الفراغ العاطفي .............!!

[اسيرة النجوم]

السلام عليكم ورحمه الله وبركاته
حبيت اطرح هالموضوع واعرف وجهة نظركم فيه وارائكم
واتمنى ان كل من يدخل يسجل رده وحضوره في الموضوع ولو بتعبير وتعليق بسيط عن وجهة نظره في المووضوع المطروح
الفراغ العاطفي .............!!
كثيرا ما يشكوا الناس من الفراغ العاطفي

الفراغ العاطفي من أكبر أسباب الإكتئاب عند فئة عريضة من البشر , والسبب راجع في أغلب الأحيان إما إلى الفشل المسبق في تجارب الحب , أو إلى النجاح في اتخاذ الإحتياطات اللازمة والناجعة التي تقي الفرد من الوقوع في شباك الحب سواء عند الأزواج أو العزاب

عندما يتعود القلب على الدق من اجل الحب .....! وبعدها يفقد هذا الحب تكون هذه الفترة اشد الفترات التي يشعر فيها المرء بالفراغ العاطفي
اكثر من اي فترة مضت

سؤالي هل الفراغ العاطفي نعمة ام نقمه ؟

كيف يمكن ملئ هذا الفراغ العاطفي ؟؟ خصوصا ان الانسان كتلة من المشاعر ( الحب ، العطف ، الحنان ..... الخ )


اتمنى ان اعرف ارائكم

[حورية الحريّة]

الصراحة سؤالك كتير حلو
برأيي انو ما لازم حد في العالم يعيش فراغ عاطفي...لأنو العاطفة اشي من الله و في كل انسان ولازم يتعبى و هاد الي بيخلي الناس مترابطين
بس المشكلة انو الامتلاء العاطفي او الحب الغامر الي بيشعر فيه الانسان مش ضروري يكون من بنت لشاب ولا العكس ولا بس بين الأزواج لانو الحب و العاطفة مش بس هيك
يعني الحب للأطفال و الأم و الأب و الأخوة و القرايب و الصاحبات يعني كلهم بنحبو و بملو الفراغ العاطفي....
للأسف كتير من الشباب بتلاقيهم صارو يبحثو عن طريقة غير شرعية ليتعرفو على بنات ..او بالجامعات او اي طريقة و لما تسألهم ليش بيجاوبوك "بسبب الفراغ العاطفي"......الصراحة جوابهم هاد كان بسبب فهم خاطىء للعاطفة التي لا تنحصر بالحب بين الجنسين
شي أخير.....انو الاسلام حرم الحب و الغرام و التلاقي بالمطاعم و حديث الخلويات و الغزل بين بنت و شاب لا تربطهم علاقة شرعية لهدف و مو بس هيك...و أكبر هدف الحفاظ عليهم لانو المشاعر الي بتنجرح صعب صعب صعب تتصلح و الخيانة عمرها ما بتنتسى...سبحان الله
شكرا اختي على الموضوع و اسفة اذا طولت عليكي

[أحلى مايا]

موضوعك روعة والفراغ العاطفي هادا نقمة كبيييييييييرة وخاصة هالايام
يعني انا هلا في المجتمع الي عايشي فيه بسبب الفراغ العاطفي صارت شغلة انو الواحد او الوحدة يحب نفس الجنس مش جنس غير جنسو ولما كتير صارت هالاصص انسالو كتير ناس منشان هيك ئالو انو بسبب الفراغ العاطفي والفراغ العاطفي مش بس انو حب بين تنين كان السبب الاكبر لهالمشكلة مشكلة الفراغ من ناحية الاهل والله يبعد عنا هالاشياء

يسلمو الك كتيير

[rame]

اكيد وبلا ادنى شك انو نقمة
لانو صاحب هالفراغ راح يعيش مش مرتاح
وزي ماقالت احلى مايا مصيبة اكبر
ازا كان هادة الفراغ كمان من جهة الأهل
والفراغ العاطفي موجود كمان عند يللي ما الهم تجارب في الحب قبل كدة
مش بس عند المتزوجين او العزاب او او او......الخ
وميرسي على مواضيعك الحلوة

