« دموع الغربة وأشواق العودة » ضـيـف { لَـيالِي شـبابُ فـلسطِيـن و ثـرثـرةٌ حُـرة ~

[دموع الغربة واشواق العودة]

بــآك :p
هـــلآ بأحلى بـآكْ ^^

كيف يومك اليوم ؟ احكينا تفاصيل :p

آهـ اليوم ..عملولنـآ إختبـآر قُدُرات عـآمةِ تجريبي بالمدرسةِ ..تخيَّلي من السـآعةِ تمـآنيةِ للسـآعِةِ 11 ..وإحنـآ بنختبر ..في ميةِ وخمسين سؤآل ..هههههههـ طلعت وأنـآ خـلآص دايخةِ ع الآخر ْ ..
بس كـآن يوم مُسلي ..مـآ أخدنـآ ولا حصَّة ..وعمومـآً أنـآ بالمدرسةِ وبين صديقـآتي ..بنجن بنهبل..
جد مـآ بتعرفيني ..بسير أخبص ..وبفوت يمين ع شمـآل ..وبضحك وبمزح ..وههههـ ..
بس برضوآ النـآس بتحسني عصبيةِ وجديةِ ^^

صحباتك بالمدرسة مين ، هاتي نبذة عن كل وحدة :p

عندي أمونْ ..
وعندي تقريبـآً 11 صديقةِ ..وكلهم قـرآب ع قلبي ..مـآبتخيَّـل حـآلي بدونهم ..ونفسي هالمدرسةِ
مـآ تنتهي عشـآن أضل جمبهم ..خصوصـآً إنو إحنـآ من بلدآن مُختلفةِ ..فبنتعلَّم من بعض كتير ..
وبنكتسب ثقـآفـآت لـ دول مُخلتفةِ ..وكمـآن علَّمتني هالصدآقة ..إنو أحترم رأي النـآس ..لإنو غـآلباً إحنـآ مـآبنتفق
في كل الأمور ..فتعلَّمت كيف أخـآلف بني آدم في وجهة نظرو ..وأحبو بنفس الوقت ..علَّمتني كيف أتعـآمل مع أصنـآف النـآس المُختلفةِ ..بـ كـآفةِ الشخصيـآت ..كتير صرت مُنفتحةَ ..وبصرآحه حبيتهم بكل سلبياتهم وإيجابياتهم ..وكل أخـطآئهم وعيوبهم ..وأتوقع رح أضل ع وصـآل معهم لـ آخر العمر
بس أمون فتَّحت عيوني ع العـآلم ..أمون غير .. أنـآ وياهـآ سوآ ع طول ..حتَّى خلص إتفقنـآ رح أجوز بنتي لإبنهـآ ..^^
مشاغبة بالمدرسة ؟ عمرك كتبتي تعهد ولا تعاقبتي من ابلتك ؟ تفاصيييل كمااان :PPP

أنـآ مجنونةِ ..بس بحدود ..يعني بصرآحة بيحكولي إني جريئة ..وبرد ع المعلمـآت ..بس في الحق ..
يعني في الترم الي فـآت ..في معلمةِ حطت سؤال في الإختبار وهالسؤال كـآنت تركيبتوآ غلط ..رحنـآ وعصبنـآ
وأنـآ عليت صوتي عليهـآ ..وصرخت ..واشتكيت ..وهي أنكرت ..والمشكلةِ إنو غلط وآضح ..ورآح علي درجةِ في الكيميا ..مش الغلط إنو تغلط ..الغلط إنو تنكر هالغلط ..بس مـآ سـآولي إشي ..^^
يعني بنجن وبنـآقش ..بس بالحق ..ومـآبعمل شيطنةِ

اممممم

رايك بـ صداقة النت ؟
زي الصدآقةِ الوآقعيةِ ..نوعـآً مـآً ..بجد في إلي صدآقـآت ..مابتوقع تزول أبدآً ..
ورحْ نضلنـآ ع وِصـآل للأبدْ ^^

