احلا نابلس واحلا تبرعات واحلا متبرعين...بس جاوبو بصراحه

[-|| تقى ||-]

اليوم كان عالدوار(دوار الشهداء)حمله لجمع التبرعات للسلطه للموظفين بالتحديد ....كان الله بعون كل رجال وست بيشتغلوا ...اكيد المعظم شاف الوضه عالجزيره كان المنظر شي روعه خصوصا المبالغ والله اني صار عندي امل شوي ...لسا في خير بالناس .
الصراحه انا ما كان معي الا سبعين شيكل عم اجمع فيهم من زمان عشان ..بتعرفو خرابيش البنات ...المهم
كنت الصراحه شحاده وما كنت رح اتنازل بشيكل لو يعني اجتلي الفرصه.
بس انتو شو كان عملتو للسلطه والشعب الفلسطيني
ملاحظه:وانا كنت بشوف التتلفيزيون وعم اسمه كتير اتدايقت من اهل الخليج خصوصا الامارات وقطر والشله اللي هنال يعني المصاري مستفه على قلوبهم شو بيصير عليهم؟
هلا ...لو كان معك مبلغ من المال بكم رح تتبرع *10% *50% *70% *100%
يمكن الموضوع مش مترابط اعذروني بس هاد من اللي كنت حاسه فيه

[anos]

ههههههههههههه صحيح والله اليوم كنا بنجنن

لو كنت هناك كان بتبرع باللي معي بس بترك اجرة التكسي >> بدي اعرف ارجع على البيت

ويسلموووووووووووو خيتي

على فكرو اول مرة بعرف انك بنت >> مش بمكانها بعرف

[nashow2007]

الله اعلم بجد موقف محرج

لانو الواحد ما بيعرف حقيقة بكام بدو يتبرع بس الل بيعرفوا انو اكيد ما كان حيفوت الفرصة وانو يكسب اجر ثبات وصمود الحكومة

الله يقدرك على اللخير

بس لو انا باحكيلك اني راح اتبرع بالمبلغ كلو

بس لو كنت فعلا في الموقف الله اعلم

[رفعت]

والله الدنيا فيها خير كثير

انا بعرف ناس كثير اعطت اراضيها وجوالاتها وذهبها للحكومة

الحقيقة موقف كثير مؤثر

ونحنا ما بنبتغي الثواب من الناس اكيد لو كنت انا كنت رح اتبرع باللي معي

لانه كثير ناس تبرعت بارواحهم ودمائهم واحنا مش احسن منهم

[-|| تقى ||-]

يسلمو عالمرور ويا استاذ انوس والله منيح اللي كتبت هالموضوع عشان تعرف اني بنت
وبالنهايه طلعت لحالي الشحاده عشا هيك رح احوش لايصيرو 100 وبعدين بتبرع فيهم
اهلا بالكل

[عاشق الحور]

المشاركة الأصلية كتبت بواسطة nashow2007 الله اعلم بجد موقف محرج

لانو الواحد ما بيعرف حقيقة بكام بدو يتبرع بس الل بيعرفوا انو اكيد ما كان حيفوت الفرصة وانو يكسب اجر ثبات وصمود الحكومة

الله يقدرك على اللخير

بس لو انا باحكيلك اني راح اتبرع بالمبلغ كلو

بس لو كنت فعلا في الموقف الله اعلم

100%

[alaa_sabbah]

رينوكسي بنت!!!!!!
التبرعات مش رايحة لحدى تاني
لانو الموظفين منا و فينا
و لو انا كنت موجود بتبرع ب 80% من يلي بجيبتي
و الله يصبرنا على هيك ظروف
و الفرج قريب باذن الله

[Abu Shadi]

علي فكره هلقيت كل شخص فيكم حط مبلغ
نشأت عمل نفسو بطل مثل عادتو وقال 100% شو انسيت نفسك طيب منتا قول مسؤل شركة ولو كنت مسؤال شركه واتبرعت بالمبلغه كلو من وين بدك تجيب فلوس لتخلي الشركة تكمل شغل مستحيل اصلا شركة تشتغل من غير فلوس
ماشي هذا عن نشأت
اما عن حكاية علاء يا علاء افرض انتا بردو مسؤل شركه وبتشتري بضاعه وبتاجر فيها وهلقيت انتا اتبرعت ب 80% من دخلك هلقيت لو انتا حسبتها انتا بتكون متبرع بحق البضاعه مو بالربح الي بتجيبو من البضاعه هيك انتا بتكسر نفسك وبتضيع حالك طيب قلنا اتبرع لكن مش بالعبط وتنسا نفسك
لا ترمو انفسكم الي التهلكة

انا لو كان معي مبلغ فأكيد حتبرع 20% من دخلي مش بخل ولكن احسبها صح لو انا اتبعرت 20% والباقي اشريت بضاعه وصرفت علي نفسي حتظل الشركة شغاله وطالما الشركة شغاله حظلني اتبرع وهيك اانا بكون ظمنت نفسي وظمنت غيري لمن كل ما يجيني دخل اتبرع في 20% بكون هيك اانا حرصت علي اني اداوم في التبرع
فشو رايكم اكيد قلتو عني بخيل لكن مش بخيل لكن بعرف احسبها صح

[alaa_sabbah]

هههههههههههههههههههههههه
ههههههههههههههههههههه
ولك مش هيك يا ابن فلسطين
انت قرأت الموضوع بالاول
انا بقصد 80% يلي بجيبتي عشان اقدر اروح بالباقي و اشتري الشغلة يلي انا محتاجها
يعني افرض معي 100 بجيبتي بتبرع ب 80 و الباقي للترويحة
افهمتني خيو
بعدين الموظفين منا و فينا
التبرع لناس مضمونين احسن من انك تتبرع لواحد بلف على البيوت و بحكيلك بدي خمس شيكل تبرع لجمعية او ابصر شو هاد اذا كان صادق مع العلم انو النصابين و المتسولين اكتار هالايام
شكرا ملاحظتك

[aBo SaLeeM]

لسه الدنيا بخير