« دموع الغربة وأشواق العودة » ضـيـف { لَـيالِي شـبابُ فـلسطِيـن و ثـرثـرةٌ حُـرة ~

[دموع الغربة واشواق العودة]

منوريــنْ جميعـآً ^^
آسفة ع التـأخيرْ ..
هيني حـ ردْ ^^

[دموع الغربة واشواق العودة]

- كيفَ كان حالُكَ قبلَ دقائِق ؟

حـآلي ..بخير ْ ..دآئمـآً أنـآ كذآلكْ ^^

- مَا هُو شُعُورُكَ حينَ تتَجولُ فِي رئِيسيةِ شَبابِ فلسطِين وَ أقسَامِها ؟

بصرآحة ..لمَّـآ أفوت المنتدى بكون متحمـسة كتير ..لإنو أوَّل قسم بفوتو ..وجهة نظر ..متآملة إنو يكون في موضوع نـآري وسـآحقْ ..^^

- [ لـجـين ] فِي أَسطُر ؟

أممممـ ..إسمي لُجينْ البـآزْ ..عمري 17 سنةِ وتلاتةِ أشهر وتسعة أيَّـآم ..فلسطينية وبالتحديد من إسدود ..عـآيشة (منذ ولآدتي ) في السعودية مسقط رأسي زي مـآ بحكوآ ^^ ..(مجـرَّد فتـآة حـآئره فيمن تكونْ ..مـآ موقعهـآ من الإعرآب ..أهي فآعل أم مفعول ..وهل ستبقى مفعولآً به ..مسلوب الإرآدةِ والحريـة ..لآيستطيع البوحَ بمـآ فعل به الفـآعل ..ولا لسـآنَ له ليدفع عنهُ تهمةً أُلصقت بـ ظهرهـِ زوراً..فرَّ الفَـآعل فأمسكوآ بي ..لإكونَ كبشَ الفدآء ..وكـأن لعنةً من السمـآءِ نزلت علي ..هذهِ حيـآتي في الغربة ^^) .. (بعيداً عن التكلف) .. فلسطينْ أثبتتلي إنو ممكنْ البني آدم يحب بلد ويتمنى إنو يعيش فيهـآ شحـآد ويموتْ فيهـآ فقير ..على إنو يعيشْ بالغربةِ ملكْ، ..ورحْ أغتنم فرصة (وقوفي على منبركم الكريم ) لأقول ..يآجَمـآعة الخير ..نـآدولي دموع الغربة وأشوآق العودة ..لا تنـآدولي لُجينْ ..هالإسمْ مـآحدآ بينـآديلي فيهْ ..... لو سمحـــتوآ يعني ^^..

- حِكمَة ، مَوعِظة، أو بيتُ شِعر، تنطَبِق على شخصِك ، تُطبِقهَا فِي حَيَاتِك أو تُحبُ تردِيدها ؟

تنطبقْ علــي ( وإنَّمـآ العُـذرُ لي أنِّي جِئتُ في زمنٍ ..لآ الجيلُ جيلي ولا الأزمـآنُ أزمـآني ) ..

أُطبقهـآ في حيـآتي ..لمَّـآ كـآنت الخوآطر تجُولُ في تصفُّح الأشيـآءْ تُعْرَضُ لهـآ ثمَّ تُعْرِضُ عنهـآ ..كـآن أولى الأمور حفظ مـآ يخطر لكيلآ يُنسى ..

أحب ترديدهـآ ..إنَّ الشجـآعةَ في القلوبِ كثيرةٌ ..ووجدتُ شُجعـآن العقولِ قليلُ ..

- طُـمُوحاتُك و آهدافُكَ بينَ الحاضِر و المُستقبلْ ..حدثينَا عنهَا ؟

في الوقت الحـآضر ..بـهدف إنو أنهي دراسة الثانوية وأقررْ القِسـم الأنسب لـ إلي ..وأحسن الإختيـآر كرمآل مـآ أندم ..وبصرآحة أنـآ بين صرآعين ..إني أفوت قسم مرتب يليق بالنسبةِ تبعتي زي هندسةِ أو طب وبين إنو أفوت المجـآل الي أنـآ بحبو وببدع فيهْ ....وأنتقلْ للجـآمعة ..وبعدهـآ أتوظَّف عشـآن آخد الخبرة ..وبعدين أفتتحْ مشروعي الخـآص ..عشـآن أكون عنصر فعَّـآل في المجتمعْ ..وأقدر إنو أخدم بلدي حتَّى لو كنت بعيدةِ عنهـآ ^^

