جديد العتابـــــــــــــــــــــــــــــ ـــــــــا

[الشاعر@]

عتابــــــــــــــــــا

الحمامــــــة كثر متغاوت برشها (الريش)
النسر تحت مخالبـــــو برشهـــا (مزقها)
أُيلي عطوره عَ الامـــــة برشهـا (رش العطر)
لينسى ايزود عَ الاحبة والطياب

من رفتي الارض بحـــرك بحَر ِفيها (رفتي=رفة جناحي)
كما الخناجـــر ضربتي بحرفيهـــــا (حد الخنجر)
والشاعر@ عيون الأُسد بحر فيها (نظرة حادة)
ومــن بحــــرته فقـــــدت للصواب


لأجل الاحبة بننظـــــم شعرنا (الاشعار)
لانــــا بطيبة قلبهـــــم شعرنا (الشعور)
أُ كل ما ابيض عَ الروس شعرنا (الروس=الرؤوس)
بنتألــــم عَ ايـــــــــام الشباب


خاص للشاعر لطفي الياسيني

شاعر وقوانين الشعر يسنهـــــا (سن القوانين)
ومظني سيوفه عَ الباطل يسنها (يمضيها)
تسلم الاشعار ويسلم يسنهـــا (يسنها=لطفي الياسيني)
شاعـــر ماضــــي بدروب الادب

من كلماتي الشاعر@

شعارنا:انتظروا الكثير الكثير والجديد

[جيفارا*نابلس]

كلام جميل ومشكور على المشاركه

[العيون السود]

الله الله على تراثنا الفلسطيني ما احلاه
شكر كبير الك والله يعطيك العافية

العيون السود

[الشاعر@]

مشكور يا جيفارا على التعبير الجميل مشكور يا ابو العيون السود انت ايضا عفكرة جيفارا سلملي على اكرم البوريني زميلي في العمل الفني مع تحيات الشاعر الشعبي من جنين

[جيفارا*نابلس]

عفوا انا من نابلس مو من جنين ولا انتمي لاي فصيل او حزب سياسي ولكن عندي اعجاب في شخصيه القائد تشي غيفارا لاني ما بحف الدكتاتوريه عكل حال سلام بوصل انشالله بعرف كتير ناس من بوريين ومن جنيين اا سكان مدينه نابلس

[لطفي الياسيني]

قوانين الشعر بعرف اسنها
وارض جنين مشهوره ببنها
يا شاعر العتابا يا ملحنها
الف شكر إلك على الموال

[لطفي الياسيني]

جديد الشاعر لطفي الياسيي
بتحدى الليله شاعر جنيني
شرف وتفرج ع دواويي
هزمت الشعر في كل سنيني
فرجه اصبحنا يا نور العين
شرف ع الساحه دخلك فرجيني
كيف الشطاره يابن جنيني
واذا بتخالف للقوانين
رايح اكرك في السكاكين
لينزف دمك والمصارين
لحتى تعرف حجم الياسيني

[الشاعر@]

اووووووووووووووووووووووووووووف

اناعزمي كصخـــــــــر صواني (صخر الصوان)
مكرم ضيفي وملي صوانـــي (صينية)
مش لأي شاعر بلفت صواني (صوان الاذن)
ولاي شخص بفتحلو كتـــــاب

[WOW]

تحياتي " الشاعر@ "

شكرا

[جيفارا*نابلس]

يلا راحت عليك ازا