مع عودة كرسي الاعتراف .......نستضيف المدير العام محمود

[alaa_sabbah]

السلام عليكم و رحمة الله و بركاته
اسف جدا لتاخري بالمشراكة
بصراحة من اول احداث لبنان انشغلت مرة على الاخبار و مرة بالبناء
ما عندي وقت اتفضى للنت اعذروني
و تحية للاخ محمود و طارح الموضوع و الاعضاء
بصراحة انا الموضوع ما عجبني اكتير و ما تزعل يا جولد
اشوي الموضوع شخصي و في امور شخصية و اسئلة حساسة و محرجة
بالاضافة كون النت وسيلة اتصال مش مضمونة
و مش ممكن او مستحيل الواحد يبني شيء من خلال النت بالنسبة للتعارف اوو المعارف او الصداقة
لانو الواحد بيتعامل مع جهاز مش مع انسان بعظم و لحم
عشان هيك انا اكتير بتحفظ عن امور و ما بحب احكيها
بتعرفو الوضع حساس و الامنيات بتعرف
على العموم كل انسان و يلي بريحو
بالنسبة الي النت مش مضمون
و اول سؤال موجه لمحمود هو
هل حصل و ان تقابلت مع احد اعضاء المنتدى شخصيا على ارض الواقع؟
ان حصل
فهنيئا لمن قابلك و عرفك و اطمأن و ازداد ثقة بك
و بالنسبة لي النت مش مضمون
يعني مش ممكن اثق باي انسان اعرفتو على الانترنت
وضعنا حساس
هلا يا محمود يمكن انا مش علاء
او يمكن انا بنت
ما بتعرف صح
او يمكن انا يهودي او اسرائيلي و دخلت هون اتعرف على نواياكم و خططكم و غيره من امور امنية
بضل النت مش مضمون
سؤال تاني الك
انت من غزة صح
ما بظن منهاجكم الدراسي غير عن الضفة
كيف صممت موقع و انت ابن 14؟
الك اخوة اكبر منك تخصص تصميم مواقع
ولا انت لحالك اتعلمت من مراكز و دورات
ولا اشتركت بالاول بمنتدى و اتعلمت من خلاله ( من الانترنت)
انت بتلبس نظارة؟
كم جبت بالتوجيهي؟
بدك الصراحة النت بدو حد يكون فاضيله
انا لما كان عمري 14 كنت مش ملحق دراسة و شغل بالباطون و حتى اذا ما في شغل ابن 14 ما عندو طولة بال للكمبيوتر
برجع و بعيد النت مش مضمون
بتعرف شغلة انا لازم انشرها هون
انا اول ما اشتركت بالمنتدى ايميلاتي سكرو و الكمبيوتر صار مش الي لوحدي و كانو في شركاء
طبعا هاد الشغلة ما حدا بيحس فيها الا اذا كان الحاسوب شخصي لفرد واحد
شو تعليقك على انه مستخدمي الانترنت عالم آخر بيختلف عن عالم الواقع و الشارع
محمود انت متاكد انك رح تستمر بالمنتدى و تضل مدير و متابع المنتدى و تفتح الانترنت ما دمت حي؟
اذا مش متاكد كم سنة بتتوقع اتضل بالمنتدى او تهتم بالانترنت و الكمبيوتر
يعني مثلا اتخيل عمرك 25 او 28 او 30 او 33 وين بتكون بهاد الفترة و مع مين ان دمت حيا ان شاء الله
بكفي أسئلة لهون