غبااااااااء فلسطيني

[عاشق الوطن]

ان عالعملية التي قامت بها الجامعة التي تسمي نفسها في الجهاد المقدس

هي دليل اخر على الغباء الذي تقوم به مجوعات لا تعرف مصلحة الوطن ولا المواطن

فقيامها بخطف الصحفيين الامريكيين هل سوف يفيدنا شيئا

ونحن منبوذون من جميع المجتمع الدولي

ولكن لماذا

لاجل هذا الغباء والتصرفات الخاطئه التي لا تنتهي

انظرو الى حزب الله وانظرو الى الشعب اللبناني وليكن لكم قدوة

حزب الله قاتل اسرائيل وقتل الكثير من اليهود وارعبهم ومع ذلك لا زال يحظي بالدعم الدولي

وامريكا رغم دعمها ل اسرائيل لم تستطع ان تمنع المساعدات عن لبنان

وفلسطين منعو عنها المساعدات لاجل حكومة حماس فقط

لماذا كل هذا

فقط من اجل بعض التصرفات التي اعطت ل الفلسطينيين وجها قبيحا في كل العالم

وبدل من ان كل واحد فينا يحاول ان يحسن صورتنا امام العالم

كل واحد يشارك لكي نبقى الاغبياء في العالم

واعذروني على هذا الكلام ولكنه الوقع

والسلام عليكم

[منار إبراهيم]

والله انا موافقه معك اخى وبيكفى كل وسائل الاعلام اللى حتغطي الحدث
واحنا بنعطيهم سبب يقولوا علينا ارهابيين ويضيعوا حقوقنا

[الورده الحمراء]

فعلا تصرفات مخزيه,,فقط تسيء لنا ليس الا...أتمنى من جميع الفلسطينيين ان يساهم بنشر الوعي الدولي لقضيتنا وان نريهم بكبر قضيتنا لا تفاهتها..وكذلك اعقب الصحفيون الامريكيون او الاوروبيون هم عندنا لاخذ الصوره الايجابيه عن معاناتنا ولكن بمثل هذا التصرف نعطيهم صوره وحشيه وغبيه بكل معنى الكلمه,,دامت لفتتك عاشق الوطن واتمنى ان نجد الاذان الصاغيه لهمجيه التصرف هذا..يسلمووو

[.:.!دموع الرحيل!.:.]

أخي عاشق وطن
معلش يمكن يكون هذا التصرف غلط
لكن في كتير غيرو ما مقصرين بإعطاء أجمل صورة عن بلدنا
والمجاهدين والمضحين الي ما بنلاقي متلهم بالكون
لكن بنفس الوقت ... كمان قالوا إرهابيين
الأطفال الي بتخلق الجهاد بدمها وبتقاتل بحجارة والشباب الي ما لاقيه سلاح كمان اتخذت الحجار وسيلة
كلهن هدول بتعرف شو بحكوا عنهم برا؟؟؟
يا سيدي
القصة والغلط مش كلو من الشعب
بس العالم هو الي حاطط عليه
ولو شو ما عمل رح يبقوا ينقصوا من قدرو لأن مش من مصلحتهم يحكوا عنو بالمنيح
وبتقول شوف كيف أمريكا ما قدرت تمنع عن لبنان المعونات .؟؟؟
يا سيدي وضع لبنان بيحتلف جدا جدا عن وضع فلسطين
لا مقارنه بينهم بهاي النقطه .
وبقولك لو صح للفلسطنيين الي صح لحزب الله هون من وسائل
لما كان بقي صهيوني واحد...
لكن شو نحكي على هالعرب الي واقفين يتفرجوا
العرب باعوا فلسطين ...
خلص ما عاد في فلطسين بقاموسهم
والشعب الفلسطيني ما إلو إلا رب العالمين
فلسطين وشعبها صارت كأنها بقعه معزولة عن العالم
عشان هيك احتاروا كيف يدافعوا
يا سيدي فقدوا السبل !!!
انا ما بقولك انو هايدا العمل صح
(خطف الصحفيين ) ولا بأيدو
بس ما هيو كم نائب ووزير صاروا معتقلين؟؟
وين صارت هادي بالعالم؟
حدا اتحرك غير المجاملين الي ما جايينا منهم غير الحكي ؟
يعني العالم بدها يانا ما نغلط ما نتنفس بس شعبنا يمارس عليه أبشع أنواع العذاب والذل
ويضل ساكت


