لكل المراهقين و المراهقات ... موضوع يستاهل النقاش

[نور الهدى]

الصغير يكبر، والذي كنا بالأمس نحاول إسكاته، أصبحنا اليوم نفكر في سحب الكلمات من فيه، وصرنا نطرح على أنفسنا أسئلة عدة: لماذا لا يطلعنا على عالمه؟ وما هي الشعرة التي تفصلنا عنه؟

تبدأ هذه الرحلة من كتمان الأسرار تحديدًا في سن المراهقة، وهو المقطع الذي يشكل أخطر مفترق طرق يمر به الشاب والفتاة. ونحن هنا نحاول وضع أيدينا على هذه القضية الشائكة وهي: لمن يبوح الأبناء بأسرارهم؟ ولماذا لا يبوحون بأسرارهم لأهليهم؟

لماذا هناك فجوة بين الشباب و بين اهاليهم

لماذا ليس هناك علاقة صداقة بين الشباب و الاهل ؟

من المخطئ اهم الاهل ام الشباب ؟

و انت يا من تقرا موضوعي ... هل هناك علاقة صداقة بينك و بين اهلك ؟

و لمن تبوح باسرارك ؟ و ان لم يكن لوالديك فلمن ؟

هذا موضوع تاني دايما بفكر فيه و حبيت تشاركوني بآرائكم

ارجو التفاعل

[عاشق الحرية]

المراهقين يتفضلوا

مشكورة للطرح اختي الكريمة :-)

[نور الهدى]

مش بس المراهقين... احنا نحتاج لكل الاعضاء و حبذا لو يكونو اولياء امور حتى تعم الفائدة

[فراشة]

هيني جيت




هلا اهم شي بتربية الاهل لابناءهم انهم يعودوهم عالصدق والصراحة لانوو لو علموهم هيك من صغرهم بس يكبرو اول شي حيعززو ثقتهم بحالهم وبعدين حيتعلموا يحكو لاهلهم كل شيء حتى لو كانوا عارفين حالهم غلط ..
وللاهل دور كمان انهم يعطو مجال لابناءهم يفضفضولهم ويسمعولهم ويشاركوهم اراءهم مش يستخفوا فيهم ..


انا عن نفسي مافي شغله بتمر بيومي الا وبحكيها لامي .. والحمد لله امي من النوع اللي بتسمعلنا وبتناقشنا حتى لو موضوعنا تافه .. وكمان ابي نفس الشي احيانا ماما بتكون عصبية اكتر من بابا بس بابا بياخدنا من جانب الاقناع والتفهيم .. يعني بذكر ايام الصلاه كانت ماما تصرخ علينا وتبهدلنا لكن بابا كان يئعد معنا ويفهمنا ويقنعا بهدووء ... يعني باختصار الاهل همة اللي بحددووو مش يكونوا منشغلين عن ابناءهم طول اليوم يعطوهم مساحة ولو قليلة من اهتمامهم ...

شكرا نوووره عالموضوع الحلوو ..

[لطفي الياسيني]

اهنؤك ابنتي نور على هذا الموضوع الراق بصفتي اب وجد اقول اللوم يقع علينا نحن الاباء لاننا غير

صريحين مع فلذة اكبادنا ونكبت حرياتهم الشخصية وانا بدوري لو عدت مراهقا اكون صريحا مع والدي

واذا لم اجد منهما تجاوبا الجأ الى صديق وشكرا لك يا عمو

[نور الهدى]

المشاركة الأصلية كتبت بواسطة فراشة هيني جيت




هلا اهم شي بتربية الاهل لابناءهم انهم يعودوهم عالصدق والصراحة لانوو لو علموهم هيك من صغرهم بس يكبرو اول شي حيعززو ثقتهم بحالهم وبعدين حيتعلموا يحكو لاهلهم كل شيء حتى لو كانوا عارفين حالهم غلط ..
وللاهل دور كمان انهم يعطو مجال لابناءهم يفضفضولهم ويسمعولهم ويشاركوهم اراءهم مش يستخفوا فيهم ..


انا عن نفسي مافي شغله بتمر بيومي الا وبحكيها لامي .. والحمد لله امي من النوع اللي بتسمعلنا وبتناقشنا حتى لو موضوعنا تافه .. وكمان ابي نفس الشي احيانا ماما بتكون عصبية اكتر من بابا بس بابا بياخدنا من جانب الاقناع والتفهيم .. يعني بذكر ايام الصلاه كانت ماما تصرخ علينا وتبهدلنا لكن بابا كان يئعد معنا ويفهمنا ويقنعا بهدووء ... يعني باختصار الاهل همة اللي بحددووو مش يكونوا منشغلين عن ابناءهم طول اليوم يعطوهم مساحة ولو قليلة من اهتمامهم ...

