غزة .. للنقاش

[حسام المصرى]

انهارده كنت بحكى مع أبو مجاهد عن غزة .. وهيك

وأنى بدى أروحها .. بس خايف .. لحسن طيارات العدو .. تعمل قصف وأروح فيها ..

ولا لحسن يكون فيه لغم ولا حاجة وينفجر فيا ..هههههههههه

أبو مجاهد حكالى أنتم ليش مفكرين أن غزة كده والسما طيارات وهيك وضرب وقصف ..

الوضع مش هيك .. غزة فيها أمان .. وفيها منتجعات وفسح وهيك ..

وعن جد أنا كنت بستغرب أساسا كيف عندكم نت .. وبتروحوا رحلات والبحر وهيك ..

والجامعةا لإسلامية هادى ما شاء الله حاجة أنا اتذهلت بجمالها ..

ناس كتير متصورة غزة وهيك .. ضرب وعمارات مهدومة والناس عايشة بضلام ومعندهاش ولا نت ولا أى شئ ,,

بس أبو مجاهد قالى هدخلك على ضمانتى فلسطين .. بيعرف ناس على المعبر هو .. محسسنى أنه مهم .. ^^

كيف الحياة فى غزة وفلسطين عامة ..

المواصلات .. الأسواق .. المطاعم ..

ووقت القصف والحرب كانت ايه الأحوال ..

[PaLeStiNe FlOwEr]

وهــيــك :p

ان شاء الله العايشين فيها بفيدوك أكتر :)

[إسراء الفلسطينية]

غـــزّة وما أدرآكَ ما غــزّة :)

بعدني إمبارح عم بقول لإمي " يا الله .. والله من نفسي أروح ع غزة " :(

عنجد كتير نفسي أروح غزة ..

مع اني عمري ما رايحتها قبل .. بس بتخيلهــآ حلوة كتير ..

بيكفي نــآسها الطيبة ..

كل مكـآن بهل عالم في مأســآه .. وخصوصا ببلاد المسلمين .. للأسف !

فلهيك ما في منطقة / بلد بتخلى من هل أمور ..

وبالنسبة لغزّة .. أكيد فيها إشيا حلوة .. والناس الحمد لله عـآيشة :)

يعني لو بدو يضل الواحد " حاطط الحزن بالجرّة وقاعد " ، كان وقفت الدنيا

بالعكس نحنا بإيماننا وبعزيمتنــآ وإصرارنا على الحيــآة منقوى ..

أكيد يلي عايشين بغزة بيقدروا يفيدوك أكتر مني ، بس حبيت أعطي رأيي :)

شكرا حســـآم

[دمع المطر]

غزة . . متل الخيال . .
ما بعرف عنها شي بس بحبها كتير
ونفسي أعيش فيها
بس ما بعرف شي من ناحية الأمان
وأنا متلك كنت مفتكرتها رعب وهيك
بس اللي ساكنينها أكيد إلهم رأي تاني

[حسام المصرى]

المشاركة الأصلية كتبت بواسطة PaLeStiNe FlOwEr وهــيــك :p

ان شاء الله العايشين فيها بفيدوك أكتر :)

أها ..
أبو مجاهد اكتر واحد رح يفيدنى ..ههههههههه

بساله أسعار الفنادق كام فى غزة لو بدى أجى أقيم يوم ..ههههههه
بيحكيلى أنى هبيع اللى وراى واللى أدامى لو بدى أقعد فى فندق .. على أساس رايح .. جزر البهاماز ..

المشاركة الأصلية كتبت بواسطة دمع المطر غزة . . متل الخيال . .
ما بعرف عنها شي بس بحبها كتير
ونفسي أعيش فيها
بس ما بعرف شي من ناحية الأمان
وأنا متلك كنت مفتكرتها رعب وهيك
بس اللي ساكنينها أكيد إلهم رأي تاني

أكيد ليهم رأى تانى ..
أنا والله بدى أروحها ..

فيه واحد فى منطقتنا أصلا من غزة .. وليه جزء كبير ساكن فى المنطقة بتاعتنا وناس أخلاق ما شاء الله ..

وبعدين الفسح بتاعتهم خلتنى بدى أروح ليها

[حسام المصرى]

المشاركة الأصلية كتبت بواسطة إسراء الفلسطينية

غـــزّة وما أدرآكَ ما غــزّة :)

بعدني إمبارح عم بقول لإمي " يا الله .. والله من نفسي أروح ع غزة " :(

عنجد كتير نفسي أروح غزة ..

مع اني عمري ما رايحتها قبل .. بس بتخيلهــآ حلوة كتير ..

بيكفي نــآسها الطيبة ..

كل مكـآن بهل عالم في مأســآه .. وخصوصا ببلاد المسلمين .. للأسف !

فلهيك ما في منطقة / بلد بتخلى من هل أمور ..

وبالنسبة لغزّة .. أكيد فيها إشيا حلوة .. والناس الحمد لله عـآيشة :)

يعني لو بدو يضل الواحد " حاطط الحزن بالجرّة وقاعد " ، كان وقفت الدنيا

بالعكس نحنا بإيماننا وبعزيمتنــآ وإصرارنا على الحيــآة منقوى ..

أكيد يلي عايشين بغزة بيقدروا يفيدوك أكتر مني ، بس حبيت أعطي رأيي :)

شكرا حســـآم

أوك الناس طيببين وكل هيك

بس صدقينى أنك تكونى عايشة بحياة وترجعى لحياة تانية مختلفة هلتاقى الوضع صعب ..

احنا هنا متعودين على البهدلة ...

ومع ذلك .. إن شاء الله ترجعى لغزة وطنك ..

وإن شاء الله الحكومة المصرية تطور سيناء والمعبر هادا يتلغى ويتعمل .. مشروع قطار منال قاهرة لغزة اللى تم مناقشته من التمانينات ولم ينفذ ..

ونوصل لأهلنا وحبايبنا بغزة بسهولة ....
شعب غزة شعب أصيل جدا وثورى ..

الله يخليه لنا

[Maram .. ~]

غـــزّة وما أدرآكَ ما غــزّة :)

بعدني إمبارح عم بقول لإمي " يا الله .. والله من نفسي أروح ع غزة " :(

عنجد كتير نفسي أروح غزة .. :shababsmile111:

مع اني عمري ما رايحتها قبل .. بس بتخيلهــآ حلوة كتير ..

بيكفي نــآسها الطيبة .. :shababsmile229:

لسـّة من يومين صآر نفس الحوآر مع مآمآ

الله يكتبنآ زيآرتهاآآ عن ئريب :(((

[RaNa <3]

عـن نفسي بشـجع الروحـة لغـزة كتيـر

رغـم انو الواحـد بخـاف من الطـرق لا أقل ولا أكتر

أمـا الباقي بيصير كـلو سهـل

بس بالنسبة إلك بما انو مـا في سكـن أو مكـان تقـعد فيه هـان يمكن تواجـه مشكـلة


=)

أمـا القصف والكـلام هـاد هوا بصير بس مـش دايمـا حسب علـمي حـتى صار نـادرا كتيـر

حيقية هـاد اللي بعـرفو عن غـزة من خـلال سفـري إلهـا =)

يعطـيك العـافية ..

[اسد 22]

مع انك سألت عن كل فلسطين وليس غزة فقط

فالوضع في القدس وضواحيها ليس مستقر


غلاء معيشة يا عمي شوف اليهود شو بعملوا حتى يحافظ على نسبتهم في القدس شو بسو سالت
واحد على دار في القدس اسمعت انها اقل دار مليون! مفكر بوحدة بقولي شو الرخصة لحالها مليون!




الله يفرجها وضع صعب كتير يعني بروح الصبح من الشغل بلاقي ناس مروحة وناس رايحة


المحاسيم اكثر من مرة من كتر ما بروح بشوف اشخاص بنزلوا وبرجعوهم منهم واحد عليه حبس بيتي


ومنهم امرأة معها بنت عيانة التسريح تاعها انها تدخل من الضفة وليس من القدس


فرجعوها حجات كتير صعبها والنصب في كليات القدس ما في حد يقدر يحميك و يعطيك حقق اذا بسير معك شي والاصعب تكون تبني دار وفي الاخر تكون مضمومة للضفة بعد فترة



الله يفرجها والحمد لله الملتزم بعيش مهما كانت ظروفه واحواله لانه عارف ان الفارج هو الله

[دموع الغربة واشواق العودة]

ليش هيك إنتو ..بتحبو تحطو إيديكوا ع الجرح ..
آآه ياربي ..والله عيوني دمعت ..عم تحكي عن أرضي وروحي وحبيبتي ..
مابتتخيل شو نفسي أروح غزة (فلسطين عموماً) ..
مُسْتعدة أدفع عمري كلو ..كرمال أشوفها دقيقتين ..
مُستعدة أروحها بوسط القصف والدمار ...بس بدي أشم ريحة هواها وترابها ..
حاسة روحي رح تطلع قبل ما أشوفها ..
شعور كتير صعب لما تحس إنك المُفترض تعيش بالجنة ..ويرموكْ براتها ..
شعور كتير صعب لما تحس إنو أغلى إشي ع قلبك إنسرق منك وإنتا بعيد عنو ..
..
أنا عن حالي عمري مارحتها ..-بس بإذن الله رح أروحها -..
ومارح تتخيل غزة كتير حلوة ..
من حكاوي إمي وستي وسيدي الله يرحمو ..
ع وصفهم بس بحس إنو فلسطين عموماً جنة الله في الأرض ..
وبما إنو نص أهلي هناك ..فـ ع حد علمي ..إنو عادي جداً الحياة ماشية وما أحلاها عندهم ..
لأنهم خلص تعودوا ..الحزن واليأس مش رح يفيدهم ..فـ بمشو حياتهم وهما
مبسوطين وراضيين بالي قسموا ألله ..
ياريت بقدر أفيدكْ أكتر ..بس أنا بدي مين يحكيلي عن حبيبتي بلدي ..
تخيل بلدي ومابقدر أحكيلك بشكل دقيق عنها لإني مش عايشة فيها ..
موضوعكْ أجا ع الجرح مباشرةً ..
والله خليتني أبكي ..
آسفة إزا طلعت برة الموضوع المقصود لشغلات تانية ..
بس صرلي فترة ماحكيت عن هـ الموضوع فـ إنفجرت ..
شكراً إلكْ ..كتير ..موضوع رآئع جداً
:)