ممكن حد يساعدني ..

[عاشقة الليل]

بسم الله الرحمن الرحيم


بصراحة انا صايرة معي مشكلة ما بعرف شو اعمل فيها
ما راح ابدا بالمقدمات راح احكي بالموضوع على ..

انا هاي السنة بالثانوية العامة بالامارات
بس المشكلة اللي صارت انو نزل قرار جديد بالامارات يعني صار نظام التوجيهي عنا
متل الجامعات يعني مشاريع وتقارير وامتحانات طول السنة وكل محسوب
يعني بطل اخر السنة الامتحان وبس
وهاد القرار خلى نفسيتي كتير تعبانة وصرت كتير عصبية
يعني ما بعرف شو اعمل بطلت اطلع بطلت اهتم بشي غير بالدراسة بس بنفس الوقت ما بدي ادرس خلص زهئت

ومش عارفة شو الحل لمشكلتي هاي
يعني بدي حل وسط اني ادرس بنفس الوقت ما بدي نفسيتي تضل تعيانة
يعني جد الموضوع كتير اثر حتى على علاقتي مع اهلي ومع صحباتي
يعني ممكن اتخانق مع اي حد على ولا شي
او احكي كلام ما اكون حاسة عحالي اني حكيتو
ولما يجي حد يراجعني انصدم انو متى حكيت هالكلام

فبليز انصحوني

[~ | Mazaj]

يييي علي حبيبتي عاشقة ..

وانا بحكي شو مالك .. متغيرة ..؟؟

الله يعينك يارب .. بس والله انو قرار ظالم لطلاب .. لو مكانكو كان عملنا اضرابات ولا بدنا هالدراسة ..

بس ادا بدك نصيحتي .. اعملي تنظيم للوقت .. مثلا

ساعة لعب وحكي مع الاهل ..

ساعة عشان تشوفي حالك وتريحي نفسيتك او ادا بدك نامي فيها

وبعد هيك ابدي دراسة لحد ما يجي الليل ..

وعنجد الله يعينك ويوفقك يارب .. وربنا يسهل عليكي هالسنة ..

دعواتي دايما ان شاء الله

[عاشقة الليل]

تسلمي حبيبتي
والله انا عارفة هاد الشي منيح
بس المشكلة انو صار عندي تشبع من الدراسة
انو بدي ادرس وانظم وقتي بس خلص مالي مزاج اعمل شي
والله ما بعرف شو اعمل حاسة حالي كتير ضايعة

[Twin]

يااااااااااااااا حبيبتي والله بجد الله يعينك كتير الي صاحبات بيشكولي من النظام هادا وبيتصلوو فيا افهمهم مع اني خلصت توجيهي السنه .. يعني نفدت من القرار هادا .. حبيبتي .. اتعبيلك شوي هل سنه وبعدين بترتاحي طول عمرك ان شالله .. ولا تهملي شي حاولي تدرسي اول باول وما تراكمي عليكي شي وبعدين ادرسي فتره الفجر احلى شي والله وما بتزهئي فيها وخلي هدف ادامك سدئيني را ح ترتفع معنوياتك كتير .. يعني متلا نفسك تفوتي جامعه معينه لزئي صورها عالحيط ادامك ولزئي ادعيه بترتاحي بس تشوفيهم .. وربي يوفئك وان شالله هدعيلك تجيبي النسبه الي بتتمنيها .. اختك توين ..

[بيســان]

هلا حبيبتي

انا معك وحــاسة واللهـ باللي انتي حــاسة فيهـ

بس حبيبتي .. المعروف انه كلــ مرحلة او شغلة جديدة بحيــاة الانسـان

بتكون صعبـــة وهو بشوف التأقلم معهــا مستحيلــ

بس بالواقع الشغلة ما بدها الا شوية صبـــر ومحاولات جادة للمــثابرة

وتأكدي انه شوي شوي .. رح تتعودي عالوضع الجديد ... ويصير الموضوع جداً عــادي عندك

موفقــــة ان شاللهـ يا حلوة

كلــ الود

[عاشقة الليل]

يسلمو الكم
بس انا مشكلتي فعلا مع حالي
يعني انا نفسي مش عارفة كيف اتعايش مع الموضوع بطريقة ما اغير فيها من حالي
يعني جد صار نفسي اقعد شي مرة اكتب خاطرة
بس بحس انو الوقت مش ملكي
وحرام اضيعوا بغير الدرساة او التفكير بالدراسة
ما بعرف شو اعمل من هاي الناحية
حتى من ناحية شخصيتي
عنجد لو حكيت اني صرت ما بحس ابدا
يعني بطل في عندي اي شعور غير الغضب بس يعني هاي مش انا

[الأقصى]

خيتي الغالية العزيزة عاشقة الليل
السلام عليكم ورحمة الله...

