روميو يتحداني

[عاشق محروم]

((((( جيفارا*نابلس )))))

العشق يا جيفارا أسطر تخط قلبي
فأنا لحبيبي ذكرى تجول في بالي
ويبدو أني عن فكر حبيبتي سراب أوهم من الخيالي


.
.
أخوكم
عاشق محروم

[صرخة أنثى]

في هذه الدنيا أحباب يملؤون دنيتنا حبا وحنانا وحبنا لهم غاية في القوة,,ولكن هناك من هو أقوى ألا وهو القدر.....القدر الذي يبعدنا عن أشخاص ذابت شجوننا بهم وتاقت انفسنا اليهم ولكن ربما ترجعهم الصدفة ويرجعهم القدر الذي اخذهم بعيدا,,,فتقر الاعين ويحيا القلب من جديد,,,,,,,,,,,,,أبدعت وكلماتك تخرج من احساس مرهف ومن أعماق القلوب...........الله يرجعلك كل احباب قلبك وخاصة الغاليين منهم.....

[عاشق محروم]

((((( عاشقة الفيروز )))))

أنرتي صفحاتي عاشقة الفيروز

وسطرتي كلمات نبض لأجلها قلبي أقوى نبضاته

فكيف أصف بعد الحبيب

أني حزين وألف دمعة ودمعة لن تكفي لأطفاء ناري



.
.
أخوكم
عاشق محروم

[لطفي الياسيني]

اشكرك بالنيابة عن حفيدتي

[جيفارا*نابلس]

نا عانينا من مراره الحب الاول ولكن اعلم ان الصفعه القويه للغصن الغض هي من تجعله كالسنديان
ارجو ان تصلك الصوره المعبره تحياتي واشواقي لك

صديقك ان اردت جيفارا

[لطفي الياسيني]

وصلت الصورة عندي وصل العنوان يا زير سالم انت اخلص انسان

[جيفارا*نابلس]

انتا انتا يالطفي انتا العنوان
لعيونك بدي غني ولحن الحان
بس الجيبه طفرانه وعقلي فضيان
لكن انتا يالطفي بقلبي مليان
رح اكتب شعر بشيمك انتا الربان
انا يالطفي صورتك اجمل انسان
وخليتك مثلي الاعلى بكل الاديان
غطرشلي على ابو مازن وانسى الفلتان
حبي وحبك يالطفي لا ما بينهان
حبي وحبك اقوى من غدر الازمان
اقوى من كرسي السلطه وفاضي ومليان
رح اوصف انك انتا تاج الروسان
وملك بتاجو ما بيسوى دون العربان
وانتا الشيخ بمجلسنا وانتا اللقمان
ولعيونك رح ادبحلك سخول وخرفان
وقيدلك بيت باسمك بعروش الجان
تاتعرف انك اغلى انسان
نام الليه واطمن ابنك جيفارا بحدك صاحي زهقان

[لطفي الياسيني]

بشهدلك انت الليلة اروع انسان


شيخ الجامع بشهدلك مع الرهبان


كنت تقاوم ع الساحة بجنوب لبنان



متسلح بالعقيدة نجيل وقرآن


جبل النار بيشدلك واد البادان



تسلم اهلك رفيديا كلكو شجعان



الفتح تخرج من دارك طلعو الشبان



حلا كلاس بتشهدلك وجبال حوران


عاطل ع الشغل احسنلك سيبك الآن



محسوبك ع الشيخوخة جيبي مليان



بدك تأميني الشهري ماني زعلان


كل حقوقك توصلك مع الفرسان

[جيفارا*نابلس]

ويلك ازا شعبك كلو بحاله هيمان
بيبكي عالامل الماضي متل السكران
محسوبك شو بيدو غير النسيان
وبكرا الحال بتتغير وبترك هجران
ضايل شهرين بكيسي وبعمل طيران
بلادي يالطفي جارت على كل انسان
محسوبيه ووساطه ومن ايد فلان
محسوبك مش متجاوب مع هالفلتان
ومسلم امري لربي وبعديها لكوفي عنان
بلكي بيعرفنا شويه خوالو عربان
وجيبك يالطفي مليان بخير دايم عزك محسوبك عايش شبعان
لا تحسبها تسميعه واني عليان
انتا العين وحاجبها وغيرك عرفان
ادرس اتعلم بحو بتعمل فنان
وبتلبس وبتتجخخ على مين وكان
لا تعليم بينفعنا ولا شي سمعان
شعبك كلو يالطفي طافي ونعسان
وان صحي من عزه نومه بيحكي كشران
وبسمع انو مبنشر وحال الشهريه مأخر بالاسطيتان
وكلو بنفخ وبيطبخ وبنام ووجهو بيرفخ وبصبح من بكره ربي داير جيعان
ادعي ربك اتوظف قبل السيلان لاني حالف لا اخرج من بيتي الان
فيزنا ومش عارفلك ازا انا صحيان
هي الغربه بتنفعني ولا عكسره ببلادي اسكت ورضيان
حالي وصفتو يا بيي ومو وحدي كمان
حالي وحالك وبجمعلك كل الشبان
اكبر همن بالهجره وتانيها سوق الفكره وبنسى الواحد شو اصلو وشو ها لاوطان
يطول عمرك يالطفي بس ادعيلي اني اكمل بحياتي والك حلوان

[لطفي الياسيني]

داعيلك الله الواحد باسم الاديان


تلاقيلك شو شغلة وتصبح مليان

بتحسر على احوالك صاير زعلان



يا جيفارا من بعدك يجي الطوفان


ما يخلي واحد عايش زلزلال الآن


من طبريا يضربها حتى بيسان



والبحر الميت يصبح بكرا فيضان


شعبك والله بستاهل كلو زعران


في الحكومة الزوبعة جوا الفنجان


كل احد عامل ريس عامل فهمان


ضاعت اراضي الضفة حتى حوسان

دولة بنطالب فيها وعنا فلتان


بوش تدخل امريكا وجابو عنان

صارو تجار النصبة وزراء الآن