احساسي ...

[ثرى القدس]

سلام عليكم بداية ..

اول موضوع الي بالمنتدى ...تئلة دم بس اتحملوني


حابة اعرف عن نفسي انا ((ثرى القدس)) عمري 24 و اقيم في ضواحي القدس

من اصل فلسطيني 100% ابي من مواليد كسلا وامي من مواليد دير ياسين ...وكلتاهما محيتا عن الخارطة

اشترك ابي وامي في شيء واحد وهو الاسم ..امي لاجئة وابي لاجئ وانا اخدت عنهما هذا المسمى او هذه الصفة ولا اعرف بالضبط ماذا اعتبرها ...

كان حظنا اكثر ثراءا من غيرنا فنحنا لجئنا في حدود بلدنا ..في عيون بلدنا على عكس اخواننا في الاردن وفلسطين ..

لكن لحد الان هذا المسمى يطاردنا وكاننا من بلد اخر ...او (ما عارفه كيف اوصف ) يعني احنا ولاد بلد وحده ..بس في نفس المنطقة في تفرقه بين ابن البلد واللاجئ

طيب ليش ؟؟؟حد يفهمني ..مش بشر متلنا متلهم ..ولا ع قولة المثل (من طلع من داره انقل مقداره )

والله بالفعل في قهر جواتي واحساس بالغربة واحيانا بتمنى لو قتل اجداد ولقبو بالشهداء على هذا الوضع وهذا الاحساس

وصدق من قال ..نفيت واستوطن الاغراب في بلدي...24 سنة بهاي المنطقة وبيحكولي لاجئة واهلي الهم من 48 وبيحكولهم لاجئين
حسرتي بس

صدقا ..لا الوم العرب بتصرفاتهم معنا ...لا الوم من يحقر اخواننا اللاجئين في مخيمات لبنان ...وابدا لا الوم من يعاملنا كارهابيين ...ولا الوم من يضطهدنا

قلوبنا مش ع بعض ..كيف بدنا نكسب قلوب غيرنا


لاجئ
هذا المسمى ايعتبر وسام عز وشرف ام ذل وعار ؟؟

بانتظار مشاركتكم ..وعذرا لتطفلي ودمتم

[نور اليقين]

اكيد شعور قاسي جدا
و احساس رهيب
كانك منبودة من ابناء وطنك
مو هيك ؟
بس ما افتكرش ان كل الناس بتفكر كده باللاجئين
يعني ده مكنش اختياركم و لا قرار اتخدتوه بنفسكم
ده قدر كتبو ربنا عليكم و انتو رضيتو بيه و بتعيشوه
معتقدش فيه فرق بينك و بين اي فلسطيني تاني
البلد وحدة و الدم واحد
دول الاهم عشان حجات ملموسة
اما اللقلب
فمهما كبر شانو او قل مقدارو بيفضل لقب
مش بيلزق فيكي يعنيو الله بجد مش عرفة اقلك ايه
غير اني مقدرة احساسك و مدى حزنك عالموضوع ده
و الا مكنتيش صحتي صيحة الاستنكار في موضوعك
مشكورة
تقبلي تحيتي حبيبتي

[.:.!دموع الرحيل!.:.]

لاجئ
هذا المسمى ايعتبر وسام عز وشرف ام ذل وعار ؟؟

حبيبتي طالما انا فلسطينيه يعني انا العز والشرف والكرامة والبطولة

وكلمة لاجئة يا ستي بتشرفني طالما هي مقرونة بكلمة (( فلسطنيه))

ولا بستعر من هالشي

بس في شغله ..

اني بجد حسيت بقهر وقت الي قرأت كلامك

مبارح بس كنت بفكر بالموضوع الي حكيتي فيه ..

