نجحوا يا مصر وبجدارة

[محمد نور .]

نجحوا يا مصر وبجدارة
يعملونه كرة بدبارة
وكمان يلعبوا بينا
وأحنا راضين يا خسارة

قسمونا فرق فى الميادين
أشى عباسية
وأشى تحرير وأربعين

المشير قاعد
لا المشير يتنحا ؟
ومصر يا ولاده بيتلوى دراعها .. !

قوام نسينا الناس الغلابة الشقيانين
اللى صحين فى طين
نيمين فى طين
تعبانين
صدمانين
وبيباتوا ليلاتى جعانين
بالزمة ده كلام يا بنأدمين .. !

أمبارح وأنا واقف مسحول فى الشمس طابور
بغير أنبوبة مش رغيف .. !
ف بسأل حد م الموزعين
بكام يا عم الأنابيب
قالى الأنبوبة ب 20 ولا أنتا عملى كفيف
ولو عوزها من تحت ل تحت دكاكين
أيدك على 30 يا خفيف

فينكِ يا حكومة
فينك يا شرف
نايملى فى العسل سيادتك
يا أخى جاتك ....................

نجحوا يا مصر وبجدارة
يعملونه كرة بدبارة
وكمان يلعبوا بينا
وأحنا راضين يا خسارة


المجلس العسكرى يا عينه يا جبايره
لبس البلد فى الحيطة
خبرته السياسية يا دوبك على قده
مريلة كحلى ب شريطة

والأحزاب السياسية يا أوحى يا أوحى
أتفرج وشوف يا عماد
خناقة وخناقة على الفضائيات
وياريت مصر فى الدماغ

ومنصور العيسوى يا داخلية
يا ختى كميلة عليه
الله حرصه وصاينه
ويبشبش السلطة فى أيديه
إستحل بيها دم المصريين
بكل صفاقة وغباوة
ولا أتعلمش من الدرس سيادته
وكأنه عيل بريالة

آة يا مصر يا حبيبتى الكل عملكِ طرطة
وبيقطعوا فيكِ واحد ورا التانى
يمين يلايمنى عليهم
وأنا أقرقشهملكِ يا غالية بسنانى

فداكِ يا بلدى نفسى
وتعيشى أبية مهما كان
أعمركِ وأخضر صحاريكِ
والله وحده المستعان

نجحوا يا مصر وبجدارة
يعملونه كرة بدبارة
وكمان يلعبوا بينا
وأحنا راضين يا خسارة

[ثـمـة نــور]

جميل هو حرفك حين يحكي موضوع مهم كهذا
كتبت فأبدعت
سلمت اناملك على جمال ما نثرت هاهنا

وشكرا لك على هذا الجمال
تقبلي مني أجمل تحية .

[عاشقة فلسطين..]

كلمآت جَميلة جِدآآ
بآرك اللهـ فيكْ :)

[محمد نور .]

المشاركة الأصلية كتبت بواسطة ثـمـة نــور

جميل هو حرفك حين يحكي موضوع مهم كهذا
كتبت فأبدعت
سلمت اناملك على جمال ما نثرت هاهنا

وشكرا لك على هذا الجمال
تقبلي مني أجمل تحية .

كنت أتامل فى صباح هذا اليوم يا ثمة نور وأحدث نفسى
أن نتيجة سقوط الظلم والطغيان غالباً ما يسبقها كرب شديد
وأن بين ثنايا كل محنة منحة آلهيه

سرنى كثيراً وجودكِ
كما أشكركِ على ردكِ المشجع والمحفز الذى له دافع نحو التألق وسط اسرة المنتدى
لكِ كل التحايا