موضوع للنقاش الكل يشاركنا برايه

[قسامي غزة]

السلام عليكم ورحمة الله وبركاته
في موضوع صراحة هوا خاطر علي بالي من زمان وبدي اياكم تشاركوني الاراء بهاد الموضوع واسمع ردودكم فيه ووجهة نظركم
في كثير من البيوت يتزوج الاب زوجة ثانية غير امك وفي بعض الحالات تطلق الام وبعض الحالات توفي الام فيتزوج الاب وياتي لكم في البيت نفسه بزوجة اب
وعندما يسمع احد زوجة اب يكره هذا الاسم ويقول اعوذ بالله انوا يكون الي زوجة اب
ولكن السؤال اذا حكمت عليك الظروف وتزوج والدك كيف سيكون تعاملك مع زوجة ابوك هل ستجاول ان تحبها وتتعامل معها بكل حب واحترام وتقدير ام ستحاول نصب المكائد لها والمقالب وتكرهها من غير ما تتعامل معها
في اغلب الاحيان هناك اقوال تقول ان زوجات الاباء الثانية تكره اولاده من الزوجة الاولي ولا تطيقهم وكثيرا ما سمعنا قصص من هذا القبيل
وهناك مثل شعبي عندنا يقول ( زوجة الاب غضب من الرب لابتحب ولا بتنحب )
ما هو مدي صحة هذه المقولة في وجهة نظرك وهل هي صحيحة ام خاطئة
وفي الختام اذا حكمت عليك الامور وتزوج ابوك غير امك كيف ستتعامل معها
واريد الاجابة بكل صراحة والتفكير مليا بهذا الموضوع
وانا سوف احكي لكم ما هو رايي في هاد الوضوع
طبعا انا رايي هيكون عن تجربة طبعا لانني عشت هذه المرحلة ورايت طريقة التعامل
ويلا بدنا ردودكم بس بصراحة

[فراشة]

بسم الله : اول شي مو نحنا الي حكمنا عليها هيك يعني هيه الوحده الي بتحبب حالها في الابناء وهيه الي بتكره حالها .. يعني ازا كانت بتعامل الولاد منيح وبتحترمهم وكان فيه سبب لزواج الاب منها فخلص ليش الكره ،، طبيعي راح يحبوها ،، بس الي بشوفوو والله دور المسلسلات الي بيعمل هيك وبيجيب هالفكره السيئه لنا ..

شو شكلك قسامي متجوز تنتين :-) شكرا الك كتير لسماحك لي بالتعبير عن رايي ويعطيك العافيه ..

[خيـرَ أُمـة]

اذا مخافـة ربنـا موجودة ... مش حيكون في مشـاكل ..

يعطيك العافية ..

أخوكْ..

[سارة]

بصراحه انا بفضل انه الاب ما يتزوج لانه بالفعل زوجة الاب ما بتنحب عندي متل

خالي بعد وفات زوجته راح اتزوج بدكم الصراحه انا من قبل ما اشوفها ما حبيتها

بس هي كمان معاملتها لاولاد خالي مو امليحه يعني قدام خالي بتتصرف شكل ومن ورى شكل تاني


وهي كمان بتغار من لصغار يعني بتصير العيشه بالبيت نكد وغيره

[نور اليقين]

انا من راي فراشة
فرضا ان الاب اضطر للزواج من اجل اهداف مقنعة
متلا عشان عندو اطفال صغار لازم حد ياخد بالو منهم
هنا مبدأ الزواج مقبول
لو الزوجة دي راعت فيهم ربنا و عاملتهم كويس و عوضت النقص اللي عندهم ( نوعا ما )
و سدت الدور اللي تم الجواز عشانو
فالموضوع مقبول
بس هنا انا بتكلم بواقعية مش موجودة في زمنا ده
لو جينا لارض الواقع
زوجة الاب هي امرأة
و او امرأة خاصة لو كانت لسة شابة
عايزا تبتدي حياتها كاي ست غيرها
فمش مستعدة تتحمل عبء اولاد مش اولادها و لا ليها مصلحة فيهم
عادة اي ام بتكون متشددة على اولادها عشان مصلحتهم
بس دي عشان امهم تشددها بيبقى خوف عليهم
بس زوجة الاب حتى لو تشددت خوفا عليهم بيبقى تعديب ليهم
و بردو انا مع فراشة ان الافلام لعبت دور كبير في اعطاءنا الصورة الضلامية على وجة الاب
بس مفيش دخان من غير نار
لو جينا ناخد امتلة
انا جارنا اتجوز بعد وفاة مراتو الله يرحمها وولادو كبار و متجوزين
فتقبلوها
عشان مفيش احتكاك بيها
و عشان هما استقلو عن باباهم
عمي اتجوز على مراتو كمان و ولادو لسة صغار فحصلت عداوة عشان الام كانت لسة موجودة
بعد الوفاة زوجة الاب خدتهم في حضنها عشان شافت فيهم ولادها
اصلها مبتخلفش
وحدة صاحبتي ماماها توفت و باباها اتجوز بعلة يعوضها و يخفف عليها شغل لبيت
فادا بالحمل بيزيد و الشغل بيزيد و المشاكل مبتخلصش ما بينهم
الحكاية تحولت لغيرة
خلاصة كلامي
قبولي او عدم قبولي بزوجة اب معتمد على تلت عناصر :
انا : متقبلة اشوف مكان ماما و مقا ماما و منزلة ماما وحدة تانية غيرها ( خاصة لو قلنا معزة ماما عند بابا )
هي : مستعدة لتقبلي كبنت ليها مش كبنت جوزها
الضروف : يعني فيه مجال كل واحد فينا يفكر في التاني و لا كل واحد عايز يبني سعادتو على حساب التاني و مش متقبل التغيير اللي حصل في اعضاء العيلة
الانانية بتلعب دور كبير في الحكاية دي
و سوري عالاطالة

