اخر صرعات الانتماء

[حنين04]

لما تكون عايش بره فلسطين بتحن لبلدك رغم مساوؤه هون في عنا ناس كثير (منا وفينا يعني) بحاولوا في الغربه يظهروا الانتماء لكن لما تشوف المعاتيه الي حواليك بتتمنى تبوس تراب ارضك وتعيش طول العمر عليه .
لكن الشي الي ببكي القلب لما تشوف الانتماء بصور بشعه يعني بنت لابسه الخارطه وشابكه ايدها بايد الشب بتصير تخجل تحكي انك انت واياها من نفس الاصل الناس عنا (مش كلهم ) بفكروا الانتماء انك تكون لابس الخارطه وحنظله ولابس الكوفيه وبنسوا انه الشغله مش بهالبساطه الامر اكبر من هيك رح تفكروني يائسه من هالشعب أو اني بستحي باصلي لأ لكن انا بتمنى نكون احسن ناس في العالم
طنش كل الناس وادعس على اكبر راس مش لانك ذهب ولا الماس لانك فلسطيني ترفع الراس

[.:.!دموع الرحيل!.:.]

حنين عزيزتي
المجتمع متنوع والناس أجناس

وانا معكـ تماما بأنو هي او هو رح يعطوا صورة عن اصلهم وانتمائهم
معك حق ،،
فعلا اي واحد فينا بيحافظ على صورة بلدو ولو كان خارجها
اي شغله بدو يقدم عليها
رح يفكر اي صورة رح يقدمها اول شي عن دينو وتاني شي عن بلدو
لأنو فعلا ،، الشخص بمثل بلدو ،،
يا ريت كل الناس تنتبه لهاي النقطه
ولما يعلنوا انتمائمهم فعلا يعرفوا يعطوا الصورة الصحيحه
واقل ما فيها اذا ما كنا قادرين يقدموا شي لفلسطين
يشتغلوا على هاي النقطه
ونحاول نخدم بكل المجالات ،، حتى نصبح مواطنين نليق بهذا الوطن
والكلام لنفسي قبل الجميع
مشكورة حبيبتي عالموضوع
وبحيي غييرتك على مصلحة الوطن
ويا ريت كل الناس تفكر هيك وتنتبه لهاي الشغلات
يعطيكي الف عافيه

[ريما الفلسطينيه]

انا معك بكل يلي بتحكيه
بس فينا نحكي انو اصابع ايدينا مش متل بعضها

يعني في ناس بنقلو صوره صح عن بلدنا و فيناس ما بيعرفوشي عن بلدهم
و كل واحد فينا لازم يعرف كيف يعبر عن بلدو صح

مشكوووره اختي