الي حابه اوصلك ياا
انو هالشعب شو ما عمل الصورة الي عمتوصل وعمتنعطى للعالم برا هي هي
ما في شي رح يتغير
ووالله انو هادا الشعب
المناضل الذي يقف وحده في ساحة الميدان ليس معه إلا الله
أراه من وجهة نظري يحق له ما لا يحق لغيره من الشعوب
ولا يلام والغريق بتعلق بقشه
رغم اني لست مؤيده لهذا الفعل
لكني لا القي عليهم اللوم الكامل
لكني بلقي اللوم
على كل العالم الي قاعد بتفرج
وبقولهم انو همي الي خلوهم يوصلوا لهون ،، أجبروهم يتصرفوا هالتصرفات
آسفه اخي طولت عليك
سامحني
ومشكور عالموضوع

[فارس بلا جواد]

والله معك حق هاض اسمو غباء وغلط
مشكور

[خيـرَ أُمـة]

عزيزي عاشق الوطن
صحيح كلامك ان هذا الفعل يسيء لنا ولقضيتنا لكن صدقني امريكا واوروبا لا تحتاج لأسباب كي تتكالب علينا وانما هذه حجج واهية ففي بلادهم هناك عمليات اختطاف ويوميا يقتل في امريكا العشرات من افراد العصابات والمواطنين الأمريكين
اضف الى ذلك ان السياسة الأمريكية هي من حول كل العالم لكره امريكا وخصوصا العالم العربي والاسلامي وليس كل مسلم على صواب او يعبر بطريقة صحيحة عن اعتراضه او معاداته لأمريكا
والكثير اصبح لا يفرق بين امريكا كحكومة وامريكا كشعب بحجة ان هذا الشعب هو الذي اتى بهذه الحكومة وعليه دفع الثمن طبعا هذا مفهوم خاطأ فامريكا كشعب من اجهل الشعوب واغباها وعادتا ما ينجرف وراء اعلامه وواجبنا تجاه ديننا اولا وقضيتنا ثانيا نشر الوعي بينهم وهذا حقهم علينا
اضف الى ذلك انه على مر العصور ومن ايام الخلفاء الراشدين كانو يمنعوا المساس بالمدنين الامنين والنساء والأطفال والشيوغ ولا يقاتلون الا مقاتل هكذا كان يوصيهم ابو بكر وعمر وغيرهم ممن حكمو هذه الأمة وكانوا سببا في رفعتها بهذه الأخلاق الكريمة
حتى عندما دخل النصارى القدس اول مرة قتلو الجميع ولم يرحمو طفلا ولا شيخا ولا امراة قتلو كل من كان في القدس ومع ذلك عندما فتحها صلاح الدين لم يعاملهم بالمثل فهذه اخلاق الأسلام والمسلمين

تحياتي

[عاشق الوطن]

مرحبا اخواني احترامي لكل ردودكم

وبلاخص رد الاخت دموع الرحيل

صدقيني انو كلامك كلو صح وانا معك

ولكن شوفي ازا حتى الفلسطينيين اغلب الي ردو وقفو معي وضد هاي الاشيا

فا كيف رح يكون موقف امريكا واليهود ؟؟

ازا كانو متخلين عنا فا هادا رح يعطيهم دعم اكتر


وازا كانو ناسيينا رح ينسونا اكتر

المشكله ولا واحد في العالم بيقدر يفهم انو احنا مغلوبين على امرنا ومش قادرين نعمل شي

والكل ساكت وبرضو متخلي عنا

وحتى احنا متخليين عن بعض ف لما يجي فصيل جديد ويعمل هيك

وتيجي باقي الفصائل تستنكر وحتى الشعب مش موافق

فهادا اكبر دليل على انا ضايعين

لما خمس سنين واحنا بنندبح كل يوم ع البطيئ

ولما شهر واحد يقلب الدنيا من فوق لتحت ويقلب الحكومات العربية وغيرها من العملاء

احنا بنكون اغبيا

انتي بتقولي امكانيات حزب الله ولبنان موقفه غير

صحيح كلامك

بس في عنا تلتين الشعب الفلسطيني في الخارج ما بعملو ي لبلادهم الا من رحم ربي

وهم قلال

لما تكون الجاليه اللبنانيه بتحرك العالم كله مظاهرات وتاييد وتعاطف

واحنا مش قادرين الا نخطف


فهادا هو اكبر غباء

ومين رح يتضامن معانا هيك ؟؟؟؟؟؟؟

اختي انا بحترم كل كلامك ولكن لازم نعرف نخلي الراي العام يهتم فينا قبل الحككومات

لانه حتى الشعوب تخلت عنا وعن قضيتنا وما عدنا لازم ولا نعتب على العرب وعلى القادة

ولو في ناس بتفهم فينا كان بتغير من الخارج وبتخفف عن الناس الي جوا احسن ما نعمل هيك ونخرب بزياده

بتمنى يكون كلامي وصلك

وبحييكي على ردك وعلى مشاعرك

[خيـرَ أُمـة]

عزيزي عاشق الوطن انت بتدور على الي معك عشان اترد عليه وكان الأولى انك اترد على الي اختلف معك ولو اختلاف بسيط

على العموم في كلامكك الثاني الكثير من المغالطات فقضية فلسطين لا تقارن بما حدث في لبنان وتحاملك على فلسطيني الخارج تحامل ظالم
وهذا سؤال موجه الك مالمطلوب من فلسطيني الخارج؟؟؟؟ ويريت اتجاوبني عليه

اضف الى ذلك شايفك اكثير مهتم بالراي العالمي طيب ليش مهتم اذا كانو بيدورو على اسوأ صورة الك عشان يحطوها فلمذا الاهتمام بهذا الرأي العالمي
لكن احنا بنتكلم من منطلق دينا انه بيمنعنا عن هكذا افعال اما الراي العالمي والله لو فعلت ما فعلت لن يتغير ﻷنهم شعوب تجري وراء اعلامها ولاعلام الغربي معظمه مملوك او مدار بادارة يهودية
فلا تحلم براي عالمي مؤيد لنا ولقضيتنا

تحياتي

[بنت العراق]

مشكور اخي الكريم عالموضوع
وتسمحلي اكول لك انه ماكو بهذا الوكت جهاد يعني نحن اخوانك بالعراق نفس الشي ماكو عدنا جهاد ولا حول ولا قوة الابالله العلي العظيم وشكرا

[عاشق الوطن]

اخي العزيز احمد

اول شي انا ما بدور على الي معي لانو اغلب الردود كانت معي

وبعدين صحيح انو قضية فلسطين ما بتتقارن في قضية لبنان في بعض الاشياء

بس في اشياء تانيه غير

مثلا في جاليات لبنانيه في الخارج وفي جاليات فلسطينيه

ولو سئلتك اديش تاثير الجاليات الفلسطينيه وشو بتعمل لبلدها من الخارج بمقارنة الجاليات اللبنانيه بطلع ولا شي

ونت بتسئل شو ممكن يعملو الي بالخارج ؟؟

ممكن يتفرجو وينسو حتى اصلهم وبلدهم زي ما كتير ناس عاملين

وممكن يعملو من اجل بلدهم من برا هي الجاليات اللبنانيه عملو مظاهرات ليوم المظاهرات

بس ما بينو للعالم انهم ساكتين حتى الصحف الفرنسيه انتقدوها وقعدو قبال مقراتها مشان تغير دعمها ل الكيان الصهيوني في الحرب

وعملو حملات تبرعات وغيره وغيراته كتير

احكيلك شو ممكن نعمل

ممكن نخفف ن بلدنا

ممكن نتبرع لبلدنا

ممكن نوصل للعالم قضيتنا

ممكن كل واحد فينا يكون بذرة تحرير

واحكيلك مثال على الي بحكي فيه

خالد مشعل

رئيس مكتب حماس في دمشق مع انه في الغربه الا انه ضل صوت لفلسطين

ناجي العلي

رسام كاريكاتير وكل العالم بتشهد انو عمل لفلسطين اكتر من كتير ناس جواها

ميس شلش

منشدة فلسطينيه بارعة وكتير ناس صارو يحبو قضية فلسطين من صوتها واناشيدها

وفي غيرهم ولكن مع الاسف الاغلبيه نسيت والاغلبيه مش عامله شي

حتى في ناس نسيو اصلهم وشو بدك احسن من هيك شعب نسي بلده ليش العالم بدها تضحي بعلاقاتها مشانه

يا ريت تكون فهمت شو قصدي

وبعدين لا تقول مش ممكن تنغير الراي العام العالمي


وبرجع وبقول لبنان اكبر دليل

من ول الدنيا لاخر الدنيا مظاهرات وشعرات العرب ما قدرو يرفعوها

فا بتقدر تغير

بس بدك مين يغير

وشكرا الك على الرد