- لا بُد و أن لكَ هِواية ..دعنَا نستكشِفها معكْ ؟

هِـوَآيتي (الـرَّسمْ) بعرف أرسم كل إشي عمومـآً و..البورتريهـآت بالتحديد ..هـآي هوآيةِ بحس حـآلي مابقدر أعيش بدونهـآ ..في كل أحْوآلي برسمْ ..هي في الحقيةَ موهبة ^^

- شَخصٌ أو جِهةٌ تخطُر فِي بالِكَ بِأولِ الفرَح و آخِر الحُزن ؟

أوَّل الفرحْ ..الله عزَّ وجل ..وبحكي الحمدُلله ^^..

آخر الحُزنْ ..مـآفي حدآ مُعيَّنْ ..بس يمكن إلى كـآن السبب في حزني ^^

- هلْ تنَاولتَ وَجبةَ إِفطاركَ وحيداً اليومْ ؟ أ مُعتاد عليها أم هِي حالَة طارِئة ؟

اليومْ تنـآولت الإفطـآر مع أخوي الزغنون ..وقعدنـآ نسولفْ أنـآ وايـآهـ ..

تقريبـآً كل يوم بتنـآول مع إخوآني الزغـآر ..وبنبسطْ كتير معهم^^

- مَا الذِي يدعُو حاجِبيْكَ للتقطِيبِ و العبس فجأة ؟

رؤيتي الظُّلمَ يسْتعْـبد النَّـآس ..ويستبيحُ الدمـآء ..ويـبيدُ الكرآمة ..وينسفُ الإحسـآسْ ..

رؤيتي أُنـآسـآً لآيُجيدونَ لُغةَ الحٍوار ..أو لا يَجدونهـآ ..

أمَّـآ مـآ يدعوني للغضب والثورة ..

إسْقـآط حقي في الكـلآم ..وتحريم النطقْ على لسـآني ..وصلب أحرفي الصغيرة التي لم تولَدْ بعدْ ..

فرضْ القَـوآنين التي تكبتُ الأنفـآس وتستعبدَهـآ ..والأدهى والأمرْ أنَّ لآقـآنونَ يُحـآكم صلْب اللسـآنْ ويُعـآقبُ عليهْ :"(

- متَى تغارُ بِشدةٍ وَ تُثيرُ القلقَ كفُوهة بُركان ؟

أغـآر ..مممـ لمَّـآ أتصرَّف منيح وغيري الي يـآخد المديح ..لمَّـآ أعمل عمل منيح وغيري الي يـآخد الهدية ِ ..

- نـمُرُ جَميعاً بِمواقف مُحزنة آومُفرحة آو مُضحكة ،، حدثـنَا عـنْ موقِف مرَ معـك ؟

أنـآ الأفضلْ لذآ أستحقُ الأفضلْ ^^ ..

مـوَآقف مفرحةَ هههههـ قولي مُحرجة ..يـآ مكترهـآ هالموآقفْ ..مرَّة كنت أنـآ وأهلي في السوقْ وبدي أشتري جزمة (ألله يكرمكم) ..وتـأخر الوقت كتير ع بـآل مـآلقيت شغلةِ تعجبني ..كـآنت السـآعة 2 ونص بالليل ..وتقريباً المحل شبه فـآضي ..في كم عـآئلة بيستنوآ زينـآ ..وأنـآ لإني دخت من اللف والدورآن ..وبعد مـآلقيت الي يعجبني ..رحت للموظف وحكيتلو (بدي مقـآس 72) ..الزلمة ..إستغرب ..وقلي( نعم يـآ أختي )..حكيتلوآ( 72 لو سمحت) ..

هوآ ضحك ..وصـآر يطلَّع برجلي ..ويقول ..( يـآ أختي إيش 72 مـآفي مقـآس كده) ..ويتطلع في صـآحبوآ ويضحكْ ..

