ماذا تفعل إذا كنت في هذه المواقف اكتب رأيك في كل صراحه

[نور اليقين]

1)كنت في حفله كبار الشخصيات و رأيت في فستان السيده التي تجلس امامك حشره ماذا تفعل ؟؟
بجيب حشرة تانية و احطهالها على فستانها عشان يبقو اتنين مش وحدة بس
اهو يتسلو

2) صارحك احد بحبه لك و انت لا تكن له اي من مشاعر الحب ما تفعل ؟؟
بحط نفسي محلو و بقلو ده شعورك و انا بحترمو بس انا كلي عيوب و كدابة و منافقة و بجامل اوي و غيورة و انانية و حسودة و مستبدة و بنام النهار و بصحى بالليل و بقر و بعمل غايبة و طول النهار عند الجيران و بحب اتخانق و و و و و
لحد ما يكرهني في نفس اللحضة اللي قال فيها انو بيحبني

3) انت مدعو إلى حفله تنكريه لصديقك العزيز على قلبك و في نفس الوقت قالت لك عائلتك ان تذهب معهم إلي المطعم ماذا تفعل ؟؟بروح المطعم بتعشى كويس و بدي بطني حقو بعدين بروح الحفلة و انا شبعانة فبهيص اكتر
و بما انها تنكريو فمش مشكلة لو اكلت كتير في المطعم
عشان لو نمت في الحفلة
هبقى اقول متنكرة في هيئة الاميرة النائمة
و الكل هيصدق

4) كنت في السوق و فجأة رايت قطعه من التحف اعجبتك و كنت تبحث عليها و وجدتها و تريد شرائها و تشاهد شخصا يتفاوض على سعرها و انت تريدها ماذا تفعل ؟؟ لو كان معايا ح ,صاحبتي متلا , هقلها بصوت عالي :
لا هو عبيط هيشتري خردة زي دي , و بتمن زي ده
انا لسة شايفه وحدة زيها في المحل التاني و بسعر اقل بكتير من دي
بجد ناس مبيهمهاش الفلوس و بتبعزقها على حجات تجيبلها العار
شبهة المحل ده
تعالي نروح محل تاني
و بعد ما يطفش ارجع اشتريها بعد ما اراضي صاحب المحل اللي هيكون زعل مني بسبب الكلام ده
و اللي مش بعيد يكون طردني كمان بسببو

5) كنت تلقي خطاباً امام ناس مهمين فوصلت إلى كلمة غير واضحه ماذا تفعل ؟؟ اقراها بصوت واطي جدا كاني ببلع ريئي
او اسرع لهجتي و اقول اي حرف انا شفياه قدامي
و يمكن افوتها و اقرا اللي بعدها
المهم اخلص و ارجع مكاني اقعد من غير احراج