مطرود بشرف

[بو هبه]

اسف اختي فلسطينيه ع التأخير


بس يافاوي الي حاطوا



وشكرا على رأيك الي عجبني



وانا والله اني كنت ناوي اسجل هون من زمان بس اجت الظرف الي خلاني اسجل بالوقت




وانا ما قصدت اني ارجع ولا افتح مواضيع قديمه


والي فهمني غلظ بكره بغير رئيوو فيني انشاء الله


لأني مش جاي اسوي مشاكل



ولا انا بالنص مش عاف وين اروح


وبعدين انا ماشفت من اسير غير كل خير


يا اخ محمود انا مش مستني عضو ولا مشرف ولا اداري يحكيلي الحكي هاد انا عارف ليش انا هون



وعارف موضوع التوقيع الي انتا صممته


وبحترم رأيك طبعا اذا كان نقد مش حقد

ويا زلمي بلكي اسير تاب بتروح تعمل هيك


ياسيدي الله بيغفرلو ويغفرلنا جميعا


واسف اذا سبب ازعاج لأحد

ويمكن الي عملتوا كان غلط

بس قدر الله وماشاء فعل


ويعطيكم الف عافيه

[anos]

انا شفت كل ادارة او بالاحرى اعضاء منتدى اقصانا الجريح سجلوا هووون على كل يا اهلا وسهلا فيكم ومنوين المنتدى والله

بالنسبة لحكيكم ادا بتعرفوا وانا اسلفت برد سابق انو اسير كان اكتر من اخ في هاد المنتدى قبل ما تصير المشاكل وكان الكل يحترمه متل هلأ بمنتداكم الكل بيحترمه ومش شايفيين منه اي شي
انا حابب احكيلكم انو انكشفت حقيقته بالمنتدى هاد قبل ما تنكشف بمنتداكم

وانا معكم ما شفتوا منه الا كل خير واحنا كمان اول ما شاارك ما شفنا منه الا كل خير بعد هيك بلش يبان على حقيقته

على كل الايام بتثبتلكوا من هو اسير

ويا اهلا وسهلا فيكو مرة تااااااانية

[ابن الانتفاضة]

مرحبا شباب
للاعضاء الجدد ، انا بيعرفني اسير كتير منيح باسم " جيفارا" بتقدرو تسالو اسير ، وبتقدرو تسالو الاعضاء اللي هون عن نوع العلاقة اللي كانت بيني وبينو ، اسير كان الي مش اخ والله يمكن اكتر ، خصوصا انو ابن مخيمي " وللاسف الشديد ، بدي احكي كلمتين صغار ، اول شي اهلا وسهلا فيكم بالمنتدى ، كنت حابب اشوف مواضيعكم بغير هاي الصفحة لكن النصيب .
اول شي اخ يافاوي كلامك مردود عليك ، قبل لتدافع عن حد وتعمل محامي اعرف عن مين بدافع ، بو هبة كلامك في منو وعجبني لكن برضو اتاكد من اسير منيح وتكونش ضحية من الضحايا الكتيرة ، وفلسطينية هيها هون ، وهي بتعرف كتير اشيا خصوصا عني وشو كان يحكيلها اسير ، بس برضو مش رح ارجع افتح الصفحات .
وبغض النظر سواء اللي ضاف الموضوع هون اسير او غير اسير ، ما بتفرق لانو بكل الاوجه اسير انسان تافه وسيء جدا ، اصلا ما بيليق فيه كلمة انو انسان ، لاني بحياتي كلها ما شفت هيك انسان ما عندو ذمة ولا ضمير ، اذا انا وهوي انا ، اللي كنت متل اخوه وكل المنتدى كان يعرف انو جيفارا واسير تنين اخوة ، عمل معي مليون فيلم وحاول يشوه سمعتي مع كتير ناس هم موجودين وفي رسائل خاصة موجودة كمان ومحادثات لاسير مع بعض الاشخاص موجودة بتثبت هاي الاشيا ، بعدين يعني والله ما عارف شو احكي بس والله والله والله تلات مرات اسير انسان اقل من انو اذكر اسمو على لساني ، بعدين انسونا من قصة اسمو : ال شو اسير حب فلسطين ، هاد اصلا تشويه لصورة فلسطين مع الناس اللي بيضحك عليهم اسير وبيكونو ضحايا الو ،
حبايبنا شباب منتدى اقصانا الجريح ، انت بنفس المنتدى عندكم في اكتر من شخص كان ضحية ، وطبعا الاغلب بنات ، مش رح اذكر اسماء هون ، عشان السمعة ، وانا متاكد راجعو صفحات منتداكم بتلاقو كتير اشيا ، بعد هيك تعالو هون ودافعو عن اسير ، والله كتير بيزعلني شباب متلكم فيهم الخير ووالاد اصل ، بيدافعو عن واحد متل هيك ، فعلا خسارة كتير انكو تضيعو وقتكم على هيك انسان .
يافاوي وغيرو واللي قال ناس حاقدين ، بدي اقولك اشي ، اه انا من الناس اللي حاقدة وكتير على اسير ، وقسما بالله العظيم اذا وقع بين ايدي لاخلي الله ما خلقه ،لانو انسان متل هيك خسارة فيه العيشة ، وعاملي فيها شاعر فلسطيني ، ومطارد ومبعد للاردن ، وبعد ما سالت عنو بالمخيم عنا ، لا مطارد ولا بطيخ الشام ولا مبعد ولا الو بالدنيا ولا حماس حتى ، لانو اصلا مجهول هون وكاين ولد صغير ايام ما كان ساكن بالمخيم ، عشان هيك ما حد قدر يتعرف عليه ، بس برضو عنوانو معي بعمان وبقدر اوصلو كتير منيح .
واذا انتو مشيت عليكم الاعيب اسير ، فنحنا هون ما مشيت وقفنا وانطرد ...::::: اااانطررررررررررررد ....::::::: من هون وعمرو ما رح يرجع وانا مني وعلي رح اضل وراه باي منتدى بشوفو بدي احكي اللي بعرفو عنو عشان احمي البنات والشباب من هيك انسان تافه ، بعدين يا حبايبي روحو على منتدى اقصانا الجريح وغيرو وشوفو كم قصيدة سارقهم اسير وكاتبهم بامو ، واخي محمود قد الروابط وكل الادلة لكن للاسف لم تاخذوها بعين الاعتبار ، فهل هذه حقوق للطبع ؟؟؟؟!!!!
يعطيك العافية غلبتكم معي
سلام