اني لما أكون لاجئة برا بلدي

مش بين أهلي وناسي

وانجرح ويحكوني كلام قاسي ويسيؤو إلي ولوطني

أهون بكتير كتير

من إني اكون جوا بلدي وأتعرض لهيك إهانه من قبل اخواني وأهلي

ما بعرف شو حقيقة الي بيصير بالداخل

ما بعرف ليش هيك هالفكرة

بس بالنهاية شي بيقهر

يعني الكلام من الغريب ما بيجرح أدد ما يكون من القريب

يعني إخواننا الفلسطنيه يحطوا حالهم محلنا

كان ممكن كتير يكون متلنا

ما فصل بين حالتنا وحالتهم

الا كم متر اختفلنا فيها

لو كانو ولاد مدينة او بلدة او قرية لا تبعد عنهم سوى كيلومترات

لكانو مثلنا ...

ما بعرف

شو الي صاير بوقت من الأوقات لحتى شاع هالتفكير

كلامك الأول كنت بسأل حالي فيه ومقهورة وحضرتك زدتي قهري

لأنك أكدتيلي تفكيري ،، وللأسف ما عندي إلك جواب غير حسراتي وتساؤلاتي

يعني الواحد بدو يلاقيها من القريب ولا من الغريب ؟؟!!

لا حول ولا قوة الابالله

الله يصلح الأحوال

ويفرج عن الجميع

نورتيي يا عسل

ويععطكي العافيه

[بنت الرملة]

لاجئه وبفتخر وإلي مش عاجبو ينتحر



كل إلي كتبتي حسيت فيه مزبووووط يمكن لأني عنجد بعاني منو


انا لاجئه من قطاع غزة واصلي من الرمله ...وللأسف في كتير بنظرولنا نظرة الدونيه ....


طيب لييييش مهو إحنا فلسطينيه زي بعض ؟؟؟


شو زمبنا ..؟؟زمبنا انو نطردنا من ارضنا صح ؟؟؟؟


والله اشي بغم القلب وبخلي الواحد يبكي دم مش دمع ...

بس شو بدنا نعمل انا ابوي نولد لاجئ وامي نولد لاجئه ...

وعلى هيك إلي الفخر اكون لاجئه

[Abu Shadi]

المشاركة الأصلية كتبت بواسطة ثرى القدس

لاجئ
هذا المسمى ايعتبر وسام عز وشرف ام ذل وعار ؟؟

في البداية اختي اهلا وسهلا بك بيننا
واعذريني علي كلماتي
من قال ان لاجئ ذلة
في البداية حسرتي ايضا علي اجدادي
لانهم تركو عزا لبني صهيون
تركو بيوتا تملاءها العز والفخر للانذال
وعاشو في بلادا غير بلادهم ليبنو العزا كما يشائون
بالفعل انا ما بحس حالي لاجئ بين الناس عارفه ليه لاني انا الي علمتهم كيف ما يميزو بين لاجئ ومواطن
يعني هي الغزازوة في الجامعة ومش بس عليهم بدي اريحك فشي ناس عاشرتهم وقالو عني لاجئ فلسطيني
ابعد عنا زي ما بنسمع من الناس
بالعكس الكل برحب فيا خليجية وعشت معهم والكل كان بتمنا ادخل بيتو واقعد معو
مصرين عشت معهم ونفس الاشي حتى الاردنية برضو احترموني
كلو هذا من فرض نفسي عليهم
الانسان يفرض نفسو يعني ليه لمن تسمعي حدا بقلك لاجئة ليه ما توقفيه عند حدو
مجرد كلمة بسيطة قوليلو شو افرقت عني وعنك انتا انولدت هون وانا انولدت هون ما في ايدي ارجع لبلدي
قلي شو اعمل مش ذنبي اني لاجئة وتنساش انو احنا الي صنعنا الثورة مش انتو
ساعيتها بنخرس وما الو كلام عندك
وافتخري انك لاجئة وما تحسيها تعيب ولا شي عارفه ليه لانو نحنا الي اعملنا ثورة فعلا

تحيتي الك خيتي واهلا وسهلا فيكي بينا

[قسامي غزة]

يا اختي هاد اشئ ومكتوب علينا
والحمد لله
مالنا غير نصبر ونحتسب