شباب فلسطين

القلب النابض · 10-22-2011, 10:46 PM

ياسين منور احلى ابو خالد :)

تاني اشي انا عمري ما زعلت منك ابدا انتي اخي الصغير بفرح كتير لتكون اون

وبالعكس بضحك بس اتزكرها هي وبرازرتي :)

الله يسعدك يارب بكفيني تواجدكم بحياتي والله :)

وتاكد عمري ما بزعل من واحد فيكم انتو بغلاوة اخوتي والله يشهد ^^

منور يما :p

Pink Rose · 10-22-2011, 11:01 PM

احلى منتدى شباب فلسطين .. بعد شهر بالزبط بكون صارلي 4 سنين فيه

استفدت فيهم اشياء كتير .. وجمعت زكريات حلوة كتير بهالمكان ..

بتزكر لما التقيت مع مجموعة من صبايا المنتدى هون بالاردن .. مرام , روان , آيه , رؤى , اروى , وفاء

وبتزكر لما شفت نجاح "دموع الرحيل" ..

عنجد من اروع الشخصيات اللي قابلتها صبايا المنتدى :)

وبتزكر كمان لما ربحت بالمنتدى هون 100$ من مسابقات رمضان xD

في كتير زكريات حلوة ما بنساها ~

ما انحرم منكم يا احلى واغلى نآآآآآس :)

PaLeSt!Ne SouL · 10-23-2011, 12:10 AM

لازمه رجعة هالموضوع :)

PaLeSt!Ne SouL · 10-30-2011, 10:37 PM

،

لما بكون متدايقة من أي شي

بتزكر امون و هبلها و بنبسط كتير

كان اسمها زيتونة فلسطين و ندورلها ع باباي

و نطعميها سبانخ

كانت تتدايق من هالمزح :)

و لما غيرت اسمها لفرفوشة طلعت النكت عليها أكتر

امم بتحيك يا أم كرش لاي بنت بتكلمها

و الها صحاب هنود كتير

بدها تزوجني اللي بيلم الزبالة أو اللي شافته بالمول

كل ما الكلمها ببعتلهم سلام هه

بتزكر طخطختها ع الاهداءات و حرب العصابات مع اسد

بتحب المزح كتير و ما بتحب تزعل حد و لا حد يزعلها

مرة اعملنا انا و اياها مقلب ببسملة و زعلت منا ع الىخر و ما كلمتنا فترة

بس طلع مقلبنا ع فايدة :)

اشتقتلها كتير

الله يوفقها بالتوجيعي

حسام المصرى · 10-31-2011, 01:17 AM

منتدى شباب فلسطين ..
ياااااااه .. منتدى ليه ذكريات جميلة جدا .. معى ...

ومتذكر موضوع الترحيب بتاعى .. اللى عملته وسعتها ما رحب بى عدد كبير للأسف .. ^^

كنت بفتكر أن أهل فلسطين دول ناس حزانى وكآبة .. لقيت أن دمهم كتير خفيف برغم كل المرار اللى بيعيشوه .. ووجدت كلهم أخلاق ما شاء الله .. بس بعصبوا بسرعة وبيحبوا الأكل أوى .. ^^ ما شاء الله ..

بفتكر أنى كنت أنا والجزائريين اللى فى المنتدى أعداء ..÷ههههههه
مش هنسى أيام بطولة أفريقيا .. كنت بتعمد أستفزهم .. ونسمة جزائرية كانت بتقول كلام .. يا نهار عليها .. كان بيخلينى أضحك ...

بس صرنا سمن على عسل ...

بتذكر كمان خيو رعد .. هدا كان مخالفنى الرأى علطول هو وشهيد ... ^^

بتذكر الأخ قسامى غزة .. حبيبى فى الله وكيف أنه شب محترم وناضج كتير .. وكان بيعجبنى طريقة تفكيره ..

بتذكر أعز أخت ليا فى المنتدى .. دموع الرحيل .. بجد مهما أتكلمت مش هوفى حقها .. ونعم الذوق والأخلاق والطيابة والعقل .. مو ممكن نلاقى أشخاص بها الطيبة والأخلاق .. كلامها يرطب القلوب والله بس خسارة ما عادت تفوت ..

بتذكر كمان أنى أول مدخلت المنتدى كنت معجب كتير بمواضيع صوفى .. وأظن كمان هى كانت حطة صورة بنت صغيرة قريبتها تقريبا كانت حلوة .. ^^ ما شاء الله ..

بتذكر الفوازير اللى كنت بحطها .. ودمعة أسى كانت تحلها ما شاء الله عنها كنت بحكى كيف واحدة أدبى تحل ها الفوازير .. الله معها ...

بتذكر المهندس .. ربنا يسامحه .. ليه ذكريات معايا مش كويسة بس هو كشخص قلمه رائع ..

فى منتدى شباب فلسطين فرحت من قلبى فعلا وشعرت بأن لى إخوة لم تلدهم أمى .. كنت بفرح لفرحهم وازعل لزعلهم ..

أنا فاكر فرحتى بأبومجاهد لما اتخرج ..

