مساعدة الزوج لزوجتة بشؤون المنزل

[فراشة]

موضوع حبيت اناقشكو فيه واشوف وجهات نظركوو ...

ما رايكم بالرجل اللي بساعد زوجتة بامور المنزل او بساعدها بالطبخ مثلا او الاعتناء بالاطفال ولو كانت بتشتغل او تعبانة ؟؟....كتير بنسمع انو الرجل بس يشتغل ويجي يلائي البيت منظف ومرتب وكل شي عالمراه ... انو ليش ما يساعدها بشغلات بسيطة عالاقل يبين انو معها ومساندها ...

يلا بدي اسمع اراءكو.... كل واحد رح ينحط بنفس الموقف ايش هيعمل وايش هتكون وجهة نظروا (شباب وبنات ) ورح ارد بعدكو ان شاء الله ..



فراشة }!{

[ملكة الإحساس]

موضوع حلو للنقاش فراشة ..
يعطيكي العافية حبيبتي ..

...
أنا من المؤيدين لأنو الرجل يساعد زوجتو بالبيت ...
وهدا شي كتيير حلو .. انو يكون بالبيت جو من التعاون ..
واكيد لو انا بهيك موقف راح افرح كتييييير ..

[وليف الدمعة]

هذا طبعا كلة برجع للرجل حسب نظرتة للتعاون زوجتة في البيت
كثير حلو التعاون بين الزوجين وهذا الشئ بقربهن للبعض اكثر
هذا جانب الجانب الاخر
للزوجة اهمية كبيرة بمعملتها وسلوكها مع زوجها هذا الشئ يعطي
حافز قوي جدا للاهتمام ومساعدة زوجتة

مشكورة كثير فراشة علي طرح هذا الموضوع الرائع

تحياتي لك

[خيـرَ أُمـة]

ليش لا ؟!

أنا تربيت في بيت الاب كان يساعد في الويك اند تاعو في الطبيخ .. خصوصا الطبخات الثقيلة والي بدها شغل مثل السمك وغيرو :)

بتخيل التعاون بين الاسرة بزيد من الروابط بينهم ..

وعلى فكرة للان لما اجتمع مع أهلي بجلي الجليات ههههه وبستمتع وانا بجلي

يسلمو فراشة على الموضوع المميز ..

[حلوة وعارفة حالي]

مرحبا فراشة


مرسي كتير على الموضوع الحلو كتير كتير

بالنسبة لموضوعك انا بشوف انو كتير شي حلو لو ساعد الزوج زوجته

ولو بشي بسيط

حتى يحسسها انو مهتم فيها ومقدرها

واكيد يعمل عنها الشغل لو كانت تعبانة

[Twin]

مرحبا ... انا ماما لما تجوزت ما كانت تعرف تعمل الشاي ،، كلوو بابا الي علمها اياه .. ولحتى الان لما تكون مريضه بفوت معنا المطبخ نطبخ ونخبص سوا .. كون الرجال يساعد مرتوو ما بيقلل من شانوو بالعكس بيخلق جوو مرح ومتعه وجوو اسري كمان ،، يعني هلالا لما كان يفوت معنا المطبخ بابا بنئعد نغني ونلعب .. حتى بيئثر عالابناء مستقبلا يعني بيتعلموو من ابوهم الاحترام والتعاون .. هههه مره بابا طبخ ملوخيه .. صورناه وهوه بيخرط فيها وبغني .. بعتناها لتيته بفلسطين بنحكيلها شوفي ابنك المعدل ... شكرا فراشه عالموضوع الحلووو ..

[عاشق البندقية]

ههههههههه ليش لا ..؟؟

اصلا لما الولاد يشوفو التعاون والمحبة بين الام والاب اكيد رح يتاثرو .

بعدين هديك المره ليفت الحمام .. وسلطة الوالد عمركم ما بتدوقو مثلها..

ويسلمو خيتي ع الموضوع الروعة.

[فراشة]

كتير عجبتني روحكوو ماشاء الله عليكوو متعاونين ومتفهمين بس والله مو كل الناس هيك ..في بيتخذو المراه كانها خدامة بالبيت تطبخ وتكنس وتمسح وتربي الولاد وهوه ما الو دخل ولا بيتعاون معها .. الله يوفئكو ويرزئكو بولاد وبنات الحلال ... شكرا اعزائي

[قمر الخليل]

والله ليش لأ

انا بعتبر الزوج الي بساعد مرتو ما فيه منو

لانو بكون مقدر انو هو واياها روح وحدة ولازم كلشي يتشاركو فيه

بس طبعا مش كلشي يعملو عنها بس يساعدها اكيد

يعني هالحركات الزغيرة الي بنظر الزلام انها تافهة بالنسبة للمرة كتير مهمة وبتحافظ على الحب بينهم وبتحس انو زوجها بحب يريحها وبحبها اكيد

وكتير بتدايق من الي بفكرو انو هادي الشغلة بس للبنات وبعتبرهم متخلفين كمان لانو ازا مستخسر بمرتك اتساعدها شويي شو ضل؟؟

يسلموووووووووو كتييييييييييير

[بنت الرملة]

احلى شي والله انو الزوج يساعد ...

وللأسف في كتير منهم بحسبها انو لأا انا راجل والرجال ما بفوتو مطااااااااااابخ او


الرجال عيب يشتغل بالبيت !!!

خير يما !!!

انا والحمد لله عندي بابا بيطبخ اكتر من ماما وبحب كتير يتفنن ويعمللنا اكلات عجيبه غريبه

وبجد اكتير بنعل من إلي بعتبروها عيييب ...

مشكوره حبيبتي فرووشه عطرحك للموضوع...