ضفاوي.؟؟ ولا غزاوي؟؟...

[لولو اليبناوية]

:sh155:

السلام عليكم

ضفاوي ولا غزاوي....؟؟؟
فلاحي ولا مدني ولا بدوي....؟؟؟
....ابن,بنت مخيمات....!!!
...اكتييييير بنسمعها للاسف....


...فئة منا احنا الفلسطينية...
...ما بنهتم بجنسيتنا كفلسطينيين...
...قد ما بنهتم بالمنطقة الي منها اطلعنا...
...و احيانا بكون الاهتمام والاعتزاز هاد مبالغ فيه..
...بقصد النظرة الاقل للفئات التانية...

...طيب...
من وين طلعت هاي المسميات..ومتى.؟؟
هل انت من الي بهتمو لهاد الشيء بشكل مبالغ فيه...!!!....ليش؟؟؟
الموضوع مفتوح للنقاش
و بالاخير كلنا اولاد ادم

:sh155:

[/SIZE][/SIZE]

[anos]

ضفاوي فلاحي مش ابن مخيم .. ههههههههههههه
هههههههههههه

والله موضوع بقمة الروعة
بصرااحة انا ما بهتم لهيك شي
اللي بهمني شخصية الواحد اللي قدامي وبس

كمان في شغلات لازم ضفتيهاا كامثلة يا لولو

يسلموووووووو ع الموضوع الحلو

كل الود

[لولو اليبناوية]

هههههههههههههه ...
نورت انوس^^
بس هاي ما افهمتها

..(كامثلة يا لولو)

[قسامي غزة]

حرام عليكي يا لولو
انحولت من خطك كبري خطك شوية يا بخيلة
ولا بخلانة تكبري خطك

[anos]

هههههههههههههه ...
نورت انوس^^
بس هاي ما افهمتها

يعني امثلة تانية غير اللي ذكرتيهاا هاي

ضفاوي ولا غزاوي....؟؟؟
فلاحي ولا مدني ولا بدوي....؟؟؟
....ابن,بنت مخيمات....!!!


في شغلااات تاانية كتيرة ..

[لولو اليبناوية]

اه ممممممم
مش عارفة والله يا انوس بس انو هدول الي بالاغلب بسمعهم انا...^^

[M4st3r]

موضوع مليح بس انا مش فاهم منو اي اشي اعذريني هههه
بس مشكورة عل الموضوع مع اني مش فاهمو

[قمر الخليل]

هههههههه لولو شو هالموضوع القوي

والله طبعا كلنا فلسطينين وكلنا ولاد بلد وحدة

بس الزروف الي حوالين الواحد بتجبرو يستعمل هيك اشياء

يعني مثلا بالاردن بتلاقي الي بقول لاجيء او ابن مخيم ( مافي غزازوة هناك الا ما ندر)

هادا من جهة

من جهة تانية

اهلي ما بوافقو على ( غزاوي ) والسبب انو انا من الضفة صعبة كتير اخد واحد غزاوي عشان هيك بدهم ضفاوي بس

وانا ما بهتم بهيك اشياء بالمرة ::: ولا حتى مدني او ابن المدينة

انا مش من نفس الخليل ومؤيد من نفس الخليل ولا عمري سمعتو بحكيلي كلمة هيك او هيك ( والا شاف اشي عمرو ما شافو هههههههه)

يعني عادي مافي هالحزازيات عندي ولا بهتم فيها طالما انا بتعامل مع شخص الفرد مش مع اصلو كصحبة واخوة اما عند الزواج متل ما حكيتلك

ويسلموووووو كتير يا عسل ::^_^

[قسامي غزة]

انا برايي انوا الاحتلال كان يسعي لعمل تفرقة بين المناطق
بس تعرفي مش علي قد غزة والضفة وكمان هاي بتلاقها بين اهل غزة والجنوب رفح وخانيونس بيحكوا هاد رفحاوي وهاد غزاوي
بس التفرقة الاكبر بين اهل الضفة واهل غزة
يلا بدنا اهل الضفة يجاوبوا
يعني مثلا اخوي راح الضفة حوالي 3 سنوات وكانوا يلقبوهم بالغزوية يعني زي الي هما جايين من كوكب تاني وهما من كوكب تاني
بجد انا مش عارف
بس انا بدي اسمع رد احد من سكان الضفة بس ما يكون خليلي
ومشكورة يا لولو علي طرحك الموضوع

[دالية الخليل]

عنجد فعلا موضوع بجنن واجا بوقتو نظرا للمنشوفو بالايام هاي من تفرقة وحزازايات وغيرو واصلا هادا الي بدو اياه الغرب والعدو انو يصير بينا تفرقة حتى بلدنا ووطنيتنا ودينا وغيرو بس الواحد لازم ما يحط هيك اشياء بمخو ويقل عقلو لانو اظن انو كلنا من وطن واحد وبلد واحد وارض واحدة وبدل ما نشغل حالنا بهيك اشايءفي اشياء اهم نشغل حالنا فيها عنجد ياريت انو نلغي هيك اشي وبدل ما نفرق نقرب من بعض ونصلح الجو والوضع
وانا شخصيا ما بهمني شو جنسيت الوقف قدامي ومن وين المهم الشخص نفسو .
يسلمو حبيبتي على الموضوع