هل تتزوجين شاب يكتب في المنتديات ويدردش

[سارة]

المشاركة الأصلية كتبت بواسطة قسامي غزة هههههههههههههههههههههههههه
شو هاد يا بنات الي بسمعكم بتحكوا هيك بقول الشباب صافين طوابير علي بواب بيوتكم وانتم قاعدات تنقوا بين هاد الشب بيعجب وهاد ما بيعجب
خلي الطابق مستور
وقال في بنت بتحكي علي هيك ما في حد هيتزوج من الشباب
بردوا احنا الي مش هنتزوج
هههههههههههههههههههههههههههههههههه طبعا انا برايي( فاظفر بذات الدين )
وتحياتي للجميع

شو قسامي غزة ما عاجبينك البنات شو امفكر الاهل بيبيعوا بناتهم


والله قسامي غزة بكلمة الطوابير حسستني اني قاعده بسوبر ما ركت

[ABU-NOUR]

هههههههههه
بدكم تعملو تعادل كنا كاتبين موضوع للشباب اذا بيقدر يتزوج بنت بتحكى على النت ولا لاء
الان قلبتو القصة لصالحكم

يا سيدي انا من ناحيتي بقول للبنات انو في الدنيا في خير وشر في جد و ضحك في هبل وتخلف فالشباب نوعين يا منيح يا عاطل ...
يعني في ناس بتدخل للنت للتسلايه وبتكلم على الجوالات وبتغمز في الشوارع ..
وفي شباب راسه في الارض مهما حصل انا والحمد لله الطريق بتعتنا للمدرسة من نفس طريق البنات احنا من ناحيتنا بنقسم الشارع نصفين نصف بيروحو البنات فيه ونصف التاني بنروح احنا فيه ففي شباب بيروحو لجهة الي فيها البنات وفي بنات بيجو للجهة الي فيها الشباب .... وانا والحمد لله راسي في الارض وبظلنى ماشي بأقصى سرعة بيصيرو الشباب اصحابي ينادوا عليا وين رايح لحظة وبطلع عليهم بلقيهم بيجروا ورايا مش قادرين يحصلوني .... فكل واحد بيأخذ شي على ما بده في ناس بدها الخير وناس بدها الشر ...

بالنسبة للجوالات ... يمكن خمس مرات تتصل على جوالى بنت وتعمل كأنو الرقم خطأ وانا عارف دواووين البنات والشباب ... وكنت خلص الو مين معي .. تصير تقول هي مين انت ؟ اقللها انتى الاتصلتي . تقلى اه معلش بس مين معي .. اقللها عفوا النمرة غلط .... انا الي احلقلها ...

بالنسبة للنت ... أنا اول ما دخلت النت كنت ادخل الدردشة فقط اول اسبوع لقيتو لا يغني ولا يسمن من جوع على الفاضي .. تركته وخليت اخى يعلمني التصميم والجرافيكس .... وصرت ادخل على مواقع للتصميم مثل المنابر وبوابة داماس ومواقع اجنبية مثل evermotion و audionews ... واستفيد احسن ما اضيع وقتي ....
والمنتديات دخلتها واعملت مواقع وادرة مواقع واشتريت مواقع وبعت مواقع بس ما كنت اعمل هالشي علشان اتقرب لبنت ولا اشي ....

بالنسبة للهكر ... بدايتي كانت من سرقة ايميلي رحت للشب صاحبي علمني الهكر من اجل ايميلي علشان لو واحد سرق ايميلي اجيب ابن عمو واكسر راسو ....