وأنـآ فكرتوآ بستهبل وعصَّبت كتير ..سحب الجزمة من بين إيديه ..ومشيت ..لقيت كل النـآس بيطلعوآ برجلي ويضحكوآ ..عصَّبت وقعدت ع كرسي ..بعدين رآجعت (بيني وبين حـآلي) المُحـآدثة الي صـآرت بيني وبين هالزلمةِ ..بعدين إنتبهت إني نجنيتْ ..رحت رجعت إلو ..وأنـآ مستحيةِ حكيتلوآ (عفوآً ..آسفةِ بس كـآن قصدي مقـآس ......) ..بس شو فرط من الضحك علي هوآ وصـآحبوآ وكل الي في المحل ْ ..وأنـآ سرت أضحك ع حـآلي ^^

- الموت ،، الحياة ،،النعيم ،، الجحيم ،، الوداع ،، اللقاء ،، الصداقة ،، الخيانة .. ماذا تعني لَكْ ؟

الموت.. إنتهـآءْ الحيـآةِ الدنيـآ ..ونفـآذ وقتنـآ في التَّحصيل للآخرهـ

الحيـآةْ ..فرصـة التَّحصيلْ للآخرة ..

النَّعـيم ..رآحةٌ أبـدية لآ نحصل عليهـآ إلا في جنـآن النعيمْ ^^

الجحيمْ ..مثوى كُل أعدآء ربي ^^

الوَدآعْ ..قطعة من العَـذآب ..المكتوبة على إبنِ آدم ^^

اللقـآءْ ..فرحـة لآ يعلمُ حجمهـآ إلا المتلآقينْ ..

الصدآقة ..طريقٌ للجنَّـة ..

الخيـآنة ..جريمـة لمْ يضعْ الحق لهـآ عقَـآبْ ..^^

- رُوح في شَباب فلسطين .. تُصغِي إليها باجتهاد و اهتمام .. تطلُب مِن حروفِها المزيد و المزيد .. من يكون / تكون ؟

الأخْ المُهنْـدسْ ..و ليـآل ..و برآءة ..أتـآبعُكمْ بـ صمتْ وبإعجـآبْ ولآ أكتفي منكُمْ ..بلْ أطلبُ المزيدْ ^^

أفتخِرُ يومـآً أني قرأت إحدى لوحـآتكم ^^

نسمةِ دفـآ & عـآشقةِ فلسطينْ ..كلمـآتكم تستهويني ..فلآ أكتفي منكْم أيضـآً

- تَوقيع عُضو من آعضاءِ شَباب فلسطين أعجبَكْ ؟

شغلةِ التوقيع ..شغلةِ تـآنيةِ تماماً ..كل التوآقيع التي تم إهدآئهـآ لي ..كـآنت رآئعة ..

بس التوقيع ..إلى أعجبني بـ جنونْ ..جنووونْ ..التوقيع إلي عملوآ الأخ وطن (نـآجي ) لـ شهيدْ ..

أكتر من رآئِعْ ..جد حتَّى الموسيقى الي فيهْ روعـة ..والمشكلة مش قـآدرة أخزنوآ ع جهـآزي ..فبضل أفتح ع صفحةِ شهيد وأتـأمل بـ التوقيعْ ^^

- مِصباحُ عَلاءِ الدين بين يديَكْ .. إِمسح سطحَه و ابتسم .. و تمنَ شيئاً ؟

أنْ يعمَّ السَّـلآم كُل الأوطـآنْ ....و يحصُلَ كُل المظلومين على حقوقِهم ..

وأنَ تتم إبـآدة كل الظلآم من الأرضْ ..وأخيراً ..أن أعود إلى وطني ..وأحيآ حيآةً كريمة في ربوعهِ ..

- لديكَ ثلاثة كلمـآت وجههـآ لمَنْ شِئتَ مِنْ الآعضَا

تلآتةِ بس ..طيب ولا كـأني سمعت ..هههـ ^^

أممممـ ..لكل المنتدى بصرَآحة ..

أحبكم يـآ إخوتي ..لا تعلمونَ كمْ سَآهمتمْ في تكوين شخصيتي ..وكم أثَّرتم في عقلي ..

