دعوة لكل من هو قريب من الخليل

[مؤيد]

بسم الله الرحمن الرحيم

تتشرف الكتلة الإسلامية في جامعة الخليل بدعوتكم لحضور

معرض فلسطين الثقافي السابع
والذي تقيمه الكتلة الإسلامية على أرض جامعة الخليل

الإفتتاح يوم الثلاثاء الموافق 20/2/2007 م ويمتد لمدة اسبوع

يحوي المعرض عدة أقسام وبشكل جديد.....

المعرض يفتتح غدا الساعة 11 حتى الخامسة عصرا

حضوركم دعم للعمل الطلابي وللأنشطة الإسلامية المتميزة

اخوانكم

[جيفارا*نابلس]

طيب وانا المسخم بعيد

انشالله احتفال مبارك مؤيد

بدل ما اروح واتعب حالي بكرا ماشالله عنك مثل الغزال بتنزل الصور

[مؤيد]

المشاركة الأصلية كتبت بواسطة جيفارا*نابلس طيب وانا المسخم بعيد

انشالله احتفال مبارك مؤيد

بدل ما اروح واتعب حالي بكرا ماشالله عنك مثل الغزال بتنزل الصور

هههههههههههههههه
لأ مهو مش محرزة عشان معرض صغير تغلب حالك
لو احتفال ضخم كان قلنا ههههههه
يسلمو الك
إنشاء الله بحاول أصور وأنزلهم هون ، بس ما بعرف يمكن ممنوع التصوير لاعتبارات أمنية ، بحاول على كل حال
تحياتي الك
ولك أهلا وسهلا فيك بأي وقت بتنور الخليل

[جيفارا*نابلس]

لا تخاف اخرتني جاييك

بس ما باكل اي شي انا

قدره وعلى شو بالك

لحم قواعيد

[عاشق البندقية]

ههههههههههههههههههههه

انا بعيد.

احكي لو قريب..

ما بقرب ع الخلايله انا..

طير..:p

[مؤيد]

المشاركة الأصلية كتبت بواسطة جيفارا*نابلس لا تخاف اخرتني جاييك

بس ما باكل اي شي انا

قدره وعلى شو بالك

لحم قواعيد

ههههههههههههههه
ما تبالغ كتير وتسرح بعيد
ولو يا جيفارا لسه ما توظفنا عشان ندبر حق اللحمات ^_^

المشاركة الأصلية كتبت بواسطة عاشق البندقية ههههههههههههههههههههه

انا بعيد.

احكي لو قريب..

ما بقرب ع الخلايله انا..

طير..:p

ههههههههههههههه
مين ناداك انت يا اهبل
أنا ما بدي أجيب سيرة النوابلسة احتراماً لجيفارا نابلس بس
طير يا مكيود

[صاحبة القلم الحزين]

يااااااااااااااااااااااااي
خلص بكرا ان شاء الله جايين
بدي الملم الشلة و نيجي مجموعة من الجامعة ان شاء الله
و لحسن الحظ انه بكرا عندي فراغ كبييير بين المحاضرات
يعني في احتمال كبير اني اجي باذن المولى طبعا
بس سؤال وجيه يا عموو مؤيد
اي ساعة الافتتاح؟
بلاش نيجي و ما يكونو مفتتحينه
ردلي جواب لو سمحت
و أنا هلأ بنزل على ساحة الجامعة و بعمللكم دعاية
يلا عيش يا عمي


يلا هي انت طلعت أحسن منا
و عزمتنا
شكرا مؤيد
و ما تنسى تقلي ايمتى الافتتاح اي ساعة يعني
يسلمووووووووووو

[أم البراء8710]

السلام عليكم يا أخ مؤيد
ان شاء الله انه يتم الافتتاح على خير
واكيد ان شاء الله جايين حتى لو كنا بعاد
الله يجيب اللي فيه الخير
يلا هيني نازلة ألملم مع صاحبة هالقلم الحزين. :36_1_39[1 ... على فكرة هيها قاعدة جنبي
اوعى تصدق انها صاحبة قلم حزين ... لا حزين ولا اشي
بالعكس دائما والحمدلله مبسوطة ومبتسمة ( وناكشة راس ) طبعا بهمة شلة الأنس
على كل حال ازا اجينا بتستقبلونا مش تتركونا هيك... واقفين هيك ما بنعرف اشي
يلا سلام

[فلســرولاــطين]

مشكور كتير مؤيد على الخبر

على فكرة انا ببيت لحم واخوالي خلايلة

بس كل اولاد اخوالي بجامعة البوليتكنيك
ما الي حد بجامعة الخليل

يعني ما بعرف شي وما رح اقدر اجي بلاش اضيع

بس انت احكيلي لايمتى ضايل المعرض وازا مطول بجي الاحد

عنجد نفسي اجي واشوف معرضكو

مشكور كتير على الخبر

[نبض الأقصى]

السلام عليكم أخي مؤيد بأذن الله نراكم غداً وراح نأتي أنا وصاحبة القلم الرصين وأم البراء وشلة كبير ة بأذن الباري