إزاى تعرف المصرى ؟؟ ^^

[حسام المصرى]

ازاى تعــرف المصـــرى من بين 1000 واحـــد .. !!؟؟

.
.
.
... .
.

- لو سألت سواق تاكس على عنوان وبدل ما يدلك قالك امشي ورايا .. يبقى مصري.
وعلى فكرة ساعات بيغير اتجاهه عشان عنده رغبة صادقة يوصلك وخايف تتوه

- لو صليت في مكان وبعد الصلاة اللي جنبك مد ايده وقالك تقبل الله.. يبقى مصري

- إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري ...

- لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري

- لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا

- لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات

-و لما عربية تعمل حادثة فى الطريق الصحراوى أو الزراعى , و فى ثوانى تقف
لها خمسين عربية ينقذوا المصابين و يعدلوا العربيات و لو اضطروا يشيلوهم من
على الأرض .. هم دول المصريين

- لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر

- لما تلاقي سيدة في الرايحة والجاية عمالة تدعي لأولادها وتخلى الدنيا
تدعيلهم... تبقى دي أم مصرية وطموحاتها وأحلامها الشخصية فى الحياة إن
ولادها يبقوا مبسوطين

- لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام رافعها لراسه قبل مايحطها جنب
الرصيف... يبقى ده مصرى.

- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

-لو اديت لواحد فلوس وبدأ يعدها بصوت عالي وبدأ بقوله الله واحد .. ومع
الورقة الثانية : مالوش تاني، ومع الورقة الثالثة: العدد ثلاثة .. يبقي
أكيد مصري ابن مصري

- لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

- لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة

-. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية

- لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصريين مصريين

- لما تلاقى اننا شايلين اكياس من جميع الاشكال والالوان تحت المرتبه نبقى مصريين

- ولما تلاقى شعب فى اكبر ازمه بيمر بيها ... مابينساش يضحك ويطلع افيهاااات
ويضحك اللى حواليه وكل العالم يتكلم عليه وعلى خفته
يبقى انت اكيد تقصد ... شعب مصر....

فجر السعوديه ,اسراء عشقي مصر وفلسطين ,الطالبة المتميزة و 1 آخرون معجبون بهذا

RaNa <3

[RaNa <3]

ع رآآسي والله ..
أطيب نـآآس :)

~
يسـلمو حسـآآم :)

[الطالبة المتميزة]

ولما تلاقى شعب فى اكبر ازمه بيمر بيها ... مابينساش يضحك ويطلع افيهاااات
ويضحك اللى حواليه وكل العالم يتكلم عليه وعلى خفته
يبقى انت اكيد تقصد ... شعب مصر....




و الله و النعم من أهل مصر

عوافي

[حسام المصرى]

المشاركة الأصلية كتبت بواسطة RaNa <3 ع رآآسي والله ..
أطيب نـآآس :)

~
يسـلمو حسـآآم :)

تسلمى رنا على المرور ..

عراسى من غير كراسى

RaNa &lt;3 معجب بهذا

[اسراء ..~]

تسلم اخي حسام حلو جدا الموضوع
كل اللي قالتوا تمام
سبحان الله موجود عند كل المصريين

[فجر السعوديه]

هههه الله يخيلكم يالمصريين وربي انكم شعب وناسه ومافيش اطيب منكم
المصري سبحان الله فيه ميزه لما تجلس معاه تنسى هموم الدنيا تاخذك
السواليف معاه ..سبحان الله شعب دائما متفائل .الله يديمكم
شكرا اخي حسام . ربي يرعاك

[حسام المصرى]

المشاركة الأصلية كتبت بواسطة الطالبة المتميزة ولما تلاقى شعب فى اكبر ازمه بيمر بيها ... مابينساش يضحك ويطلع افيهاااات
ويضحك اللى حواليه وكل العالم يتكلم عليه وعلى خفته
يبقى انت اكيد تقصد ... شعب مصر....




و الله و النعم من أهل مصر

عوافي

ربنا يكرمك ..

[حسام المصرى]

المشاركة الأصلية كتبت بواسطة فجر السعوديه هههه الله يخيلكم يالمصريين وربي انكم شعب وناسه ومافيش اطيب منكم
المصري سبحان الله فيه ميزه لما تجلس معاه تنسى هموم الدنيا تاخذك
السواليف معاه ..سبحان الله شعب دائما متفائل .الله يديمكم
شكرا اخي حسام . ربي يرعاك

السواليف ؟؟

شو يعنى

الحكاوى

ههههههههه

احنا فعلا كده .. والكلام معانا حلو وفيه حب تحس ان فيه عشرة لو بتكلم حد متعرفوش أساسا

[فجر السعوديه]

المشاركة الأصلية كتبت بواسطة حسام المصرى


السواليف ؟؟

شو يعنى

الحكاوى

ههههههههه

احنا فعلا كده .. والكلام معانا حلو وفيه حب تحس ان فيه عشرة لو بتكلم حد متعرفوش أساسا

هههه ايه السواليف هي الحكاوي
ماشاء الله تتكلموا كثير ..مره جيت لعندكم بمصر
والله كأني يالسعوديه مش غريبه
نتكلم مع الي حتى مايعرفوهم
ربي يسعدكم

[حسام المصرى]

المشاركة الأصلية كتبت بواسطة فجر السعوديه هههه ايه السواليف هي الحكاوي
ماشاء الله تتكلموا كثير ..مره جيت لعندكم بمصر
والله كأني يالسعوديه مش غريبه
نتكلم مع الي حتى مايعرفوهم
ربي يسعدكم

احنا ناس اجتماعيين جدا ..

مش غريبة علينا ..

لو ركبتى وسيلة مواصلات ممكن تلاقى الناس بتفتح موضوع وكلها تعد تتناقش فيه ..

وفى المظاهرات والثورة كان الناس كأنهم اهل ..


بصراحة الواحد بمصر بيحس أنه وسط اهله ..

فيها حاجة حلوة .. رغم كل شئ سلبى ..

ما أتصور أنه ممكن يكون هناك شخصية قريبة من المصرية .. الا يمكن الفلسطينينة بالذات أهل غزة .. بيحبوا النكت والمزاح كتير جدا