بتحضري arab idol xDDD ؟
لا ^^

الفيس بوك، كيفك معو ، لازم تفوتيه كل يوم ؟ و بتحسيه مفيد ولا كلو تضيع وئت ،،
كنت خـآملةِ أوَّل مـآ سجَّلت ..كنت أحسو مضيعةِ وقت ..لكن الآن ..سرت نشيطةِ كتير ..
يعني بحس مكـآن تـآني للنِّقـآشْ ..وسرت ألتقي بـ مُعلمـآتي ^^ ..وأتنـآقش معهم ..وآخد آرآئهم ..
حلقةِ وصل ..بيني وبين صديقـآتي ومعلمـآتي ..

اكتر حدا ئريب منك ؟
أمممـ ربِّي هوآ أعلَــــــمْ بحـآلي ^^

برآيك مين ائرب للبنت/الشب الصآحب ولآ الاخ/الاخت ،
كـُل إنسـآنْ بيختـآر أصدقـآئو ..وبيختـآر الأحب والأقربْ ..وكل إنسـآن بيلبقلوآ إشي ..
ع حسَب توآفُق الشخصيـآتْ ..ووجود الأخ والصـآحب في الحيـآة مهم بنفس الدرجةِ أنـآ بشوف ..
ومـآ بحس إنو في فرق ..الأخ بيسير صـآحب ..والصـآحب بيسير أخْ ^^

بتحبي البحر اكتر ولا الحدائق و الخضآر ؟
الحَـــــدآئِق هههههههههـ ..لإنو البحر الي عنـآ بعيد عنِّكْ ميةِ مجـآري ^^

اكتر لون بتحبيبه ^^
هههههههـ مـآفي لون مُعيَّن ..يعني أنـآ باللبس بحب لون ..بالكتـآبةِ بحب لون ..بالرسمْ بحب لون ..
بس عمومـآً بحب الألوآن الغـآمقةِ اكترْ ^^

بلبسي كعوب ؟ xD
آهـ ..ههههـ

بتحبي المناكير ؟ بتحطيه دايمن ولا مرة بالسنة ،،
مش مرَّة بالسنةِ ..يعني ..لمَّـآ مـآيكون في مدرسةِ ..عشـآن ممنوع ^^ ..

وو رآآجعة xD

وأنــــــآ بإنتظـآركْ يـآ قمرْ ..^^

[دموع الغربة واشواق العودة]

تسلملـــي هل ضيفة يلي زي العســل :shababsmile331:

كتير حلويــن أجوبتك ..

متــآبعة معك :shababsmile116:

إنتِ العسل حبيبتي ..
أهلين فيكي منورة ..
ويعني كلكم حتآبعوآ بصمت ..
شو بدي أشحد الأسئلةِ أنـآ ههههههـ
^^

[برآءة عبد]

عَسَل ..

خديلك هالكم سؤال

بالأول أحكيلي أديش بتحبيني ؟؟ لأنك أكيد بعد الاسئلة رح تكرهيني هههه

بمازحك يا بنت اضحكي خخخ

بسم الله الرحمن الرحيم ..

1. دموع الغربة وأشوآق العودة .. إسم يَجمع مآ بين الحنين والحزن والحب لبلآد مسلوبة ..

حدثيني قليلا عن بلدك يآ صديقتي ..

2. موآقف كثيرة حصلت معنآ في حيآتنا .. أثرت بنآ .. علآقة حب .. علآقة صدآقة .. حدث طآريء نتج عنه محبة غير مسبوقة .. منظر أمامكِ جعلك تظنين نفسكِ من غير إحسآس .. (حاشاكِ طبعا )

حدثيني بسطرين فقط عن كل حآلة ذكرتهآ إن وجدت ..

3. فلسطين الأم والوطن والمأوى .. أعلم أنها تعني لكِ الكثير ..

أريد أن أذكر لكِ موقف يتكرر دائمآ وأتمنى رأيكِ ..