خيتي:
تعلمين ان اهم شي عندك في هذه المرحلة هي التوجيهي............

يعني كتييير من امورك يحددها التوجيهي........

فيجب ان تكوني على قد المسؤولية...

فعليك الموازنة بين الدراسة والامور الاخرى الترفيهية...........

يعني اهم شي هو تنظيم الوقت......

اعملي جدول بتنظمي فيو وقتك...

بين الدراسة واللعب والقعدة مع الاهل
والنت..
وغير ذلك.........

والاولوية تكون للدراسة.........
واما عن نفسيتك...فلما تحسي انو نفسيتك تعبانة
فعليكي ان تبطلي من الدراسة فورا
وتفعلي شيءا ترغبين فيح
حتى تتحسن نفسيتك تدريجيا...
والله الموفق خيتي..

واتمنى لك التفوق والنجاح ان شاء الله

وانا السنة الجاي علي توجيهي...
الله يستر...

وعلى سنتي غيروووو المناهج عنا في الاردن
الله يستر
ادعوووووووووووووووووووووووووووولييي يييييييييي

اخوكي:الاقصى
حمزة

[عاشق البندقية]

الســــــــــــــ عليكم ــــــــــــلام

اولا اهلا بيكي اختي عاشقة الليل زمان ما طليتي علينا..

يا ستي .. ما علينا

المهم..

شوفي خيتي..

اللي بيقلك انو هاي السنه لازم تدرسي وتزلي حالك فيها وازا انكسر خاطرك فيها بترتاحي طول عمرك..

هاد من وجهة نظري حكي فاضي..وبيسبب زيادة ضغط ع نفسية الطالب..

انا ما بشكك بحكي الاعضاء اللي قبلي وبكسّر فيه..هي شغلة تهويل مش اكتر ..

بس مع ذلك لا زم تفهمي انها سنة التوجيهي سنه مهمة ومفصليه ,يعني ما تعتبريها اكتر من مفترق طرق

وهي مش نهاية العالم ..

بس بالمقابل تستحق التعب والمعاناة والسهر..

ع كل حال ..

خيتي مشكلتك هي بس شغلة تنظيم وقت..

اعطيكي مثال صغير كتيير ..

متلا انتي بتروحي من المدرسه الساعة 2:30 ,, حلو؟؟

عندك عبين لا تتغدي وتتريحي قولي هي الساعة صارت 4 ,,حلو؟؟

هلا ...

عندك من الساعه 4 للساعة 12 او 1 اكم ساعة صارو..؟؟ 9 ساعات ..

شوفي خيتي ادرسي من ال4 لل 7 وبعدين خدي من ال7 لل8:30 او 9 نوم ,تلفزيون ,كمبيوتر,, روحي كزّري مع

اختك او امك ,, ابرميلك شوي مع بنت الجيران "بنت الجران قلت مش ابن الجيران" في فرق ^^

بعدين اسحبي الباقي دراسه..

القصد .. انو الدراسه مفيده "مصدر فائدة لما تسير تنغص عليكي وتدايقك بتروح فائدتها بالعكس..

صح ولا لا؟؟؟

يعني بالمختصر ما تسمحي للدراسه انها تسير مصدر ازعاج.. بس بالمقابل ما تسير اهمال..

وبالنسبه للنوم..

اظن انو 6 ساعات تكفي وزياده لانك بالجامعه جايه علي ايا ما تنامي.."الله يبشرني بالخير" هههههههههه

وهاد خيتي عاشقة الليل اللي عندي..

وانتي بتعرفي انا احنا اخلك واخوتك وصحابك وحبايبك..

وما اظن الشباب يبخلو عليكي بشي..

وان شاء الله نشرب شاي عندكم بالنجاح.

^^

.::والسلام::.

^_^

[لطفي الياسيني]

الاخت الكريمة عاشقة الليل حاولي ان تنظمي وقتك فالدراسة افضل من أي شئ آخر اهتمي بدروسك وأتمنى
لك النجاح التوفيق من صمم فؤادي والى الامام
باحترام والدك الاستاذ لطفي الياسيني

[عبد الصمد الراوي]

بارك الله فيك اختي عاشقة الليل