شكرا نوووره عالموضوع الحلوو ..

طب الحمد لله

قصدي من الموضوع اعمق من هيك ... يعني هل ابتحكي كل الي تحسي في لاهلك

هل كل مشكلة بتواجهيها بتحكيها لامك ؟

هل حصل و خبيتي على اهلك شي لانه الموضوع حساس ؟ و ليش

و شكرا كتير الك على تعليقك و مرورك

[نور الهدى]

المشاركة الأصلية كتبت بواسطة لطفي الياسيني اهنؤك ابنتي نور على هذا الموضوع الراق بصفتي اب وجد اقول اللوم يقع علينا نحن الاباء لاننا غير

صريحين مع فلذة اكبادنا ونكبت حرياتهم الشخصية وانا بدوري لو عدت مراهقا اكون صريحا مع والدي

واذا لم اجد منهما ثجاوبا الجأ الى صديق وشكرا لك يا عمو

اشكرك عمو لطفي

و انا كنت مستنية ردك

بما انك شخص ذو خبرة ممكن نتعلم منك و نستفيد من تجربتك

لك جزيل الشكر على مرورك الطيب بالموضوع

[نور الهدى]

في مفهوم الحرية الشخصية الى اي مدى تصل هذه الحرية و متى يجب ظبطها ؟

[فراشة]

المشاركة الأصلية كتبت بواسطة @ نور @ طب الحمد لله

قصدي من الموضوع اعمق من هيك ... يعني هل ابتحكي كل الي تحسي في لاهلك

هل كل مشكلة بتواجهيها بتحكيها لامك ؟

هل حصل و خبيتي على اهلك شي لانه الموضوع حساس ؟ و ليش

و شكرا كتير الك على تعليقك و مرورك

طبعا عزيزتي كل مشكله بحكيها لامي لانو مين بدو يخاف علي اكتر من امي ؟؟ مين بدو ينصحني ويهتم لامري غير امي ؟؟ وسدئيني امي اعتبرها اكتر من صديقتي بحكيلها كل اللي بقلبي وكل مشاكلي حتى لو حساسه ..

في اهل فاقدين التواصل مع بناتهم وابناءهم وهادا ذنبهم وخطاهم من البداية وعواقب هالاشي كتير كبيرة .. يعني متلا البنت بتروح تشكي لصديقتها وممكن صديقتها ما تكون اهل للثقه وللنصيحة تروح تنصحها بشي غلط وتضيعها .. انا كان عندي صديقة تعرفت عواحد عالموبايل وكانت طبعا ما تحكي لامها تيجي تحكيلي ايش بصير معها .. وانا اروح احكي لامي ايش بيمر علي تصير ماما تحكيلي ايش تعمل وانا اروح بلسانها احكيلها والله انوو خليتها تسيبوو وتندم عاليوم اللي عملت هيك شغله غلط بس بدون ما تحسني بأنبها او انها غلطانة غلط كبير ..

ياريت تكوني فهمتي ئصدي .. وتسلمي يا عسل عالموضووع الروعة ..

[نور الهدى]

المشاركة الأصلية كتبت بواسطة فراشة طبعا عزيزتي كل مشكله بحكيها لامي لانو مين بدو يخاف علي اكتر من امي ؟؟ مين بدو ينصحني ويهتم لامري غير امي ؟؟ وسدئيني امي اعتبرها اكتر من صديقتي بحكيلها كل اللي بقلبي وكل مشاكلي حتى لو حساسه ..

في اهل فاقدين التواصل مع بناتهم وابناءهم وهادا ذنبهم وخطاهم من البداية وعواقب هالاشي كتير كبيرة .. يعني متلا البنت بتروح تشكي لصديقتها وممكن صديقتها ما تكون اهل للثقه وللنصيحة تروح تنصحها بشي غلط وتضيعها .. انا كان عندي صديقة تعرفت عواحد عالموبايل وكانت طبعا ما تحكي لامها تيجي تحكيلي ايش بصير معها .. وانا اروح احكي لامي ايش بيمر علي تصير ماما تحكيلي ايش تعمل وانا اروح بلسانها احكيلها والله انوو خليتها تسيبوو وتندم عاليوم اللي عملت هيك شغله غلط بس بدون ما تحسني بأنبها او انها غلطانة غلط كبير ..

ياريت تكوني فهمتي ئصدي .. وتسلمي يا عسل عالموضووع الروعة ..

طبعا فهمت قصدك

و علاقتك بامك علاقة مثالية ماشاء الله

اشكرك على المداخلة المميزة