[بو هبه]

معلم انا شفت كل شيء حاطه اخ محمود من روابط وغيرها ومش لازم ابين اني اخدتها بعين الاعتبار


وبعدين انا سبق وقلت انا هون مش عشان ادافع عن اسير بس هون عشان(بدها تتحرر)


يا معلم والله انو انا شيء تاني اسأل الي بعرفوني


وانا هون مش للمشاكل ومقدر موقفكم


بس ما برضيني اولاد بلدي يعملوا هيك



والله انكم كلكم على راسي


وما تفهموني غلط



ويعطيكم العافيه يا شباب

[نسرينا الفلسطينيه]

أنا مش رح اتكلم كتير

اخت فلسطينيه حابه اتسامحي سامحي لحالك

ما في داعي لكلام فاضي ..تعملو فيها انو احنا وحوش وظالمين وهاجمين عليه

انا ما بحب هالاسلوب..أسلوب التحازن اسلوب ضعيف الي ابتستخدموه معنا ..

صار الموضوع والمشكله الي هوي بداها و التبلي الي جاي اتبلاه علينا...

قلبتوه مسامحه ..شو هالكلام الي مش منطقي

وبتنمى اخ يافاوي واخ بو هبه ..تتعرفو على اسير منيح

لانو احنا كنا يوم من الايام متلكم..مخدوعين وعايشين معو على اساس انو اخ

محترم وبطل من ابطال فلسطين(ما فشر طبعا)..وطلع بالاخر فشنك كبير كمان

راجعو حالكم مليون مره قبل ما تضيعو وقتكم ودافعو عن انسان متل هيك!!!!!!!


سلام

اختكم::نسرينا الفلسطينيه

[بو هبه]

اختي انا اكتر من مره انا بوهبه وهو يافاوي كلن الو اسلوب


وانا داخل وجايبها على بر والله


وما بدي تسامحوا انتم احرار


وانا هون بس بدي افهم اشياء معينه


وانشاء الله خير اختي


ويعطيكي الف عافيه اختي

[ayman]

يا جماعة والله انا زي الاطرش في الزفة ما انا فاهم شي .

[anos]

اخي شو هي الاشيا اللي بدك تفهما والموضوع كله واااضح قدامك

ما كفاك الروابط والفيديو والمحادثة اللي في ردود محمود

[بو هبه]

أخي ayman
والله لو فهمت لتهره حالك مش عترف انتا مع مين



والله يبعد عنك المشاكل اخي


واحترامي الك


والله يعطيك الف عافيه

[بو هبه]

اخي انس انا ما طلبت حدن يفهمني


ما بدي اغلبكم

مع الوقت بفهم


والله يعطيك الف عافيه