يا معقدة ||

[رانيا2010]

السلام عليكم و رحمة الله تعالى و بركاته

بتفق معك اخي انو هدول البنات يلي اختاروا انو يكون جمالهن و جسمهن السفراء الخاصين بيهم ليحققو كل شي فالحياة والله مخدوعات و فكل المجتمعات العربية و الاسلامية بيحكو من ورا المتبرجة كلام لو سمعتوا لحتقرت نفسها طول حياتها

انا شخصيا بشوف صديقاتي بيشجعو بعض ع التعري و ع الحرام لكن ما بحب ادخل لانو لو نصحتهن بشكل منيح او لا يعتبروني معقدة او غيرانة منهم فبعتمد على اضعف الايمان هو رفضي للمنكر بقلبي

لكن انا ضدك شوي انو المحجبة لازم لا تلبس ع الموضة و لا تزين نفسها و لا تحط اكسسوارات هيك عن جد بتكون معقدة لانو بالنهاية اي انثى محجبة او غير محجبة مسلمة و على ديانة اخرى تحب تكون نفسها جميلة مش لتلفت رجال انما كثقة في النفس يعني مثلا انا محجبة لكن بحط مانيكير و اكسسوارات و فالمناسبات ماكياج خفيف لكن ضد التياب يلي بترسم الجسم رسم

و كلمة الحق تقال الاسلام دين معاملات اكثر مو دين طرحة و اهم شي الاخلاق و النوايا

جزاك الله خيرا و موضوعك محفز فعلا على الاستعلاء على فتن عصرنا