هل تتزوج فتاة تكتب في المنتديات...؟؟

[ادهم اللداوي]

انا من وجهة نظري انه مافي اي مشكلة لو كانت محترمة نفسها ومش قالباها صياعة ومسخرة وحب وغرام يعني بتخش بتكتب مواضيع مهمة وبتناقش في حاجات مفيدة وبتعمل صداقات مع بنات ما في اي مشكلة يعني الشغلة مفيدة كتير وفي الاخر لو هي بدها تصيع بتروح تصيع بالف طريقة
وبفضل اناقش معها المواضيع يلي بتكتب فيها كاي عضو في المنتدى وباقرا كل كتاباتها عشان اشوف ردود افعالها واحاول اقرب منها اكتر

[جيفارا*نابلس]

اكيد اه
لانو ممكن الي بتكتب هي مثقفه واليوم التكنولوجيا ثقافه وتحضر

بس مايكون النت لشي تاني

[العيون السود]

يا عيني عليك يا جيفارا
فهمان

[جيفارا*نابلس]

شكرا عيون بس هاي الواقع والحقيقه

[ماري]

هي لو انها بدردشة بيكون بهيديك الحالة معا حق بس هيك غلط

[نور الهدى]

السلام عليكم

كلنا بنعرف انه الانترنت سلاح ذو حدين .. و استخدامه يختلف من شخص لاخر .. الموضوع متركز على البنت .. و البنت كما عهدنا في مجتمعاتنا دائما هي اول من يوضع في قفص الاتهام ..

ما علينا ... مع انه في شباب بدخلوا النت .. و يا لطيف ...

في الحقيقة انا اول مرة اسمع بهذا الشعار الجديد او اللقب الي اطلق على البنت الي بتستخدم انترنت ... بنت النت !!! ...

انا بعرف كتير بنات .. هدايتهم كانت بواسطة الانترنت .. و المنتديات الملتزمة و المحترمة ...

و بشهادة احد الشيوخ .. في امراة جليلة .. جزاها الله خير .. كانت سبب في اسلام 100000 رجل وامراة .. اي و الله .. و هذا عن طريق غرف المحادثة .... يعني .. مش كل بنت بتدخل نت مش محترمة .. هذا يتوقف على النية

هذا لا يعني ايضا اني اؤيد غرف الشات ... اصلا ما بعرف شكلها ... بس هادا مثال بسيط حتى ما نغلط على البنات.

تاتي الان مسالة المنتديات ...

بعض الردود بشوفها و كانه اصحابها بعترضوا على تواجد البنات في المنتديات ..

طب ليش ... ازا فيه احترام و عدم خضوع بالقول ... الخ .. وين المشكلة ؟

طب انا تعلمت كتير من المنتديات ... و كونت صداقات كتيرة مع بنات من العالم العربي و الاسلامي .. بنستفيد من بعض و من تجارب كل وحدة .. و بنساعد بعضنا يعني باختصار كله تمام .... اين المشكلة الرئيسية ؟

من الظلم و الله انه نجعل الطيب و الخبيث في نفس البوتقة ...

و الى كل من يعترض على دخول البنت للانترنت .. بحجة انه يفسدها ... ترى الشباب زي البنات .. ممكن الانترنت يفسد اخلاقه .. هل نحرمه ؟ هل انا مثلا لو تقدم لي واحد يدخل انترنت و منتديات الخ .. ارفضه لهذا السبب ... التافه ؟

و ما دمتم معترضين .. لا تردوا على مواضيع البنات !!! و ينتهي الموضوع !!!

اخيرا .. اللهم ارنا الحق حقا و وفقنا لاتباعه .. و ارنا الباطل باطلا و وفقنا لاجتنابه

سلام على من اتبع الهدى

[المارد المجروح]

والله اذا انا واثق من البنت عادي

[لطفي الياسيني]

انا مع زواج بنت من المنتدى لانها اصيلة وجهه اعرفتو ولا وجهه ما بعرفوا

[صامدوووون]

عادي خليها تكتب بالمنتديات هذا دليل وعيها وثقافتها حتى وهي متزوجه راح اخليها تكتب

[الاجئ الفلسطيني]

اذا كانت البنت محترمة وموثوق فيها وفي اهلها لا باس

بس اذا كان النتدى هيك ولا هيك طبعا لا
اما منتدى محترم زي هذا المنتد ايش المانع