الحـلقة الـسادسـة.. مشـروع احيـاء أمة ... "ستـرأكـادمـي"

[نور الهدى]

اختي المسلمة .. انه تبقى معك صديقة واحدة بس متدينة و تعينك على الخير شيء لا يقارن امام الاف الصديقات الي يجرونك للشر و الهاوية ... و ان ضليتي لحالك لا تتبعينهم و اتخذي القران صديقك و رفيق العمر ... لانه يوم القيامة ما حدا رح ينفعك غيرووووو

الشي الوحيد الي عجبني هون في فرنسا هو انه في فريقين و ما في ثالث .. بنات متدينات .. و بنات غير متدينات .. و انتي اختاري ... ما رح تلاقي بنت محجبة تتفرج على هالبلاوي او تسمع اغاني ... هون انتي لازم تكون يا متدينة .. يا صااايعة !!!

الله يثبتك حبيبتي و حاولي تنصحيهم و ما تياسي

و الله يكثر من امثالك يا رب

[خيـرَ أُمـة]

الله يثبتك المسلمممة ويعينك .. ومثل ما حكتلك نور .. صديقة متدينة واحدة افضل من الف غير متدينة لكن ما تفقدي الامل فيهن وضلك انصحيهن وحاولي معهن وربنا يهديهن يا رب ...

والله يا نور يظهر الوضع عندك أحسن من عنا .. اذا البنات عندكم نوعين احنا عنا 10 يمكن

للاسف بنجد بنات محجبات لا ويمكن بصلن كمان وملتزمات بتعاليم الدين ولكن للأسف بتابعو مثل هيك برامج .. وبصوتو كمان ...

يريت توصلولهم الرسالة هاي انو ربنا حيحاسبهم على النظر للحرام وعلى الوقت وعلى المال المصروف على مثل هيك قنوات ...

الله يهديهم ..

[نور الهدى]

يعني ما بعرف بس مجرد وجهة نظر

لازم المتدينات يختلطوا شوي بغير المتدينات مش معناتو انهن يعملو زيهم معاذ الله .. لكن يتقربوا منهم و يحاولوا يعرفوا الاسباب الي بتخليهن هيك مش كويسات ...

شخصيا .. اختلطت بكتير بنات غير متدينات .. ما بداتها معهن من البداية " صلي و صومي واتحجبي و اعملي و ما تعملي و هادا حلال و هادا حرام ... الخ"

بل لازم بالاول تقوي علاقتك فيها و تحسسيها بنوع من الامان حتى ما تنفر منك .. بمعنى انك مثلا لما تلتقيها ابتسميلها و احضنيها و ازا زارتك استقبليها بحفاوة و لا تعصبي ازا عملت غلط او هيك ..

و مثلا لو حكيتو عن موضوع ديني لا تثقلي عليها و وضحيلها الامور بنوع من البساطة و المرح .. و ان حصل و خرجت عن الموضوع لا ترجعيها للموضوع و تحكيلها خرجتي عن الموضوع لحد ما ترجع تحكيلك عنه هي بنفسها ... و لا تحكي بس عن الدين .. احكي عن كل جوانب الحياة و اعملي صلة بسيطة بين الشريعة و الحياة ... صدقوني عملت هيك مع صديقة ... خلال شهر ممكن احكي انها صارت متدينة و اكتر مني كمان .. الله يثبتها يا رب و يحميها

اخواني لا تعتبرو غير المتدينات دايما مش كويسات .. دايما يبقى فيهن جانب الخير .. لانه الله تعالى جعل فطرة الانسان على الخير .. فاستغلوا هذا الجانب و خدوا بايدهم و الله احنا مسؤولين عن اخواننا

و اخيرا اعتذر للاطالة

[خيـرَ أُمـة]

بارك الله فيكي نور كلام جميل

كثير من الفتيات كانت هدايتهن -بقدرة الله طبعا- على يد فتياة صالحات ..

[نور الهدى]

المشاركة الأصلية كتبت بواسطة ahmadix بارك الله فيكي نور كلام جميل

كثير من الفتياة كانت هدايتهن -بقدرة الله طبعا- على يد فتياة صالحات ..

^^

ملاحظة

فتيات بالتاء المفتوحة "ت" مش "ة" خخخ

[خيـرَ أُمـة]

انا اسف

لكن لو لاحظتي بتوقيعي كاتبها صح .. لكن مع السرعة كتبت غلط ..

ان اسف يا جماعة ..

بارك الله فيكي نور ..

[خيـرَ أُمـة]

عدلتها خخخخ

[نور الهدى]

بعرف و الله

بس مجرد ملاحظة "خلي رصيد المشاركات يكبر هههه"

[Twin]

السلام عليكم .. بعد كلامكووو الطويل والي فيه شويه شغلات ما اقنعتني ..

اول شي ليش بتحملووو البنات الذمب وحكيكوو كلوو عن البنات انهم همه الي بيسمعو اغاني وهمه الي بيصوتووو ومنهم الاخطاء دايما وماحكيتوو شي عن الشباب !!!

تاني شي مش شرط انوو البنت الي بتسمع اغاني يعني فاسقه ومش محترمه .. وهادا من كلالام الصبايا الي ردووو قبلي .. يعني وقت الصلاه خلص صلالاه ووقت الطاعه اكيد مارح نئصر فيه .. عايزين تفهموني هلا انووو عمركوو ما سمعتووو اغاني .. ( اقصد الاغاني عامه مش ستار اكادمي ) ..

[نور الهدى]

المشاركة الأصلية كتبت بواسطة Twin السلام عليكم .. بعد كلامكووو الطويل والي فيه شويه شغلات ما اقنعتني ..

اول شي ليش بتحملووو البنات الذمب وحكيكوو كلوو عن البنات انهم همه الي بيسمعو اغاني وهمه الي بيصوتووو ومنهم الاخطاء دايما وماحكيتوو شي عن الشباب !!!

تاني شي مش شرط انوو البنت الي بتسمع اغاني يعني فاسقه ومش محترمه .. وهادا من كلالام الصبايا الي ردووو قبلي .. يعني وقت الصلاه خلص صلالاه ووقت الطاعه اكيد مارح نئصر فيه .. عايزين تفهموني هلا انووو عمركوو ما سمعتووو اغاني .. ( اقصد الاغاني عامه مش ستار اكادمي ) ..

^^

اختي هدي اعصابك

اولا ما حكينا عن الشباب لاننا ما بنعرفهم ما خالطناهم .. فانا ما رح احكم على شي ما بعرفه .. مع انه في بلاوي بعملوهم ...

و كمان لانه كل وحدة مننا حكت عن تجربتها الخاصة ... و هالتجربة اكيد عايتشتها مع بنت !!!

ثانيا مشكلة الاغاني ... انا بدي افهم بالاول عن اي اغاني ابتحكي بعدين ممكن نتناقش بهدوء و تروي

^^

بستناكي حبيبتي Twin