الدنيا قصة حب كدابة

[ابراهيم نصر]

اول مافتحت ف عنيه
وعرفت حال الدنيا ديه
وقريت حكايات الغرام
ومشيت اردد ف الأغاني
واكتب وأغني ع الليالي
وقلبي مليان بالهيام
وفضلت أمني النفس بيها
واقول دي دنيا الله عليها
دي أحلى دنيا ياسلام
وأتاري الدنيا قصة حب كدابة
فيها كتير انجرح والقسوة غلابه
ولا حب نافع مع الأيام
قابلته مرة في طريقي
وقلت أهلا يارفيقي
وحاولت افكر له ف كلام
وساعتها حسيت ان قلبي
كشف له كل المستخبي
وصابتني عينه بالسهام
ولقيت عيونة بتبتسم
وجبينه بالفرحة اترسم
مديت ايديا بشوق اليه
ولقيت عنيا مشدوده ليه
وقلت قلبي كمان شاريه
لقيت عيونه اتغيرت
والبسمة منها اختفت
وقال كلام أنا مش ناسيه
الحب لايمكن ياسيدي
في الدنيا دي تتهنى بيه
الدنيا دي دنيت ديابة
مش دنيا حب لناس غلابة
المال معاك تلقاني عندك
المال معاك تلقى استجابة
لقيتني بتأخر ورا
واداري نفسي من الورى
وأقول يانفسي هيه غابة
واتاري الدنيا قصة حب كدابة
القلب فيها انجرح والقسوة غلابة
ولا حب نافع مع الأيام!!

[العيون السود]

كلمات جميلة ومعبرة اتمنى لك التوفيق

[العيون السود]

لن اجعل مشاعري ارضاً يداس عليها ... بل سماءً يتمنى الجميع الوصول اليها

[ابراهيم نصر]

متشكر اوى على مرورك الجميل

[لطفي الياسيني]

كلام حلو وجميل أهنئك من كل قلبي