الإضراب الجزئي الأول: للمطالبة بتوحيد سعر ساعة المتطلب الجامعي

[شهيد]

/
/

الجامعة الإسلامية تمارس ظلماً على طلابها منذ اليوم الذي أسست فيه. فعدا عن الكم الهائل من
المتطلبات الجامعية التي لا تمت لصلب التخصصات بصلة، تقوم إدارة الجامعة بضبط ساعة سعر
المتطلب الجامعي للتخصصات المختلفة عند سعر ساعة التخصص ذاته.

فنجد ان طالب الطب يدفع ما مقداره 70 ديناراً مقابل جزء القرآن - متطلب جامعي - فيما يدفع طالب
الهندسة 25 ديناراً، وطالب التجارة 15 ديناراً، وطالب الشريعة لا يدفع شيئاً.
(على سبيل المثال لا الحصر)

لذلك .. ندعو جميع الطلبة لمشآركتنا في الاضراب الجزئي الأول ولذلك للمطالبة بتوحيد سعر
ساعة المتطلب الجامعي ،

الموعد : يوم السبت 17-9-2011
من الساعة الثانية عشر ظهراً حتى نهاية الدوام

" المشاركة فردية ولنأخذ حقنا بأيدينا "

[إسراء الفلسطينية]

فنجد ان طالب الطب يدفع ما مقداره 70 ديناراً مقابل جزء القرآن

ممممـ

شو يعني مقابل جزء القرآن ؟

.

.

بس شهيد .. هوي بالعادة الدراسات بتختلف عن بعضها

بسمع انو بالبلاد يلي بيندفع فيها مصاري للتعليم دايما بكون في اختلاف بالسعر ، حسب الدراسة يعني :)

مثلا معروف انو دراسة الطب " غالية " بالنسبة لدراسات تانية ..

٧٠ دينار أديه بيطلعوا ؟

[PaLeSt!Ne SouL]

اهلا و سهلا بك في جامعتنا العزيزة

سبقوك كتير ع فكرة

ما تطلع معهم راس

لانه انطرحت مرة و سمعت رئيس الجامعة بيقول لو وحدوا سعر ساعة المتطلب

رح يرفعوا ساعة التخصص هههه

لانهم مراعينكم بساعة التخصص و بيعوضوها لما يغلوا بالمتطلب :)

لانه طالب الشريعة مسلا ما بيكلف الجامعة زي حضرتك

انتا بدك مستشفى و معامل و تدريب و وووو قائمة طويلة عريضة

زكرتني بحالي سنة اولى :)

[PaLeSt!Ne SouL]

بالنسبة لشو بدك بمواد تانية

عشان تطلع مسكف و جيبك خاوية على عروشها :)

[شهيد]

المشاركة الأصلية كتبت بواسطة إسراء الفلسطينية

ممممـ

شو يعني مقابل جزء القرآن ؟

.

.

بس شهيد .. هوي بالعادة الدراسات بتختلف عن بعضها

بسمع انو بالبلاد يلي بيندفع فيها مصاري للتعليم دايما بكون في اختلاف بالسعر ، حسب الدراسة يعني :)

مثلا معروف انو دراسة الطب " غالية " بالنسبة لدراسات تانية ..

70 دينار أديه بيطلعوا ؟

مادة اسمها قران كريم .. متطلب جامعي ، يعني لازم من كل طلاب الجامعة الاسلامية ،،

صحيح الدراسات بتختلف .. بس هاي المواد يللي مطلوبة من كل الجامعة

مش منطق ابن كلية التجارة يدفع 15 دينار .. وابن كلية الطب يدفع 75 او 70 دينار !!

ساعات التخصص ما حد بيحكي شيء عنها

بس المتطلبات هاي يللي عددها لكلية الهندسة 37 ساعة

لا بتسمن ولا بتغني من جوع

ما الها دخل بالمرة بالهندسة وكل ساعة الطالب بيدفع عليها 25 دينار ، مش مرة وحدة بس

لأ دوري ، ع مدار الفصل يللي بيكون منزل فيها هاي المواد ..

::

واحنا بالطب الله يعلم شو اكم عدد ساعات الطب

بس أنا هلأ شو دخلني بمقدمة للحاسوب !!

معطينا مادة ساعة اسمها مقدمة للحاسوب وبدفع عنها لكل ساعة 70 دينار !!!

وع مدار فصل فيك تعدي كم بدها ،

وغير مواد التخصص ، وغير وغير وغير ...