يعني انا والحمد لله ما بستغل اي حاجة من اجل التقرب لبنت ولا للتسلاية ....
بس في بنت هنا انا مش قادر اصل الها ..... (ما يروح تفكيركم لبعيد بس معجب بأخلاقها وحنانها)

[قسامي غزة]

هههههههههههههههه
شو مالكم يا بنات عاملات عليه حرب انا حكيتها من باب المزح
وطبعا انا حكيت في اخر كلامي فاظفر بذات الدين
يعني كلمتي هاي هي الخلاصة
وتحياتي للجميع

[أبـ ـو أسـ ـا مـ ـة]

ههههههههههههههههههههههههههههههههههه هه

بتعجبني المناقشات الحاميه انا

قسامي غزة ولا يهمك كلامك كله تمام وزي العسل منك وانا معك بحكيك واذا بدهم يضربوا

انا مستعد وبحميك معي هههههه

وكلمك يا جنرل تمام التمام برضوا

وبرضوا انت نسيت البنات الي بيضيفوا على الايميل

يعني انا في وحده وانا بمنتدى تاني ضافتني على الاييميل

يعني بالله شو بدها حطيتلها بلوك وديليت هههههه

وطيب انا بدي برضو اسال الشباب يعني موش البنات ما بيوافقوا على الشب الي بيمزح مع البنات يمزح في المنتدى

لو سالت كل شب هنا وبصراحة لو انت خطبت وحده ولقيتها بالمنتديات بتمزح مع هذا وبتكلم هذا ومن هذا الحكي

شو بيكون موقفك

انا لو عليه بقلها تتركه ما تركته على طول بسيبها وبمشي ولا انا غلطان .؟؟

تحيه لاحلى اعضاء

[قسامي غزة]

كرا اختي صرخة الم يعني اذا صار اي ماكب بتقفي جمبي
اصيلة يا بنت

[هلــون]

بس بدي أعلق على كلام هيلين ..
بس الي بدردش بالمنتديات هوي الي بضحك على البنات .. طيب والي على الموبايل .. والي في الشارع .. فاشمعنا حصرتي شباب المنتديات ..
ظاهرة الشب السيء موجودة بالمجتمع في كل مكان فشو المانع نلقاها بالمنتديات على النت ..

وانا بحكي عديت بدون تعليق احمد لالي..

احمد انا بحكي عن الصورة الي حطها رامي .. انو بدردش وبضحك عالبنات ..

لو بدنا ندخل بنطاق النت كلو .. ونطاق التلفون .. رح نفتح الموضوع لنقاشات كتير ..

وموو ضروري بس الشاب الي يكون مسؤول ..

والبنات كمان .. ولوبدنا اناقش بهيك امور رح نطلع عن اصل الموضوع الرئيسي ..

[ayman]

السلام عليكم ورحمة الله وبركاته ..

طريقة النقاش اللي بينكم هي الدردشة بعينها ...وبتناقشوا في شي انتو عمالكوا عم تعملوا فيه ..

[نجمة الغروب]

انا لا ما بوافق

لانو شو عرفك اخلاقوا وصفاتوا

وهو من وين
وشو ما ضيه كمان
ولا شو

لانو الزواج عقد مابد

[خيـرَ أُمـة]

المشاركة الأصلية كتبت بواسطة هيلن

وانا بحكي عديت بدون تعليق احمد لالي..

احمد انا بحكي عن الصورة الي حطها رامي .. انو بدردش وبضحك عالبنات ..

لو بدنا ندخل بنطاق النت كلو .. ونطاق التلفون .. رح نفتح الموضوع لنقاشات كتير ..

وموو ضروري بس الشاب الي يكون مسؤول ..

والبنات كمان .. ولوبدنا اناقش بهيك امور رح نطلع عن اصل الموضوع الرئيسي ..

بتمري على الموضوع بدون ما تشوفي تعليقي له له له :))

انا حبيت أوضح للكل بلاش يفهمو كلامك غلط

[خيـرَ أُمـة]

المشاركة الأصلية كتبت بواسطة ayman السلام عليكم ورحمة الله وبركاته ..

طريقة النقاش اللي بينكم هي الدردشة بعينها ...وبتناقشوا في شي انتو عمالكوا عم تعملوا فيه ..

مممم

كلمة شات "chat" معناها الكلام في شيء فارغ ما الو هدف .. حتى بالعربي دردشة معناها الكلام الفارغ الي مش مفيـد..

احنا هنا بنعمل اشيء اسمو "نقاش" .. ونقاش هادف :))