" شآب على حآجز بالطريق من رآم الله إلى القدس .. يَأتي من بعيد مسرعاً وبكل حب يصافح جندي اسرآئيلي .."

منظر أول مرة ترينه عند دخولك فلسطين .. أول حاجز مررتِ به .. أخبريني ردت فعلك ..

4. مآذا يعني لكِ مفهوم الأخوة في الله ..

5. هل تحكمين على شخص من موقف ؟؟


هدول الي خطروا ببالي هلأ رح ارجع استنيني ها .. جاوبي عشان اعلق ع اجوبتك واستني كماااان

[almuhandes]

مساءاتك فرح أيتها الحالمة
بداية قبل ان أنبش ذاكرتك وافتش في خباياه أود أن أتقدم لك بوافر الشكر على الإطراء الذي لازم اسمي في معرض ردك على الأسئلة
فمن لا يشكر الناس لا يشكر الله

للمهندس قالب خاص يضع نفسه فيه لذا سأبدأ بما هو محبب لنفسي على أن لا يزعجك صرير قلمي

1- ما الفائدة التي جنتها لجين من وجودها في المنتدى

2- نوعية الكتب التي تقرأها لجين وتستهويها

3- كم يلزمك من الوقت لوضع مشاركة أو موضوع

4- في المنتدى نوعية المواضيع التي تشدك إليها

5- ماذا تعني الكلمات التالية لك
( القلب,الروح,الوطن ,الغربة,الدموع)

لن أثقل عليك أكثر لأترك المجال لغيري فقد انتهيت
أمسياتك فرح
كوني بخير

[Maram .. ~]

يعطيك العافية ^^

2012 - متفائلة فيها ؟ حاطة ببالك اي شي بدك تنجزيه خلال هالسنة ؟ خبرينا ^^

2011 - اكتر يوم مميز فيها ؟ ، عامة كانت سنة حلوة ولا ؟

كيف علائتك مع امك ؟ علائة عادية ولا في بينكم صداقة و بتحكيلها كل شي :) ؟

.
.

[أبومجاهد]

مـآ شاء الله استضافة مميزة

واجـآبات روعـة ,,, متابعين ,,

يعطيكي العافية : )

[دموع الغربة واشواق العودة]

المشاركة الأصلية كتبت بواسطة bara'ah .a.r .lif

عَسَل ..

أهلين بالعسل كلو ^^
خديلك هالكم سؤال

بالأول أحكيلي أديش بتحبيني ؟؟ لأنك أكيد بعد الاسئلة رح تكرهيني هههه

بمازحك يا بنت اضحكي خخخ
ههههههههههههههههـ شف ..ولو إسئلي يمَّـآ إسئلي وعليكِ الأمـــآنْ ..هههـ أكيد بحبِّكْ يـآبنتْ ^^
بسم الله الرحمن الرحيم ..
بسمهِ تعـآلى نبدأ ..وبـهِ نستعين ..
1. دموع الغربة وأشوآق العودة .. إسم يَجمع مآ بين الحنين والحزن والحب لبلآد مسلوبة ..

