ادا كنت متخرج او تدرس بالجامعه ادخل وجاوب لا تفوتك؟!

[احلى رورو]

اخواني تعالوا ندردش عن طريق الأجابه عن هده الأسئله ونعرف بعضنا أكثر
اولا مادا تدرس في اي كليه واي تخصص؟
ارخم ماده عندك؟
ارخم دكتور عندك (على مسؤليتكم)؟
اكثر ماده تحبها ؟
اطرف موقف حدث لكم في الجامعه؟
اكثر ماده لصقت فيك ولم تنجح فيها ألا بعد جهد جهيد هدا ادا..؟؟
ما هو مشروع تخرجك (طلبه الحاسب تكلموا والله محتاجتلكم)؟
بجد بجد هل انت متفوق؟
كم مره زوغت من المحاظرات؟
كم سنه دبست بالجامعه 4 5 6 سنين او مالانهايه هههههههه؟
توظفت بعد التخرج ولا تسلم عليك البطاله؟؟

[خيـرَ أُمـة]

عادت احلى رورو وعادت مواضيعها المميزة

انا عشانك بس حجاوب لو غيرك سأل هاد السؤال كان كمان جاوبتو هههه

اولا مادا تدرس في اي كليه واي تخصص؟

خلصت قبل سنة ونص هندسة حاسوب.

ارخم ماده عندك؟

مادة كان اسمها كونترول (تحكم) تابعة لكلية الميكانيك لكن كان لازم اخدها.

ارخم دكتور عندك (على مسؤليتكم)؟

دكتور نفس اللمادة ... كان بحب يبهدل الطلاب وأخوكو ما كان يسكتلو... اخر الأخبار سمعت انو انجلط ابصر مين داعي عليه هههه لكن حاليا هوي بخير الحمد لله.

اكثر ماده تحبها ؟

بشكل عام كنت احب مواد الشبكات والأنظمة الذكية.

اطرف موقف حدث لكم في الجامعه؟

فترة الجامعة مليئة بالمواقف الطريفة ... لكن اطرفها كان معركة حصلت في الجامعة فصل على اثرها 17 طالب وكان سببها الرئيسي صحن بطاطا في الكفتيريا ههههه.

اكثر ماده لصقت فيك ولم تنجح فيها ألا بعد جهد جهيد هدا ادا..؟؟

نفس المادة حملني اياها مرتين ... وبعدين اخذت بديلة.

ما هو مشروع تخرجك (طلبه الحاسب تكلموا والله محتاجتلكم)؟

كان شبكة ربطت فيها اكثر من نظام تشغيل (ويندوز, لينوكس و سولاريز) بالأضافة لبرنامج يخدم مديراء النظم لولا اني بعتو كان اعطيتو هدية لأخونا محمود...

بجد بجد هل انت متفوق؟

لا

كم مره زوغت من المحاظرات؟

اول سنتين كنت مؤدب وملتزم ... لكن من سنة ثالثة بديت اشتغل وبلشت الغيابات ... لكن معظم الدكاترة كانو متعاونين و ما كانو يوخدو حضور وغياب.

كم سنه دبست بالجامعه 4 5 6 سنين او مالانهايه هههههههه؟

الطبيعي 5 سنين لكن الحمد لله اخدتها ب 4 و نص

توظفت بعد التخرج ولا تسلم عليك البطاله؟؟

بديت شغل قبل التخرج وانا بنصح الجميع انو يعمل هيك لأنو بعد ما تتخرجو حيسألوكو عن الخبرة
90% من شغلي قبل التخرج كان تقريبا ببلاش في سبيل الخبرة ... لذلك انا بنصح الجميع يدورو على الخبرة.


اسف على الاطالة

تحياتي

[Twin]

حظك حلو يا رورو لسه مادخلت الجامعه ... بس بعتقد اني هسوي العجب ...