ووسَّعتم دآئرةْ فكريْ ..عودوآ كمـآ كنتمْ رجآئاً :(

وأخيراً شُكراً لإستضـآفتي في هالموضوعْ الرآئِـعْ..غلبتكم معي ..بـ هالضيافةِ الدسمةِ ..ولو مهـآ إحنآ من أهل البيت مآبدنـآ الهغلبةِ ..إن شالله أكون خفيفةِ نضيفةِ ..

مع إنو كـلآمي كتير ^^ ..بس بدكم تستحملوآ ^^

^^

[حسام المصرى]

لجين .. ليش اختارولك ها الإسم ؟؟

متى كان ارتداءك للنقاب ؟؟ وما النصيحة التى تقدميها لكل فتاة لكى ترتدى النقاب ؟؟

هل سبب لك النقاب بعض المشاكل ؟؟

ما رأيك فى تواصل وتعامل الشعوب العربية مع بعضها البعض .. يعنى أنتى فى السعودية وفيه جنسيات كتير بتشوفى التعامل ما بينهم ازاى ؟؟


مواصفات الزوج المستقبل إن شاء الله ؟؟

ما رأيك فى عمل المرأة بعد الزواج ؟؟ وهل تريدى أن تعملى ؟؟


راجع إن شاء الله بس أفكر ..

[دموع الغربة واشواق العودة]

أهلين فيكْ أخْ حُسـآمْ ..
لجين .. ليش اختارولك ها الإسم ؟؟
بصرآحة .. مـآمـآ وبـآبـآ ..كـآنوآ على خِـلآف ..بـآبـآ كـآن بدو يسميني جـآكلين ..تخيَّل !!..
وماما مش راضـية لإنو هالإسمْ أجنبي ..فكـآن الحل الوسط إنو يسموني لُجينْ بيشبه جاكلين ..وبيضَلْ إسـمْ عربيْ ..الله يهديـهُمْ ^^

متى كان ارتداءك للنقاب ؟؟ وما النصيحة التى تقدميها لكل فتاة لكى ترتدىالنقاب ؟؟
إرتدآئي النِّقـآب عن قنـآعة كـآن قبل خمس سنين تقريباً ..وقت كـآن عمري 13 سنةِ ^^
أمممـ كـ نصيحةَ ..النِّقـآب بصـرآحة ..هو الطريقةِ الوحيدة لـ تمنعي نـآس مـآ بيستحقوآ يشوفوكِ ..إنهم ينظروآ لوجهكْ ..ويتأمَّلو محَـآسنكْ ..غير إنو فيهـآ رضآ لله سُبحـآنه وتعالى ..
وإقتدآء بأُمَّهـآت المؤمنين رضي الله عنهن ..وهدول بيكفوآ ..شُعورِي إنو أنـآ يوم القيـآمةِ رح أقـآبل حبيبي عليه الصلآة والسلآم وأحكيلوآ ..إنو أنـآ إقتديت بـ زوجـآتكْ و امتثلت لأوآمركْ ..بيخليني أطير من الفرحة وأزيد إصـرآر وتمسُّكْ بـ نقـآبي ^^
هل سبب لك النقاب بعض المشاكل ؟؟
أممممـ مَشـآكل مع نفسي لأ ..بس مع إلي حولي ..بعض أقـآربي بيحكوآ إنو أنـآ مُعقَّدة ومُتشددة ..وبينظرولي نظرآت غريبةِ ..كـأني إنسـآنةِ رجعية ومن العصر الحجري ..بس مـآبهتم بـ هالحكي ..عـآدي النَّـآس إختلَفوآ ع ألله ..عـآدي يختلفوآ على فكرتي وقرآري ..مو الغلط إنهم يختلفوآ ..الغلط إنهم مـآ يحترموآ هالقرآر ..
وأنـآ مغطيةِ وجهي ..وفي نـآس بيعـآكسوآ وبيرموآ كلآم ..كيف لمَّـآ أكشف ..^^