حدثيني قليلا عن بلدك يآ صديقتي ..
هيـآ صديقتي إستعدي للسفرِ معي لـ ديـآرٍ لم ترى العينُ أبهى منهـآ ..ولم يعشَق القلبُ محبوبةً سوآهـآ ..
ومـآدمعتْ العينُ على فُـرَآقِ أغلى منهـآ ..هي تلكَ المحبوبةُ التي لم أرهـآ بعدْ ..
هي هُنـآكْ ..بينَ يدي حُثَـآلةِ الخلقْ ..هي هُنـآكْ بينَ صرخـآتٍ وهمسـآتْ ..وشهقـآتٍ و زفرآتْ ..بينَ أرواح تولد ..وأخرى تودع الحيـآةْ ..هي هُـنآكْ حيثُ السمـآء مُلبَّدةً بـ طـآئِرآتِ صهيونْ ..
هي هُـنآكْ ..تضُم بينَ ضُلوعهـآ أبنـآءَ الطُغيـآنِ عنوةً ..وقد تقطَّعتْ أشـلآءْ ..هي هنـآكْ في أبهى حلةٍ بإنتظـآرنـآ ..سمـآؤهـآ زرقـآءْ مُروجُهـآ خضرآءْ ..عزٌ مغروسٌ في التراب ِ حتَّى النخـآعْ ..رَآئِحــةُ كرآمةٍ إشتـآقت لهـآ بقيةُ الأوطـآنْ ..هي هنَـآكْ لآيفصلُني عنهـآ سوى دمعةٌ حـآرَّة تُذيبُ المقل وتُحيلُ حيـآتي خيآلآتٍ وسرَآب هي هُنـآكْ في كل شهقةٍ وزفرهـ ..في كل ثـآنيةٍ ووهلةَ ..هي هُنـآكْ بجَـآنِبِ روحي ..ودآخِل قلبي يعتَصِرُهـآ ألمٌ مرُّ المَذآقْ ..

2. موآقف كثيرة حصلت معنآ في حيآتنا .. أثرت بنآ .. علآقة حب .. علآقة صدآقة .. حدث طآريء نتج عنه محبة غير مسبوقة .. منظر أمامكِ جعلك تظنين نفسكِ من غير إحسآس .. (حاشاكِ طبعا )

حدثيني بسطرين فقط عن كل حآلة ذكرتهآ إن وجدت ..
كثيراً مـآ تتهمني أُختي بأنني عديمةُ الإحسـآس كـ قطعةٍ من جبل ..أو سندآنٍ من حديد ..
وكـآنتْ أشدُ مرَّةٍ وبَّختني بهـآ ..عندمـآ رأيتُ فتـآة معوقَّة لا تستطيعُ المشي ..وطلبتْ مُسـآعدتي ..
فدفعتُ أختي الصغيرة بإتجـآهِهَـآ ..وابتعدتُ خوفـآً منهـآ ..لعجزٍ مـآ دآخل دمـآغي الصغير ..لم أستطعْ ..قدمـآي تجرني للوَرآءْ كلمـآ إقتربتُ منهـآ ..ندمتُ بشدةَ ..لكنِّي عـآجزة حقـآً أُعـآني مرضَ الخوفْ منْ خلقهـآ كمـآ شـآءْ ..أودع فيَّ عقدةَ الخوفْ ..كـأي شخصٍ آخر ْ
3. فلسطين الأم والوطن والمأوى .. أعلم أنها تعني لكِ الكثير ..

أريد أن أذكر لكِ موقف يتكرر دائمآ وأتمنى رأيكِ ..

" شآب على حآجز بالطريق من رآم الله إلى القدس .. يَأتي من بعيد مسرعاً وبكل حب يصافح جندي اسرآئيلي .."

منظر أول مرة ترينه عند دخولك فلسطين .. أول حاجز مررتِ به .. أخبريني ردت فعلك ..
أممممـ سيكون موقف رهيب ..لكنْ سـآأذهب لـ هذا الشـآب وأسئلهُ عن سبب تصرفهِ هذا ..
أنتِ لم تقولي أنَّهُ فلسطيني أو حتَّى عربي ..لـ ربمـآ كـآنَ شيئـآً آخرْ ^^

4. مآذا يعني لكِ مفهوم الأخوة في الله ..
مفهومٌ لآ ينتهي ..هو محبةٌ في اللهِ بـلآ سببْ ..هو مفهومٌ يجمعْ أولئك الإخوة التي لم تلدهم أمَّكْ ..
يجمعُ جميع المتحـآبينْ على الصراطِ المستقيم ..في طريقهم للجنَّه ^^

5. هل تحكمين على شخص من موقف ؟؟
غـآلبـآً لأ ..لإنو بيعتمد ع نوع الموقف وظروفو ..وكتير شغـلآتْ ..^^