حبيت امسي عليكي بس ... سلملم

[zooro]

صيدلة !وازخم ماده كل المواد وكل الدكاترة واحلى ماده الكيمياء العضوية وكل مواقفي بالجامعه حلوة خاصة مع الطلبة العراقيين لما نبلش بالافتخار بامجاد اجدادنا والعنصرية ومشروع تخرجي دواءمبيد لكل الدكاترة ويريحنا منهم ! ولسه ما في ماده لززقت فينا ! والدراسة 6 سنوات بس شكلها راح تكون مؤبد!!!!!!!!!

[leilafst]

انا ادرس هندسة بيوكيميا سنة 2 ارخم مادة الجيولوجيا ارخم دكتورة الرياضيات واحب مادة الفيزياء انا والحمد لله متفوقة

[alaa_sabbah]

هندسة زراعية يمكن بتعرفو من ردي على الموضوع هاد
http://shababps.com/vb/showthread.php?t=21119&page=3
طبعا هي خمس سنين و انا جبتها باربع سنين
حمل مواد ما في
دكتور الاقتصاد الزراعي كان ثقيل دم و خاصة على البنات و كان يضل يبهدلهم
بس الله يرحمه مات ابصر مين جلطتو
اكتر المواد شبحت فيهم الكيمياء العضوية و الرياضيات العامة و الآلات الزراعية و كنت فيهم الاول على الكورس
اصعب المواد علم الوراثة و الاحياء الدقيقة و مختبراتها و يا حبيبي على التحسين الزراعي دكتورة استرالية و كتب آخر اصدار و كله انجليزي صوت و صورة
مش الاول بس من المتفوقين
معدلي التراكمي 78.5%
اعملت عملة بالجامعة و ما حد بيعرف فيها و يا ويلكو اذا فتنتو بروح فيها
اخذت معي مسجل صغير لتسجيل المحاضرات لمساق الدراسات الفلسطينية و بعد ما خلص الكورس رحت استشير اذا فيها ايشي طلع فيها بلاوي و تجسس و خيانة و تجرجر على المحاكم وورطة غير شكل
بس الله ستر ما انتشر الموضوع و جبت التاني على القاعة بفعل التسجيل
من المواقف اللي صارت معي مممممممممممممممم اه
مرة في وقت فراغ كان في محاضر لقاعة تانية لمختبر الآلات الزراعية و الطلاب بيستنو الدكتور عشان يشغل التراكتور و يروحو على الحقل و يعملو الاعمال الزراعية رحت حاكيلهم شو رايكم اشغل التراكتور بدون مفتاح و انتو ما عليكم الا تدفعوه ، فوافقو و انا اطلعت على التراكتور بدي افرجي حالي للطلاب و عشقت التراكتور و شغلتو و تركتو شغال عندهم لبين ما ييجي الدكتور و يروحو على الحقل بعد اشوي ما شفت و الا الدكتور طالع من الكلية كلها و زعلان و بيسأل مين شغل التراكتور حكيتلو انا و بموافقة طلابك قام الدكتور لغى المحاضرة و روح على بيته هههههههههههههه
و انخرب بيت طلاب القاعة التانية و انا طلعت منها متل الشعرة من العجين لاني وقتها كنت في فراغ و الغريب اني جبت فيها الاول على الكورس ههههههههه
سلام بكفي لهون

[Twin]

ههههههههههههههههههههههههههه مواقفك حلوه وبتضحك ... بس عن جد بيتشرشح الي بسجل محاضره ؟؟؟؟؟؟

[alaa_sabbah]

مش اي محاضرة بيتشرشح اذا سجلها
انا بحكي عن محاضرة الدراسات الفلسطينية عشان بتعرفي احنا احتلال و في جواسيس لاسرائيل و يمكن الدكتور يكون وطني ازيادة في شرحة و يحرض على المقاومة او شيء من النوع او يحكي قصة عن مقاومين و يكتشف اني بسجل بتعلق بيني و بينه و بيتهمني بالجاسوسية و بنطاوش و على المحاكم و بلاوي مستتة على العموم انا اسمعت من الطلاب انو ممنوع التسجيل و سألت دكاترة كليتي كمان حكو ممنوع بس ما حكيت اني سجلت ههههههههه

[leilafst]

اه دكي يااخييييييي

[محمود كلاب]

انا لسا ما دخلت الجامعة بس ادخل الله يفرجها