[شهيد]

المشاركة الأصلية كتبت بواسطة PaLeSt!Ne SouL اهلا و سهلا بك في جامعتنا العزيزة

سبقوك كتير ع فكرة

ما تطلع معهم راس

لانه انطرحت مرة و سمعت رئيس الجامعة بيقول لو وحدوا سعر ساعة المتطلب

رح يرفعوا ساعة التخصص هههه

لانهم مراعينكم بساعة التخصص و بيعوضوها لما يغلوا بالمتطلب :)

لانه طالب الشريعة مسلا ما بيكلف الجامعة زي حضرتك

انتا بدك مستشفى و معامل و تدريب و وووو قائمة طويلة عريضة

زكرتني بحالي سنة اولى :)

يا هلا فيك :)

اممم هو مش انا يللي قائم بالشسمو ..

انا مجرد مشارك في الدعوة لا اكثر ولا اقل

بالنسبة لكلامك ..

احنا ما بنقول عن ساعات التخصص .. عارف انو الطب بكلف اكتر من الشريعة

لهيك ساعة الطب 70 وساعة الشريعة 15 ولا مش عارف كام

ساعة التخصص نفسها !

لكن شو دخل القران الكريم والحاسوب والفقه وابصر شو يللي انا وانتي والمهندس والبرمجي وكل

طلاب الجامعة يكون هالفرق بينهم !!

انا ادفع 70 دينار وغيري 15 ؟! ع نفس المادة !!

[شهيد]

المشاركة الأصلية كتبت بواسطة PaLeSt!Ne SouL بالنسبة لشو بدك بمواد تانية

عشان تطلع مسكف و جيبك خاوية على عروشها :)

والله يما ما اخفي عليك

الكتاب الهامل بالطب 300 شيكل !

شفت ارقام بتخوف اليوم

احنا هيك هيك طالعين مفلسين يعني

بس نفلس ع حاجة مستاهلة ، ع حاجة الها مصلحة لالنا

الكتاب ابو 300 و 400 في الطب ع راسي بشتريه

بس شو دخلني انا ادفع للحاسوب والقران وووو زي مواد التخصص !!!

[PaLeSt!Ne SouL]

ما انا قلتلك لو خلوك تدفع للقرآن 15 دينار

رح ياخدو 100 ع التخصص فهمت القصد !

و يعدين كل الجامعة زيك

انا معي مقدمة في الحاسوب بس 3 ساعات شو رايك

عندي مادتين انجليزي وحدة متطلب و التانية تخصص يعني الدين بالانجليزي

و 3 نحو وحدة متطلب و 2 تخصص

مع انه كليتي اقل كلية بالمتطلبات لانه اغلب متطلبات الجامعة تخصص بالنسبة الي


بالنسبة للكتب اتعرف ع طلاب كليتك و اطلب منهم من الدفعات الي قبل

و رحتحتاجهم اكيد لشغلات غير الكتب

[PaLeSt!Ne SouL]

اصبر شوي ما تشتري كتب لانه بالعادة بيعملوا معرض للكتب

الكتاب ممكن تاخده بنص السعر احيانا حسب الحملات

تقريبا كل فصل بيعملوا هيك بس لقدام

اما بتصبر شوي او بتشتريهم هلقيت و بتندم بعدين هههه

[شهيد]

ههههههههههههههههه الله اكبر !

هو في القران مكتوب علينا ندفع للجامعة مثلا 70 تخصص و70 متطلبات

ما دفعنا للمتطلبات ندفع لـ التخصص 140 او ما شابه ؟!!!

المشكلة انو احنا شعب خويفا :)

لو الجامعة بتاكل ع راسها وبتلاقي الطلاب يللي يقولولها لأ كان وقفت عند حدودها !

حكومات وقعت قدام اصرار شعوب .. جامعة بدهاش تسمع للطلابها ؟!

يللي عددهم نص الشعب ..

و يعدين كل الجامعة زيك

انا معي مقدمة في الحاسوب بس 3 ساعات شو رايك

عندي مادتين انجليزي وحدة متطلب و التانية تخصص يعني الدين بالانجليزي

و 3 نحو وحدة متطلب و 2 تخصص

هههههههههههههههههههههه

طيب هو انا بقاتل لحالي مثلا !!

ما انت وانتي وغير وغيراتي كلهم مظلومين ..!

سياسة شفط مصاري مش دم ،

حتقوليلي انت دفعت شيء ..

ماني شايف اخوتي يللي الهم زي 5 سنين بالجامعة ،

وطبعا انا قدهم لحالي ههههههههه

::

بالنسبة للكتب اول فصل عنا مواده مالها بالطب كتير

لهيك مش رح اشتريها -.-"