[ملكة الإحساس]

العاطفة .. بنفسها نعمة ...
ولو ما كانت موجودة بالبشر .. كان ما شفتي الرحمة سايدة
اما الفراغ العاطفي .. فهو لا نعمة ولا نقمة ...
يعني الو سلبيات وايجابيات
بس السلبيات طاغية عايجابيات ...
وهادا الشي بيختلف من شخص لاخر .. وكل انسان بيحدد بنفسو .. يعني ماراح حدا ينفعك ادا انتي بنفسك
ما عرفتي مين انتي .. وشو داخلك .. وادا اتجهتي بالفراغ للصواب بدون الوقوع في الاغلاط
وطبعا في الآونة الاخيرة انتشر مفهوم خطأ للفراغ العاطفي .. وصارو الشباب والصبايا يملأو فراغهم
بالحب .. ومو اي حب .. الحب العذري .. يعني فترة معينة .. وبغيروا .. يعني بيتسلو ..
الله يجيرنا يارب
..
كيف يمكن ملئ هذا الفراغ العاطفي ؟؟ خصوصا ان الانسان كتلة من المشاعر ( الحب ، العطف ، الحنان ..... الخ )

بأكتر من طريقة ..

اولا .. وقبل كل شيئ بحب الله سبحانه وتعالى
.. والرسول عليه الصلاة والسلام ..
بحب القرآن والتمعن فيه
بحب الطبيعة .. بحب مخلوقات الله ..
بحب الناس من حولك
بحب الابوين .. وحتى لوكان هما من احد هذه الاسباب التي توقع بالفراغ العاطفي
التقرب منهما .. الجلوس معهما .. فتح الحوارات .. النقاشات ..
بحب الاخوة .. التعاون معهم ..
بحب الاطفال .. والرحمة .. والشفقة عليهم
بحب العمل .. والانشغال به
بحب العلم .. وطلبه ..
بمارسة الهاويات .. بالسفر
وغيرها كتييير اشياء
..

حبيبتي اسيرة النجوم .. كل شي الو حل ..
ادا الانسان قرر انو يصلح نفسو ... وادا فهم الفراغ العاطفي بالطريقة الصحيحة ..

..
مشكورة اسيرة لطرح الموضوع
وانشالله تستفيدي




...

[Banbon]

الغراغ العاطفي بييجي من عند الأهل و العائله ....
ممكن انه تكون هالاعائله مو موجوده ....او انها بخيله في الحنان و التعاطف ...او انه الانسان بعيد عنها ...
أعتقد بقية الاسباب ... أقل أهميه ...


شكراً عالموضوع الحلو ^_^

[haya]

المشاركة الأصلية كتبت بواسطة أحلى مايا موضوعك روعة والفراغ العاطفي هادا نقمة كبيييييييييرة وخاصة هالايام
يعني انا هلا في المجتمع الي عايشي فيه بسبب الفراغ العاطفي صارت شغلة انو الواحد او الوحدة يحب نفس الجنس مش جنس غير جنسو ولما كتير صارت هالاصص انسالو كتير ناس منشان هيك ئالو انو بسبب الفراغ العاطفي والفراغ العاطفي مش بس انو حب بين تنين كان السبب الاكبر لهالمشكلة مشكلة الفراغ من ناحية الاهل والله يبعد عنا هالاشياء

يسلمو الك كتيير

100% صحيح كلاامك وهادا الي كنت انا ححكي بالزبط انو بسبب الفرااغ العااطفي بنلاائي بنت بتحب ببنت متلها ومستعده تعمل اي شي كرمالها بتلائي انها بتعوضها عن نقص بعواطفها . ظاهره ما اظن حد واعي بتقبلها