[قسامي غزة]

فراشة
احمد
سارة
نور اليقين

مشكورين علي مروركم ونورتم الصفحة
بس انا يا جماعة عندي اضافة يعني من ارض الواقع وردا علي سؤالك يا فراشة انا متجوز تنتين لا يا ستي انا بعد وفاة امي رحمة الله عليها تزوج ابي ومن هنا بدات المعاناة بس الحمد لله الحين ما في مشاكل
نرجع للاضافة الي بدي احكيها انوا لو اجت زوجة الاب والاطفال صغار ممكن انها تعاملهم معاملة سيئة مثل ما اتفضلت نور اليقين وحكت واذا كانوا اولاد الزوج شباب بكون ربنا رحمهم لانوا الشب صعب واحد يتحكم فيه لانوا يستقل في حياتوا علي صعيدي انا ابي تزوج وانا كنت في الثانوية العامة يعني كان عمري 18 يعني ما بحتاج رعاية من احد وخاصة زوجة ابي بس اول ما اجت كانت شوية مشاكل لبعض الاسباب لاداعي لذكرها ولكن بعد فترة كل واحد عرف الي اله والي عليه والحين المعاملة مثل ما بقول المثل (يا جاري انت في حالك وانا في حالي ) يعني كل واحد في حالوا بس بالنسبة الي انا ما بتفاعل معها وبعتبرها وحدة منها خلاص انا مش متقبل الي صار وصراحة هاد الغلط مني انا لانوا هيه بعد فترة صارت تعامل منيح بس الامر لايخلي من اللئامة طبعا لانوا احنا لسنا اولادها والحمد لله انوا ما في عندنا صغار لانوا انا اصغر واحد وهاد بفضل الله طبعا وانا بحكي معها عند الحاجة ولا اعتبرها شخص مقرب مني انا عارف انوا انا الي غلطان ولازم اعاملها افضل بس والله يا جماعة مش قادر اعاملها منيح كتير يعني الي ايدو ا في النار مش مثل الي ايدوا في الميه يعني انا بحكيلكم من واقع تجربة واترك لكم التعليق علي كلامي واعذروني اني طولت عليكم ما تدعوا عليه

[نسيم الروح]

شوف اخي اكيد رح اعاملها زي ما بتعاملني ازا كانت مو كويسة رح اكون مو كويسة اكتر منها
بس ازا كانت كويسة ليه ما اكون متلها واحسن
بس تاكد شو ما كانت زوجة الاب فهي ما بتنحب وهاد من وجهة نظري لانه هي حاله محل امي الا في حاله وحدة ازا كانت الام متوفيه وكانت منيحة وبتعامل اولاد زوجها متل الام واحسن ممكن احبها بس مو اكيد
وميرسي الك قاسمي غزة

[قسامي غزة]

المشاركة الأصلية كتبت بواسطة عاشقة الحب شوف اخي اكيد رح اعاملها زي ما بتعاملني ازا كانت مو كويسة رح اكون مو كويسة اكتر منها
بس ازا كانت كويسة ليه ما اكون متلها واحسن
بس تاكد شو ما كانت زوجة الاب فهي ما بتنحب وهاد من وجهة نظري لانه هي حاله محل امي الا في حاله وحدة ازا كانت الام متوفيه وكانت منيحة وبتعامل اولاد زوجها متل الام واحسن ممكن احبها بس مو اكيد
وميرسي الك قاسمي غزة

صحيح كلامك اختي صحيح بس يا اختي هادا هوا الكلام المفروض
بس يا اختي الواحدصعب يتقبل هاد الموضوع لانوا صعب علي نفس الشخص
اما بالنسبة الي انا عارف اني غلطان مثل ما حكيت بس الامر مش سهل ان يتقبله
مشكورة اختي
نورتينا بزيارتك وبكلامك
بعدين انا اسمي قسامي غزة مش قاسمي غزة

[بنت الرملة]

والله ما بعرف ليش دايما زوجة الأب بتكون وحدي مكيوده ههههههههه


انا عني إزا بتعاملني كويس بعاملها كويس وإزا غييييييير هيييييييييييييييييك


من شعرها ههههههههههههههههه

يسلمو قسامي

[سارة]

ما حدا بيعوض حنان الام ولا مكانها

مهم الولد كبر او صغر محتاج لامه الحقيقيه