ما رأيك فى تواصلوتعامل الشعوب العربية مع بعضها البعض .. يعنى أنتى فى السعودية وفيه جنسيات كتيربتشوفى التعامل ما بينهم ازاى ؟؟
آهـ بس يـآخيي .. التَّعـآمل ..بدَّكْ بصرآحة سيء جداً ..يعني سؤآلك جـآي ع الجرح ..
في بعض العقول السعودية ..الأغلبيةِ وليس الكل ..في نـآس بينحطوآ ع الراس ..في بعضهم عندهم نظرة إنو إنتِ أجنبيةِ ..معنـآتوآ لآ تُحتَسبي من ضمن البشر .. ولمَّـآ تكون فلسطينيةِ معنـآتوآ إنو همَّـآ بيتصدَّقوآ علينـآ ..فهالإشي بيخليني أثور وأموت ..وممنوع تحكي في سيـآسةِ البلد ..وممنوع تحكي بـ مشـآكل المجتمع ..ممنوع أتدخَّل في الدين ولا الإقتصـآد ممنوع أتنفس ..ممنوع أنـآقش ..ممنوع أحكي ..وأنـآ مش قـآدرةِ أستوعب إنو أعيش بين نـآس وأعزل حالي عنهم ..مـآبقدر ..لآزم أحكي وأنـآقش ..وأصحح الخطأ ..ولسـآ قبل يويمن أكلت تهزيئة مرتَّبة من بآبـآ ..ع إنو ..إحنـآ فلسطينيةِ ومش نـآ قصنـآ مشـآكل ..لآ تنـآقشي معلمـآتك بالسيـآسةِ ..السوري أو المصري أو الأردني ..وقت يتنـآقش معهم ..بيطردوه ع بلدوآ ..أنـآ لما يطردوني وين رح أروح ..بلدي ومش قـآدرةِ أفوتهـآ ..يعني ..خلص ..جد إشي ببكي وبخليني أنحرق وأموت ..الي بيعيشْ برهـ بلدو بينذلْ :"(

مواصفات الزوج المستقبل إن شاء الله؟؟
هههههـ هالموآضيع مـآ بفكر فيهـآ بصـرآحة ..بس بمـآ إنَّكْ سـألت ..جدْ مَـآ بعرف ..
حـدآ زيي ..
بس أهم إشي إنو يكون متدينْ ..زي تديني بالزبط . ..ويفهمني منيحْ ..وأهم شي إنو يفهمني ..و يقدر يطلعني من هالبلدْ ..و مـآبعرف ^^

ما رأيك فى عمل المرأة بعد الزواج ؟؟ وهل تريدى أن تعملى ؟؟
أنـا بأيد عمل المرأة بعد الزوَآجْ أكيدْ ..بس مـآ يأثِّر هالعمل ع الزوج والأطفـآل والوآجبـآت كـ أُم و زوجةِ ..يعني بس يكبروآ الأطفـآل ويقدروآ يعتمدوآ ع حـآلهم ..أكيد رح أتوَّظف ..وعمومـآً يمكن أنـآ أتوظَّف في البيت ..يعني هالعمل مـآ بيأثر ع وآجبـآتي في المستقبل ..

راجع إن شاء الله بس أفكر ..
وأنـآ بإنتظـآر أسئلتكْ خيي ..أهلاً فيكْ ^^

[Maram .. ~]

حلو كتير دموع

اجوبتك روعة :)

مشالله عليك بنت واعية ،

سؤالي الي ببالي هلا ،

لي ما بتحبي حدا يناديك باسمك

و رآجعة اكيد :)

[Maram .. ~]

المشاركة الأصلية كتبت بواسطة دموع الغربة واشواق العودة
ما رأيك فى تواصلوتعامل الشعوب العربية مع بعضها البعض .. يعنى أنتى فى السعودية وفيه جنسيات كتيربتشوفى التعامل ما بينهم ازاى ؟؟
آهـ بس يـآخيي .. التَّعـآمل ..بدَّكْ بصرآحة سيء جداً ..يعني سؤآلك جـآي ع الجرح ..
في بعض العقول السعودية ..الأغلبيةِ وليس الكل ..في نـآس بينحطوآ ع الراس ..في بعضهم عندهم نظرة إنو إنتِ أجنبيةِ ..معنـآتوآ لآ تُحتَسبي من ضمن البشر .. ولمَّـآ تكون فلسطينيةِ معنـآتوآ إنو همَّـآ بيتصدَّقوآ علينـآ ..فهالإشي بيخليني أثور وأموت ..وممنوع تحكي في سيـآسةِ البلد ..وممنوع تحكي بـ مشـآكل المجتمع ..ممنوع أتدخَّل في الدين ولا الإقتصـآد ممنوع أتنفس ..ممنوع أنـآقش ..ممنوع أحكي ..وأنـآ مش قـآدرةِ أستوعب إنو أعيش بين نـآس وأعزل حالي عنهم ..مـآبقدر ..لآزم أحكي وأنـآقش ..وأصحح الخطأ ..ولسـآ قبل يويمن أكلت تهزيئة مرتَّبة من بآبـآ ..ع إنو ..إحنـآ فلسطينيةِ ومش نـآ قصنـآ مشـآكل ..لآ تنـآقشي معلمـآتك بالسيـآسةِ ..السوري أو المصري أو الأردني ..وقت يتنـآقش معهم ..بيطردوه ع بلدوآ ..أنـآ لما يطردوني وين رح أروح ..بلدي ومش قـآدرةِ أفوتهـآ ..يعني ..خلص ..جد إشي ببكي وبخليني أنحرق وأموت ..الي بيعيشْ برهـ بلدو بينذلْ :"(

