الحـلقة الثـانية .. مشـروع احيـاء أمة ... "ابـتسـم لتـكون أجـمل"

[خيـرَ أُمـة]

بسـم اللـه الرحـمن الرحـيم

محـاضرتنا لهـذا اليـوم دعوة للتـفائل و لرسـم الابتـسامـة على الوجـوه .

الـمتفائلـون هم الذيـن يصنـعون التـاريـخ

هم الذيـن يغيـرون من حـال الى حـال

بهـم ترتقي الامـم و تبـنى الحـضـارات


بالزر اليميـن حفظ باسم .. right click save as

>>> ابـتسـم لتـكون أجـمل <<<


أو استـمع مبـاشرة من الموقع .. افتح هذا الرابـط

>>> ابـتسـم لتـكون أجـمل <<<

بالتـوفيـق

[Twin]

عملت فيي متل المره الي فاتت .. جننتني عبل ما نزلت .. معلش المهم زبطت ..

شكرا الك احمد .. هلالا بدي اسمعها انا ونغم سوااا وبجي بعطيكوو رايي ..

[خيـرَ أُمـة]

أهلين بيكي تويـن ومستني رايك ..

ولما تخلصي بنتناقش

صحيح توقيعك نهفة :)))

[سارة]

احمدكس انا اسمعتها كلها عنجد محاضره رائعه خاصه للي بيضلهم عابسين ههههههههههه

بدي اقول لدكتوره الي بدرس انجليزي تسمعها لانها ما ابتضحك غير بالمناسبات الرسميه

[Twin]

يلا خلصت المحاضره ،، يلا اعطيكووو الي استفدتوو وتعليقي ،،

هلا عن نفسي دايما بيحكولي صاحبه الوجه البشوش .. ما بيأس الحمد لله يعني بعتبروو عند + فضول ما بعرف كيف ، بس بضل ورا الشغله عبل ما اعملها .. يعني اقرب نموذج ذكروو الشيخ عن الشخص الي نفسوو يتعلم الفوتوشوب .. وانا كمان زيووو ، بالفتره الي ماقدرت اوصل لجامعتي فيها ما يئست ،، وخليت ربنا يمشيني متل ما هوه بدووو ، لاني بآمن بالحديث النبوي ( قدر الله وما شاء فعل ) .. والله ما بيختار للانسان الا الاحسن .. وما حبيت اخلي اليأس يغلبني مع اني كنت على وشك اليأس . وكان عندي فضول اتعلم كل شي بالكمبيوتر ههههه وهيني باخد بالاي سي دي ال .. وبنفس الوقت بتعلم الفوتوشوب وبدي اتعلم واتعلم واتعلم ..

اصدي انوو مهما واجهت او واجهنا والله انوو ربنا الي بيختار للعبد الافضل ،، حتى لو حزنا مارح يفيدنا الحزن بشي ..

ومتل مابيحكوو .. ابتسم تبتسم لك الحياة.... وابتسم ترى الوجود جميلاً....
أنا شخصياً أطبق الحديث الشريف تبسمك في وجهك أخيك صدقة وبضيف على حياتي لمسة جميلة ويغير من نفسيتي إذا كنت منزعجة ..

وشكرا الك احمدايكس ع المبادرات الحلوه منك .. والله انك شجعتنا كتير ..

[خيـرَ أُمـة]

كلام جميل يا توين

واذا على الوجه البشوش فبتصور كل الي بالمنتدى لاحظ هاد الاشي من كتاباتك :))
وان شاء الله اتضلي على طول هيك

انا بتذكر كان معنى شب في الجامعة وكنا صحبة معاه .. كان دايما متشائم
لدرجة مجرد ما الواحد يجلس معاه بجي اكتئاب وأمراض نفسية
اتخرج صاحبنا ومن ايام ما كنا ندرس وهوي يحكي من وين بدنا نشتغل وشغل مافي والحياة واسطات
اتخرج صاحبنا والكل اشتغل الا هوي لانو حط حالو بدائرة اسمها اليأس
جديد اشتغل طبعا .. لكن بعد ايش بعد سنتين من تخرجو وهوي أكبر مني بالدفعة :(

بتعرفو حتى لما الواحد يفوت على مقابلة لوظيفة .. اذا ما كان مبتسم وما حسو الي بقابلو انو انسان بشوش . واللـه لو معاه شهادات العالم ما بشغلو ..

الابتسامة مفتاح لقلوب الناس .. ودينا لما حكى الابتسامة صدقة .. معناها الها دور كبير بالتئالف ولا مما كان اعطاها الاهتمام هداك ...

[Twin]

اي والله على ئولتك .. كانت بالصف اعده حدي صاحبتي ،، هادي كانت مثال لليأس والتشاؤم .. مع انها كانت من الاوائل .. الي بده يجيه اكتآب نفسي يئعد حدها .. المهم كانت كل ما اسئلها مالك تحكيلي الدنيا مافيها شي محرز نفرح عشانووو وتئعد تشكي وتبكي .. وما خلص الفصل الاول الا صارت مافي امرح منها والله والابتسامه ماتفارئها .. صارت تحكيلي الحمدلله لقيت شي بالدنيا انبسط عشانوو وصارت كل ماتواجهها مشكله تتصل فيي او تيجي عندي تشكيلي همومها والله لاني بساعدها وبتحملها ،، والواحد احيانا بكون نفسوو يلائي حدى يسمعلووو ويرتاحلووو ...
شكرا الك ..

[خيـرَ أُمـة]

الي بدو يصير متفائل يصاحب المتفائليـن

خلص اليوم كل البنات حيبعتولك على الخاص يطلبو صحبتك ههههه

على فكرة صاحبنا الي حكيتلك عنو اتخرج بمعدل 81 وهاي تعتبر انجاز في الهندسة
بس التشائم الي كان عايش فيه هوي الي كان سبب تأخرو عن الشغل

[المسلمممه]

حطيت حفظ باسم طلع ليا لا يمكن التحميل لوجود خطأ ؟؟؟؟؟ليش

[Twin]

اي انا كمان متلك بس ضلك حاولي ،، مره مرتين وبيزبط ..