شاب يتزوج "الثانية" في شهر عسل الأولى

[الواد الامور]

ماشي هذا يا بنتي كان جاي علي الدور في الشيشه وجاي هو والشباب هلقيت اخدنا طريق وهو واهلي دارين عليه يعني ببقاش قاعد في البيت بقعد مع اهلي فهلقيت اخدنا طريق وانا غرفتي فوق
فطلعو الشباب المهم الا هو فات البيت بيقول يا ساتر ما حدا رد زعق صوت وبقول بقول يا ساتر ردو لحسن انزل فيكم ضرب ردت امي وصارت تضحك بتقلو اتفضل هلقيت دخل وقلتلو اطلع فوق وهيني لاحقكم طلع وانا رحت احكي للاهل يعملو الشاي وبحمي بالفحم
فهو كان عامل عميالو بالغرفه مفكفك الكمبيوتر وحاطو في البرنده
وقاعد محترم ولا كانو في اشي
هلقيت جبت الشاي والفحم وطالع اول ما فتت الا هو بقلي وين كمبيوترك هيتو عند المصلح
رحت حطيت الشاي وانزلت اشوف اهلي بقللهم وين الكمبيوتر قالولي هيو فوق فبقللهم مش فوق وصرت ازعق فكان في هالوقت هو مرجع الكمبيوتر طلعت لقيت الكمبيوتر مكانو بقلو شو جابو الكمبيوتر هين فبقلي هو الكمبيوتر انتقل من هين بقلو مش اتو سالتني عنو بقلي مالك يا ابني هيتك مريض انا ما سألت عنو اصلا انا صرت اشك بحالي هيتي بحلم ولا شو
فهلقيت طول الوقت بنشيش فصار يتهبل علي عشان ياخد الشيشه لحالو
اتصل علي الشب الي كان معي من رقم صاحب الو كانت معو الشريحه تعتو رقم خاص وابوه معاه رقم خاص فرد وهو طفى هلقيت الشب فكر ابوه يالي اتصل قال يلا شباب سلام بدي اشوف الوالد شو بدو وراح واحد ظلتني انا وهو
هلقيت صار يقلي ولك رد علي امك بتزعق عليك فصرت اروح واجي اسئلهم في حد بزعق يقولو لاء كل اشوي يقلي هيك وانا اقوم وارجع صرت مثل الاهبل وصرت اشك بحالي
فبعد ما خلص نص الراس بقلي كنت بتهبل عليك وحكالي كل اشي صرت اغلط عليه غلط غير شكل