بعدك صغيره على الحجاب :(

[Banbon]

مرحبا ....

يلا ندخل بالموضوع على طول ....


انا اتحجبت من بكير .... المهم
انا اتحجبت لانه كان عاجبني شكله ...يعني هيك علشان ابين كبيره
(( عارفين في مرحله اسمها الهبل هههه)) ...و ضليت ازن على اهلي انه بدي اتحجب ...و همه ما كانو راضيين ابدا لانه كنت صغيره...بس بعدين بقدرة قادر وافقوا......و يا ريتهم ما وافقو

اول شي كان عادي شي جديد و كانه تسلايه .....بس بعدين قربت اجازة الصيف و اجى موعد السفر و سافرنا على الاردن (( عمان )) ....هلأ انا كل قرايبي و اهلي هناك ...... اكيد همه عايشين و مو سائلين بالاخره ...الامهات محجبات و البنات الله يستر...الله يهديهم ...
.المهم .و شوفو التعليقات البايخه ::
((( ليه هيك خانئين البنت ؟؟؟؟ )))
((( أهلك غصبوكي صح ؟؟؟ ))) ((( يييي بعدك صغيره على شو مستعجله ؟؟؟ )))
((( الله يعينك الدنيا عندكم حر كتيييير ..)))

يعني انا كل ما اسمع هالحكي بينسم بدني .... و مره روحت عالبيت و انا ببكي من كلامهم ...عنجد شي بيقهر

يعني المفروض انهم يشجعوني ...مو يحطمو معنوياتي ...عنجد كرهت شي اسمه حجاب و عملت مظاهرات انه ما بدي اتحجب .... و كل مره ماما تحكيلي متل ما بدك ..لما صرت بدي اطلع قررت انه خلص ما رح البس حجاب و كل مره بس اوصل على باب البيت ..ارجع مره تانيه البس الشيله ...


و هلأ انا الحمد لله بعدني متحجبه ...


هلأ انتو شو رايكم ....بنظرة الناس المتخلفين عن الحجاب ؟؟؟
و ليه بيضلو يقولو (( صغيره )) ؟؟

ما في شي اسمه صغيره على فرض الله .....
و المفروض انه الناس يربو بناتهم على الطاعه ...لانه لو عنجد بيحبو بنتهم لازم يخافو عليها من العذاب بالاخره .....و يعلموها الصح من الغلط ...و الحلال من الحرام ..........

انتو شو رايكم ؟؟؟
بدي شوف ردودوكم

[دلوعة غزة]

انا الصراحة ما بشجع الحجاب وكمان بيد لحجاب بس على حسب رغبت الانسان وما بحب ضغت الاهل على البنت انها تتحجب وا انها ما تتحجب

[Banbon]

أهلا دلوعة غزه .........نورتي ....شكرا على ردك

[لمسة وردة]

انا راي من رايكوا انتوا التنتين
المفروض انوا البنت تلبس الحجاب اذا بدها هي من غير الضغط بس اذا ما بدها و هاي بالغة ياخدوا اهلها معها مبدأ الاقناع و التخويف بعقاب الله وانهم يذكروها بالحسنات لانها ارضت ربها ما في شي احسن من رضا الله
المهم ان بهديكي تحية كبيرة من كل قلبي على موقفك الشجاع وانك ارضيتي الله و ما سمعتي للناس لانوا الناس وكلامهم مش هيدخلوكي الجنة العمل بامر الله هو الي هيدخلك
و لا تتركي حجابك
تحياتي الك لمسة وردة

[نسيم الشام]

انا كتير سعيدة بنبون لانك ما رديتي حبيبتي

الله يوفقك ويبارك فيكي ،، متى فرض عليها لازم تلبس

[مغرمة فلسطين]

الله يهدي الجميع
والله يثبتك اكتر و اكتر
و حكي الناس لازم ما حدا يسمعوا و نمشي على اللي أمرنا الله نسويه و رضى الله احسن من انو نرضي الناس و نعمل اللي بدهم اياه
والله يثبت الجميع و الله يهدي الجميع
و يسلموووووووووووووو

[اسلام]

بسم الله الرحمن الرحيم
السلام عليكم
اختي في الله جزاك ربي خيرا ....
وربنا يثبتك على طريق الايمان
انا برأي انو الفتاة المسلمة يجب ان تكون الفتاة مقتنعه من داخلها بضرورة ارتداء الحجاب
ليس لان شكله جميل وساتر بل لانه فرض من الله عز وجل وعلى الاهل زرع حب الدين
والتقيد بتعليمات الدين في نفوس ابنائهم وبناتهم منذ الصغر حتى تطلب الفتاة بنفسها ارتداء
الحجاب حتى قبل وصولها للسن التي تحاسب فيها على ارتداءه
ملاحظة:اذا لم تقتنع الفتاة بارتداء الحجاب علينا ان نحاول بشتى الطرق بتحبيبها فيه وتذكيرها بالله دوما وانه فرض من عنده ...
وبالنهاية الحجاب فرض علينا وعلينا ان نلتزم بأوامر الله تعالى ....
والحمد لله على نعمة الحجاب وعلى كوننا مسلمين
والسلام عليكم.

[~ | Mazaj]

الحمد لله .. انا كمان تحجبت وانا صغيرة بالعمر .. بس والله انبسطت :)

يسلمــــــــو اختي بانبون ع المبادرة الحلووة منــك .. واكيد ما في حدا صغير ع طاعة ربنــا ^^

[Banbon]

أهلا بالصبايا الحلوات........نورتوا ...و شكرا كتييييييييييييييييييير على الردود