برقيات برسم الوصول

[almuhandes]

للطيور المهاجرة
لابد من اكتمال دورة الحياة

[almuhandes]

اشتياق بحجم الكون
وانتظار بأمل

[almuhandes]

لفارسة القلم
القلم لا يشق له غبار
صاحبة الحروف المضرجة بعصارة فكرها الفذ
لك
مآهينآز
لا تتركي حروفنا يتيمة
لا تتركيها تشعر بالغربة وسط الضجيج

[مهرة حرة]

أيُهآ الترددّ . . قتلت فِينـآ الكَثيـر !
.
.

[مهرة حرة]

هُنآ ,
لآ أعرِفهمْ !
لَكنني أحببتُ ذآكَ الجزء الذي أعرفه فِيهمْ.،!

[almuhandes]

أحن إلى حضن أمي
وجه أمي
حنان أمي
تقبيل يد أمي
دعاء أمي

[لالا-فلسطين 48]

إلى كل الغاليين هون...

يا الله شو اشتقتلكو... ويا الله شو بحن لهديك الايام........

شو اخباركو... وشو عاملة معكو هالحياة..؟!

بتمنى تكونوا عم تخطوا الخطى الموجهة في تحقيق ذاتكو :)

وااااااااااو شو اخدتنا الحياة.... وكمان واااااااااو شو مريت بمراحل وتغييرات فيها.......


استازنا المهندس..

كيفك وشو اخبارك..؟!

كنت واثقة انك حترجع بشي يوم... لانه في لالك هون ثروة حرام تندفن او تنترك!!!!!


ابو مجاهد- بلال...

من هون بوجهلك احلى التحيات.. ويارب تكون بخير :)



على فكرة....

بالصدفة مريت لنفس الكلية اللي كنت ادرس فيها وقعدت على نفس المقعد اللي كنت اتابع منه امور المنتدى... وبشكل لا شعوري دخلت عالمنتدى وهالمرة عملت تسجيل دخول... بعد ما عملته اخر مرة قبل شي سنة واكتر (اكيد لانه الدافع كان قوي>> محاولة لاستعادة ايام لزيزة عشناها واكيد ما ببنساها:)


وكتير كان ببالي اعمل جولة تفقدية في المنتدى للمواضيع اللي اخذت حصة الاسد في رسم هالزكريات وبمجرد مشاركة ارجعها تندرج بقائمة المواضيع الاخيرة...

واكيد باول القائمة كانت مواضيعه للمهندس... بس المفاجأة كانت انه حضرته مشرِّفنا وقايم بالواجب ما شاء الله ومنشط جزء من المواضيع اللي كان ببالي اعمل على تنشيطها...

اما الباقي.. خلص خليهن عليّ بوعدكو اني رح اقوم بتنشيطها...


***

بتمنالكو الخير جميعا...

ويارب يكون يومكو امل وتفاؤل..

كونوا بخير..
لالا-فلسطين 48:)

[almuhandes]

المشاركة الأصلية كتبت بواسطة لالا-فلسطين 48

إلى كل الغاليين هون...

يا الله شو اشتقتلكو... ويا الله شو بحن لهديك الايام........:shababsmile223:

شو اخباركو... وشو عاملة معكو هالحياة..؟!

عني - شو عاملة معي الحياة
يوم بلطشها كف وعشرة بتلقى كفوفها
المهم بقاوم
لسا بفضل الله واقف على رجل ورأس قلم
بنلعب مع بعض لعبة الغماية
عيونا ولو انها في الظاهر مسكرة
بس بنسرق النظر من تحت لتحت
حتى ما يضيع منا نصنا التاني
لا أنا بستغني عن كفوفها ولا هي استغنت عن خدي ولو لحين

استازنا المهندس..

كيفك وشو اخبارك..؟!

الحمد لله رائع في الروقان مجد في العمل مجنون مع القلم ناسك في الوحدة صاخب مع الطبيعة
صدري يرتفع وينخفض
رئتاي محشوة بكم هائل من أغبرة الطرقات

كنت واثقة انك حترجع بشي يوم... لانه في لالك هون ثروة حرام تندفن او تنترك!!!!! :shababsmile256:

كما أنا كنت على يقين أنك عائدة لا محالة
ليس لإرث يشدنا
ولا لحنين النت
بل لأنا لا نملك إلا أن نعود
نصل للحافة
نهرب
نرتدي معاطف ندس فيها رؤوسنا لنغيبها في جيوبها
لكنا في نهاية المطاف
نتبع مؤشر البوصلة
بالإتجاه الذي يشير إليه

واكيد باول القائمة كانت مواضيعه للمهندس... بس المفاجأة كانت :shababsmile225: انه حضرته مشرِّفنا وقايم بالواجب ما شاء الله ومنشط جزء من المواضيع اللي كان ببالي اعمل على تنشيطها...

اما الباقي.. خلص خليهن عليّ بوعدكو اني رح اقوم بتنشيطها... :shababsmile222:

الله يكرمك ويجبر خاطرك
مواضيع المهندس النشاز
مواضيع العزف على أوتار الأعصاب
المواضيع التي ترتدي الألوان القاتمة الغير محببة للنفس
مواضيع بلا بريق
لأنها لا تحمل المنكهات في مساحاتها
جاء المهندس ليزيدها عبوسا
وأنتِ جئت تبحثين عنها وكأنك من كوكب آخر
المألوف اليوم روعة الزخرفة
وليس ما يكون عليه البناء
إذا أردت أن تكوني منتعشة عليك الفرار من مساحاتي
فهي نادرا ما تحوي في أزقتها حلم فضلا عن أنها تحوي واقع
والواقع مر والمر لا يستساغ

***

بتمنالكو الخير جميعا...

ويارب يكون يومكو امل وتفاؤل..

كونوا بخير..
لالا-فلسطين 48:)

لك هنا
رغم يقيني بعودتك
إلا أن إجتلاء لحظتها جعلني أشعر بسعادة غامرة
هبوطك بمظلة العودة هنا
أفرحني كثيرا
عود أحمد لالا
ولازال منظار الأمل يرقب عودة الغائبين
ليكتمل الفرح الكبير
أتمناك كما تحبي أن تكوني
كوني بخير كثير

[لالا-فلسطين 48]

لـِ.. المهندس..

يسعد صباحك..

بتمنالك يوم حلو..


ما شاء الله صبحت نشيط وفعال من الصبح..!!

بس نفسي افهم من وينتا بتصحى.. ونفسي اتخذها عادة اني اصحى بدري.. بس والله بحاول :(

(بعين المنبه عالساعة 6 وبضلو يرن كل ربع ساعة لحد الساعة 7 ووقتهامجبورة اقوم.. ما في مجال امدها اكتر)


عكل حال نهارك سعيد خيا النشيط :)

[almuhandes]

المشاركة الأصلية كتبت بواسطة لالا-فلسطين 48 لـِ.. المهندس..

يسعد صباحك..

بتمنالك يوم حلو..


ما شاء الله صبحت نشيط وفعال من الصبح..!!

بس نفسي افهم من وينتا بتصحى.. ونفسي اتخذها عادة اني اصحى بدري.. بس والله بحاول :(

(بعين المنبه عالساعة 6 وبضلو يرن كل ربع ساعة لحد الساعة 7 ووقتهامجبورة اقوم.. ما في مجال امدها اكتر)


عكل حال نهارك سعيد خيا النشيط :)

صباح الورد والهنا والسرور
أنا نشيط من الآخر
يا هديل هلا الساعة عندي 10 ونص يعني ما بنام لهلا إلا المخبول
صباحك ورد
كوني بخير