هدول الي خطروا ببالي هلأ رح ارجع استنيني ها .. جاوبي عشان اعلق ع اجوبتك واستني كماااان :shababsmile226:

هههههههههههههـ أهلينْ والله ..هيني جـآوبت ببإنتظـآر تعليقكْ يـآغـآليةِ ..
وبإنتظـآر أسئلتكْ الدسمة المُتبقيةِ ..يلآ لا تتأخري ^^

[PaLeStiNe FlOwEr]

هو اللقاء المفروض يخلص مبارح ^^

بس شكلنا حنمددو ^^

معاكم لبكرا المسا :]

ولا حابين اكتر :p

[Maram .. ~]

عننجد ؟ هههههه

ماكنت بعرف ولا كان بطلت اسئل :$

[PaLeStiNe FlOwEr]

.نـآدولي دموع الغربة وأشوآق العودة ..لا تنـآدولي لُجينْ ..هالإسمْ مـآحدآ بينـآديلي فيهْ ..... لو سمحـــتوآ يعني ^^..

دموع الغربة واشواق العودة طوييييل كتييير

لجين أسهل هع

وبعدين خلينا نكون غير عن الكل ونناديكي لجين ,,

أو لولو هيك أفضلك ؟؟

::

- نـمُرُ جَميعاً بِمواقف مُحزنة آومُفرحة آو مُضحكة ،، حدثـنَا عـنْ موقِف مرَ معـك ؟
أنـآ الأفضلْ لذآ أستحقُ الأفضلْ ^^ ..
مـوَآقف مفرحةَ هههههـ قولي مُحرجة ..يـآ مكترهـآ هالموآقفْ ..مرَّة كنت أنـآ وأهلي في السوقْ وبدي أشتري جزمة (ألله يكرمكم) ..وتـأخر الوقت كتير ع بـآل مـآلقيت شغلةِ تعجبني ..كـآنت السـآعة 2 ونص بالليل ..وتقريباً المحل شبه فـآضي ..في كم عـآئلة بيستنوآ زينـآ ..وأنـآ لإني دخت من اللف والدورآن ..وبعد مـآلقيت الي يعجبني ..رحت للموظف وحكيتلو (بدي مقـآس 72) ..الزلمة ..إستغرب ..وقلي( نعم يـآ أختي )..حكيتلوآ( 72 لو سمحت) ..
هوآ ضحك ..وصـآر يطلَّع برجلي ..ويقول ..( يـآ أختي إيش 72 مـآفي مقـآس كده) ..ويتطلع في صـآحبوآ ويضحكْ ..
وأنـآ فكرتوآ بستهبل وعصَّبت كتير ..سحب الجزمة من بين إيديه ..ومشيت ..لقيت كل النـآس بيطلعوآ برجلي ويضحكوآ ..عصَّبت وقعدت ع كرسي ..بعدين رآجعت (بيني وبين حـآلي) المُحـآدثة الي صـآرت بيني وبين هالزلمةِ ..بعدين إنتبهت إني نجنيتْ ..رحت رجعت إلو ..وأنـآ مستحيةِ حكيتلوآ (عفوآً ..آسفةِ بس كـآن قصدي مقـآس ......) ..بس شو فرط من الضحك علي هوآ وصـآحبوآ وكل الي في المحل ْ ..وأنـآ سرت أضحك ع حـآلي ^^

هههههههههههههههه
له له 72 نمرة رجلك هع

::

وأخيراً شُكراً لإستضـآفتي في هالموضوعْ الرآئِـعْ..غلبتكم معي ..بـ هالضيافةِ الدسمةِ ..ولو مهـآ إحنآ من أهل البيت مآبدنـآ الهغلبةِ ..إن شالله أكون خفيفةِ نضيفةِ ..
مع إنو كـلآمي كتير ^^ ..بس بدكم تستحملوآ ^^
^^

ولو بالعكس استضافتك روعة كتيييير

وحلوة وخفيفة :]

منورانا لولو ^^