فاكر كمان فرحتى بخطوبة ماهيناز .. عن جد كنت سعيد جدا .. خصوصا أن ماهيناز من الناس اللى أفكارهم راقية جدا .. ما شاء الله ..

بتذكر نور الهدى .. وكيف كانت ترد على كل مواضيعى ..
وأنا على الإهداءات كنت أقولها بدك تعزمينى لباريس وهى تقولى اوك مفيش مانع .. ونعد نضحك ..

فاكر اللحظات اللى اتحظرت فيها .. ربما تم حظرى 4 أو 5 مرات .. ^^ ...

منهم مرة كنت مضايق جدا من الحظر .. وكان نفسى أرجع بأى طريقة بعضويتى .. وأبومجاهد ما قصر والله ..

بتذكر أول توقيع اعطانى إياه أبو مجاهد .. وكذلك توقيع شهيد ..

وبتذكر التواقيع اللى عملتها لفرفوشة وياسو و sadness eyes <<

بتذكر أيام رمضان معكم وبتذكر زمان الدردشة الرمضانية .. أيام ما الأعضاء كانوا كتير ...

بتذكر أنى بلاستين فلاور كنت بأستفز منها جدا .. بس صراحة طلعت شخصية ممتازة وبتحب صحابها جدا ..

لما كنت أشوف رحلات الأعضاء أبو مجاهد والشلة كنت أفرح جدا وأقول يا رتنى كنت معاهم .. ^^ ..

فرفوشة بتذكر كيف كانت تملأ المنتدى هيصة وضحك ومرح .. ولما كانت تحكيلى يا عبسى يابو شعرات حمر او يابو كرش أحيانا .. كنت أضحك أوى ...

بتذكر التسجيل الصوتى اللى عملته فى المنتدى من فترة قريبة وحكيت فيه عن أعضاء كتير وعن المنتدى بصفة عامة ..
وكان الكلام من قلبى .. مو كتير سمع هدا التسجيل لأنه حذف .. بس كنت بتكلم من قلبى ..

بينى وبينك هدا ليه ذكريات بقى كثيرة جدا معى كل لما أشوف المواضيع القديمة اللى فيه وكتير جدا أضحك ..

والكثير والكثير ..

منتدى شباب فلسطين عملنى أن المنتدى مش بعدد أعضائه ولكن بقوة الترابط بينهم وبين بعض ..

علمنى يعنى إيه نحب بعض كإخوات أيا كانت جنسياتنا لأننا فى الآخر مسلمين ..

ومهما حصلت مشاكل أو ناس بتظن خطأ فى بعض .. دى بتبقى لحظات عابرة ..

حسام المصرى · 10-31-2011, 01:29 AM

المشاركة الأصلية كتبت بواسطة dr.yaso انا بسقط بس غيري لأ :shababsmile111:

بعدين تعي لهون تجبر شو :shababsmile235:

لك انا رجعت وحسام المصري بحكيلي انتي ليش هيك هديانة؟؟ :shababsmile250:

بعدين هاي اسمها سقة بالنفس

سقة يا بنتي لإني بعرف إيمة حالي :shababsmile229:

فديتني بحبني وبعجبني :shababsmile240:

صراحة ما فهمت الجملة اللى بالأحمر .. ^^

PaLeSt!Ne SouL · 10-31-2011, 10:54 AM

كان اسامة كتير يكتبلي " دمتي بلا بروبلمز "

/

اول توقيعين الي بالمنتدى كانو من د روان الله يوفقها

و اول وحدة خلتني احب المنتدى ماهيناز ~

/

كان في موضوع الغاز اان و اسد و انتهينا نشارك فيه

و اسد ما بيفرق بين المنضدو و المنطاد

يومها غلبني كتير .

/

امل و نانا و حروبهم المطبخية كانوا دايما يتانفسوا بين بعض

بس امل اللي غلبتها :p

ما شا الله عنهم التنتين

حسام المصرى · 10-31-2011, 12:08 PM

عاشقة غزة ..
كانت تعجبنى ردودها اوى ..

ومواضيع الطبخ بتاعتها .. كنت دايما أحكيلها ما شاء الله يا بخت زوجك .. وكنت بقولها بدك تشوفيلى عروسة طباخة ..ههههه

وبتذكر يوم ما قالت عمرها فى احد المواضيع موكنت متصور أن يكون عمرها فى التلاتين

كنت بحسبها بعمر 24 أو 25 سنة على الأكثر ..

عازفة الاحزان · 10-31-2011, 03:05 PM

والله في كتييير زكريات حلوه

واجا في بالي من شوي
عضو موجود هون اسمو امين خلاف
كنت اقرآ كتاباتو دائما
وكمان احمد شبلاق ما شا الله عليه
كتباتو روووعه

ومره عصبت لانو ما كنت عارفه اكتب رد
ما بعرف شو كان في بالمنتدى
مش متزكره المهم ورجع الوضع كويس بعد هيك
مع اني غبت كتتيييير وعدة مرات مش مره وحده

بس ما نسيتو *_^

القلب النابض · 10-31-2011, 06:48 PM

بتزكر اروج ونرمين ومكيودتي وغبوش ورنوش كيف كنا نقضي ساعات ما نحس فيهم

دي ايام

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء