام عليكم مثل ما بحكوا في البرامج هيك الخاتمة |
|||||
|
|
||||||
| اقتباس المشاركة |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
تــــيم 
على فراق الأحبـــة 
العرض العادي
