موضوع لمن يسكن خارج موطنه الاصلي

[قمر الخليل]

مرحبا ابو ياسر

انا بشكرك كتير على هادا الموضوع الرائع

وانا باختصار عندي مبدأ الي بطلع من دارو بقل مقدارو وبصراحة والله لو بكرا يحكولي روحي عفلسطين للأبد الا بدون تردد اوافق لانو مين بصحلو يعيش بأرض الانبياء حتى لو كان الظروف صعبة انا ما بهمني المصاري بالعكس انا بهمني بلدي وصدقني انا ما بدي اعيش براها واني بحكي لبابا يا بابا ليش تطلع منها وبابا بحكي اخرتنا رح نرجع للبلد مهما طولنا
وصدقني انا بحسد كل قرايبي وبحسد كل الي هناك لانهم عاشو وتأقلمو مع اليهود ومع الوضع اما انا يمكن اخد فترة طويلة لاتأقلم بس ان شالله راجعة لفلسطين

تحياتي الك اخوي العزيز واعزرني على تأخري بالرد والله ما بدخل عالنت الا قليل

[حنين04]

أنا بصراحه مش مصدقه أخلص دراسه علشان أروح عالضفه بصراحه الواحد بلف وبدور متل بلاده ما بلاقي يعني صحيح الحياه هناك مرمره بس الواحد بكون مرتاح نفسيا اللي بعيش ببلاد تانيه بضل يحس بالغربه لو كان عايش فيها ملك

[قسامي غزة]

المشاركة الأصلية كتبت بواسطة حنين04 أنا بصراحه مش مصدقه أخلص دراسه علشان أروح عالضفه بصراحه الواحد بلف وبدور متل بلاده ما بلاقي يعني صحيح الحياه هناك مرمره بس الواحد بكون مرتاح نفسيا اللي بعيش ببلاد تانيه بضل يحس بالغربه لو كان عايش فيها ملك

انا معك اختي حنيين
ما في شي يعادل حب الوطن
وان شاء الله تخلصي علي خير وترجعي لفلسطين الحبيبة
مشكورة علي مرورك