كلنا بنعاني من هالشي والله

اشي بقهر ع الآآآخر ..

فلسطينْ أثبتتلي إنو ممكنْ البني آدم يحب بلد ويتمنى إنو يعيش فيهـآ شحـآد ويموتْ فيهـآ فقير ..على إنو يعيشْ بالغربةِ ملكْ،

100% ..

الله يكتبلنا زيارتها لفلسطين و العيشة فيها ..

متآبعة معك حبيبتي ^^

[دموع الغربة واشواق العودة]

أهلينْ مرومة ..تسلميلي يـآ غـآليةِ ..
بدك بصرآحة ..لـ سببين ..
السبب الأوَّل ..
أنـآ اوَّل مـآ سجَّلت في المنتدى كـآن بإمكـآني أسجِّل بـ إسمي الي هو (لُجين) ..بس
دموع الغربة وأشواق العودة ..بيعبِّرْ عني أكتر ..في كل كلمةِ ..أو حتَّى في كُل حرف هوآ بيمثلني ..وبيمثلْ إني بعيش لـ بلدي ..وبستنـآ أرجعلهـآ ..ع أحرْ من الجمرْ ^^
والسبب التـآني ..
إسم لُجينْ مـآحدآ بينـآديلي فيه في المجرَّة كلهـآ .._غير في المدرسةِ _..أهلي وعآئلتي وأصدقـآئي وجيرآني ومعـآرفي ..كلهم بينـآدولي لولو ..حتَّى إخواني الزغـآر مابيعرفوآ إنو إسمي لُجينْ ..والسبب إنو أهلي أوَّل ماسموني فيه كـآن صعب للنطق ..سيدي وستي مـآكـآنوآ يعرفوآ ينطقوهـ ..فسموني لولو ..بس ..فأخدت ع هالإسم أنـآ ..^^

[دموع الغربة واشواق العودة]

كلنا بنعاني من هالشي والله :shababsmile223:

اشي بقهر ع الآآآخر ..

100% ..

الله يكتبلنا زيارتها لفلسطين و العيشة فيها ..

متآبعة معك حبيبتي ^^

مش إشي بيقهر بس ..بيخليني أتمنَّى إني مـآ أنولدْ ..بتمنى إنو أعيش شحـآدةِ بـ مخيمـآت لبنـآن ع إني أعيش ملكةِ هون ..آهـ بس ..رح نرجع ع بلادنـآ و رح تنتهي كل هالمعـآنـآةْ ..^^

وأنـآ بإنتظـآركْ مرومة ^^

[إيمـان]

مسكتتك :p



مستعده

[إيمـان]

لـولــو

شــو رأيكِ بثـورة مصـر بتحسيهـآ نآجحـه ؟



|

ميـن أقرب وحده إإلك ريــم ولـآ مــرآم وبتحسيهـآ شخصيتهـآ أحلى ؟


|


شو بعجبك الـأشيآء الي بكتبهم ولـآ مجآملـه ؟


|


شــو برامجك المفضلـه ؟



|


شو حلم حيــآتك غير زيآرة فلسطين ؟

|

ليش انتي عصبيه وبتخوفي


|

شو الي بفرحك ؟


|

شو متلن ازحلطي قدام رجال شو بتسوي