.،|[ زَفـــرَآتْ يَــوميّــةْ ]|،.

[Hlaa Alrouh]

هادا اليوم غررريب ولاشى ظابط من أول ما صحيت من النوم
قلت اروح عالجامعة معنو تعبانة كتييير بس بما انو ما بدرس بالبيت قلت بستفيد شى من المحاضرات
تاخرت شوى وانا بلبس
نسيت جوالى رجعت تانى
طبعا مواصلات حدث ولا حرج ساعة علشان اركب
وساعة وانا بشاور بحالى اكمل واروح ولا ارجع عالبيت لانه كنت دايخة كتير هالصداع دبحنى
وبس ركبت طبعا بدى ساعة لاوصل الجامعة ولما وصلت بيحكولى تعليق ما فى جامعة

بس عرفت حسيت حالى بدى اموت من القهر يعنى لا ضليت بالبيت ارتاح ولا استفدت شى من الروحة
والى بيقهر اكتر انه لسه واصلة الجامعة بدى ارجع تانى اضل ساعة بالسيارة لاروح

وكتير شغلات كانت ملخبطة هاليوم
كله كوم والزكام والسخونة واللوز والصداع والكحة بس يجوا مرة وحدة الى اسبوع على هالحال وما خفيت

يااارب